କିଏ କେଉଁଠି କରିବେ ପତାକା ଉତ୍ତୋଳନ, ଜାଣନ୍ତୁ

ଆଉ ମାତ୍ର କିଛି ଦିନ ପରେ ଦେଶ ପାଳନ କରିବ 75 ତମ ସ୍ବାଧୀନତା ଦିବସ । ଏହି ଦିନରେ ରାଜ୍ୟ ପ୍ରାୟ ସମସ୍ତ ଜିଲ୍ଲା ସମେତ ରାଜଧାନୀ ଭୁବନେଶ୍ବରରେ ହେବ ପତାକା ଉତ୍ତୋଳନ । ଏହି ଅବସରରେ କେଉଁ ମନ୍ତ୍ରୀ କେଉଁଠି ଉପସ୍ଥିତ ରହିବେ ଜାଣନ୍ତୁ ...

Published: Monday, August 8, 2022, 23:53 [IST]

ଭୁବନେଶ୍ବର: ଆଉ ମାତ୍ର କିଛି ଦିନ ପରେ ଦେଶ ପାଳନ କରିବ 75 ତମ ସ୍ବାଧୀନତା ଦିବସ । ଏହି ଦିନରେ ରାଜ୍ୟ ପ୍ରାୟ ସମସ୍ତ ଜିଲ୍ଲା ସମେତ ରାଜଧାନୀ ଭୁବନେଶ୍ବରରେ ହେବ ପତାକା ଉତ୍ତୋଳନ । ଏହି ଅବସରରେ କେଉଁ ମନ୍ତ୍ରୀ କେଉଁଠି ଉପସ୍ଥିତ ରହିବେ ଜାଣନ୍ତୁ ...

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜଧାନୀ ଭୁବନେଶ୍ବରରେ ଥିବା ୟୁନିଟ 3 ପଡିଆରେ ରାଜ୍ୟ ସ୍ତରୀୟ ପରେଡରେ ଅଭିବାଦନ ଜଣାଇବା ସହିତ ପତାକା ଉତ୍ତୋଳନ କରିବେ। ସେହିଭଳି ଭାବେ ଜିଲ୍ଲା ସ୍ତରରେ ମନ୍ତ୍ରୀମାନେ ପତାକା ଉତ୍ତୋଳନ କରିବେ । ସଂଖ୍ୟାଲଘୁ ବିକାଶ ଓ ଆଇନ ମନ୍ତ୍ରୀ ଜଗନ୍ନାଥ ସାରକା କନ୍ଧମାଳ, ପୁରୀ ଯିବେ ଅର୍ଥ ଓ ସଂସଦୀୟ ବ୍ୟାପାର ମନ୍ତ୍ରୀ ନୀରଞ୍ଜନ ପୂଜାରୀ,କୃଷି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ଢେଙ୍କାନାଳ, ଜଙ୍ଗଲ ଓ ପରିବେଶ, ପଞ୍ଚାୟତରାଜ ମନ୍ତ୍ରୀ ପ୍ରଦୀପ କୁମାର ଅମାତ ବଲାଙ୍ଗୀର, ଏଥିସହିତ ରାଜସ୍ବ ଓ ବିପର୍ଯ୍ୟୟ ମନ୍ତ୍ରୀ ପ୍ରମିଳା ମଲ୍ଲିକ କେନ୍ଦୁଝର, ଗୃହ ଓ ନଗର ନିର୍ମାଣ ମନ୍ତ୍ରୀ ଉଷା ଦେବୀ ଯିବେ ନୟାଗଡ ।

ଏଥିସହିତ ପ୍ରଫୁଲ୍ଲ କୁମାର ମଲ୍ଲିକ ଖଣି ଓ ଇସ୍ପାତ ମନ୍ତ୍ରୀ କଟକ, ଶିଳ୍ପ ଏବଂ ଶକ୍ତି ମନ୍ତ୍ରୀ ପ୍ରତାପ କେଶରୀ ଦେବ ଯିବେ ସୁନ୍ଦରଗଡ, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକ ମୟୁରଭଞ୍ଜ, ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ନବ କିଶୋର ଦାସ ଯିବେ ବରଗଡ, ପରିବହନ ମନ୍ତ୍ରୀ ଟୁକୁନି ସାହୁ ବାଲେଶ୍ବର, ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଯିବେ ଗଞ୍ଜାମ, ଯୋଜନା ଓ ସମନ୍ବୟ ମନ୍ତ୍ରୀ ରାଜେନ୍ଦ୍ର ଢୋଲକିଆ କଳାହାଣ୍ଡି, ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ ମାଲକାନଗିରି, ପର୍ଯ୍ୟଟନ ମନ୍ତ୍ରୀ ଅଶ୍ବିନୀ କୁମାର ପାତ୍ର ସମ୍ବଲପୁର, ଗ୍ରାମୀଣ ବିକାଶ ମନ୍ତ୍ରୀ ପ୍ରୀତି ରଞ୍ଜନ ଗଢାଇ ଯିବେ କରୋପୁଟ, ଶ୍ରମ ମନ୍ତ୍ରୀ ଶ୍ରୀକାନ୍ତ ସାହୁ ଗଜପତି, ଗୃହ ମନ୍ତ୍ରୀ ତୁଷାରକାନ୍ତି ବେହେରା ଖୋର୍ଦ୍ଧା, ଉଚ୍ଚଶିକ୍ଷା ମନ୍ତ୍ରୀ ରୋହିତ ପୂଜାରୀ ଯିବେ ସୋନପୁର , ହସ୍ତ ଏବଂ ବୟନଶୀଳ୍ପ ମନ୍ତ୍ରୀ ରୀତା ସାହୁ ନୂଆପଡା, ମହିଳା ଓ ଶିଶୁ ବିକାଶ ମନ୍ତ୍ରୀ ବାସନ୍ତୀ ହେମ୍ବ୍ରମ ଅନୁଗୁଳରେ ପତାକା ଉତ୍ତୋଳନ କରିବେ ।

ଦକ୍ଷିଣାଞ୍ଚଳ ରାଜସ୍ବ କମିଶନର ବ୍ରହ୍ମପୁର ଏବଂ ଉତ୍ତରାଞ୍ଚଳ ରାଜସ୍ବ କମିଶନର ରାଉରକେଲାରେ କରିବେ ପତାକା ଉତ୍ତୋଳନ ସହିତ ପରେଡ ଅଭିବାଦନ ଗ୍ରହଣ କରିବେ।

Published On August 8, 2022