କିଟ୍ ଛାତ୍ରୀଙ୍କ ଆତ୍ମହତ୍ୟା ମାମଲା: ନେପାଳରେ ପ୍ରତିବାଦ

KIIT Student Suicide Case: କିଟ୍ କ୍ୟାମ୍ପସରେ ଜଣେ ବିଟେକ୍ ଛାତ୍ରୀଙ୍କ ଆତ୍ମହତ୍ୟା ଘଟଣାକୁ ନେଇ ଓଡ଼ିଶାରେ ସରଗରମ ରହିଛି ରାଜନୀତି । ଏହି ମାମଲାକୁ ନେଇ ବିଧାନସଭାଠୁ ଆରମ୍ଭ କରି ରାଜରାସ୍ତାରେ ଉତ୍ତେଜନା ଦେଖିବା ପାଇଁ ମିଳିଛି । ଗତକାଲି କିଟ୍'ରେ ନେପାଳୀ ଛାତ୍ରୀଙ୍କ ଆତ୍ମହତ୍ୟା ଖବର ସ୍ପଷ୍ଟ ହେବା ପରେ ତୁରନ୍ତ କ୍ୟାମ୍ପସ ଖାଲି କରାଯାଇଥିଲା ଏବଂ ସମସ୍ତ ନେପାଳ ଛାତ୍ରଛାତ୍ରୀଙ୍କୁ ଘରକୁ ଫେରିଯିବା ପାଇଁ ନିର୍ଦ୍ଦେଶ ଦିଆଯାଇଥିଲା ।

ଆଜି ନେପାଳ ରାଜରାସ୍ତାରେ ଶହ ଶହ ଛାତ୍ରଛାତ୍ରୀ କିଟ୍ ବିରୋଧରେ ନାରାବାଜି କରିବା ସହ ମୃତ ଛାତ୍ରୀଙ୍କୁ ନ୍ୟାୟ ଦାବି କରିଛନ୍ତି । ସେହିପରି ମୃତ ଛାତ୍ରୀଙ୍କ ପିତା କହିଛନ୍ତି ଓଡ଼ିଶା ପୋଲିସ ଏବଂ ସେଠାକାର ବ୍ୟବସ୍ଥା ଉପରେ ପୂର୍ଣ୍ଣ ବିଶ୍ୱାସ ରହିଛି । ତାଙ୍କ ଝିଅକୁ ନିଶ୍ଚୟ ନ୍ୟାୟ ମିଳିବ ବୋଲି ମଧ୍ୟ ସେ କହିଛନ୍ତି ।

ସୂଚନା ଅନୁସାରେ, ପ୍ରେମ ପ୍ରତାରଣକୁ ନେଇ କିଟ୍ ଛାତ୍ରୀ ଆତ୍ମହତ୍ୟା କରିଥିବା ଅଭିଯୋଗ ପରେ ତାଙ୍କ ପୁରୁଷ ବନ୍ଧୁଙ୍କୁ ଗିରଫ କରାଯାଇଛି । ଗତକାଲି ଏହି ମାମଲାକୁ ନେଇ କିଟ୍ କ୍ୟାମ୍ପସରେ ଉତ୍ତେଜନାରେ ମାହୋଲ ଦେଖିବା ପାଇଁ ମିଳିଥିଲା ଏବଂ କଲେଜ କ୍ୟାମ୍ପସରେ ବ୍ୟାପକ ଭଙ୍ଗାରୁଜା କରିଥିଲେ ଛାତ୍ରଛାତ୍ରୀ । ଛାତ୍ରଛାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ନେପାଳୀ ଛାତ୍ରଛାତ୍ରୀଙ୍କ ପାଇଁ କଲେଜରେ ସାଇନ-ଏ-ଡାଏ ଘୋଷଣା କରାଯାଇଥିଲା ।