ଖରସ୍ରୋତା ମେଗା ଜଳ ପ୍ରକଳ୍ପକୁ ବିରୋଧ ଘଟଣା, ୨୫ଜଣଙ୍କୁ ଉଠାଇନେଲା ପୋଲିସ

କେନ୍ଦ୍ରାପଡ଼ା ଜିଲ୍ଲାରେ ଆରମ୍ଭ ହୋଇଥିବା ଖରସ୍ରୋତା ମେଗା ଜଳ ପ୍ରକଳ୍ପକୁ ବିରୋଧ କରି ଗତକାଲି ସ୍ଥାନୀୟ ଲୋକେ ଓ ପୋଲିସ ମୁହାଁମୁହିଁ ହୋଇଥିଲେ । ଏହି ଘଟଣାରେ ରାତି ଅଧିଆ ୨୫ଜଣଙ୍କୁ ଉଠାଇ ନେଇଛି ପୋଲିସ ।

Published: Friday, August 13, 2021, 11:33 [IST]

କେନ୍ଦ୍ରାପଡ଼ା: ଜିଲ୍ଲାରେ ଆରମ୍ଭ ହୋଇଥିବା ଖରସ୍ରୋତା ମେଗା ଜଳ ପ୍ରକଳ୍ପକୁ ବିରୋଧ କରି ଗତକାଲି ସ୍ଥାନୀୟ ଲୋକେ ଓ ପୋଲିସ ମୁହାଁମୁହିଁ ହୋଇଥିଲେ । ଏହି ଘଟଣାରେ ରାତି ଅଧିଆ ୨୫ଜଣଙ୍କୁ ଉଠାଇ ନେଇଛି ପୋଲିସ । ଯେଉଁମାନେ ଆନ୍ଦୋଳନ ସ୍ଥଳକୁ ଯାଇ ନ ଥିଲେ ସେମାନଙ୍କୁ ଉଠାଇ ନେଇଛି ପୋଲିସ୍‌ । ପୋଲିସ୍‌ ଏପରି ଜୁଲମ ବନ୍ଦ ନ କଲେ ନୂଆ ପ୍ରକାରର ଆନ୍ଦୋଳନ ହେବ ବୋଲି ଖରସ୍ରୋତା ବଞ୍ଚାଓ ସମିତି ପକ୍ଷରୁ ଚେତାବନୀ ଦିଆଯାଇଛି।

କେନ୍ଦ୍ରାପଡାରୁ ଭଦ୍ରକକୁ ପାଣିଦେବାକୁ ବିରୋଧ କରି ପ୍ରକଳ୍ପ ଅଂଚଳରେ ଗତକାଲି ଲଙ୍କାକାଣ୍ଡ ହୋଇଥିଲା । ପୁଲିସ ଓ ଆନ୍ଦୋଳନକାରୀଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା । ପ୍ରକଳ୍ପ କାମ ଚାଲିଥିବା ସ୍ଥାନରେ ବ୍ୟାପକ ଭଙ୍ଗାରୁଜା କରିଥିଲେ ଆନ୍ଦୋଳନକାରୀ । ବ୍ୟାରିକେଡ ଭାଙ୍ଗି ଆନ୍ଦୋଳନକାରୀମାନେ ପ୍ରକଳ୍ପ ସ୍ଥାନରେ ପଂହଚି ବ୍ୟାପକ ଭଙ୍ଗାରୁଜା କରିଥିଲେ । ଆନ୍ଦୋଳନକାରୀମାନେ ପାଣି ଟ୍ୟାଙ୍କର, କଂଟେନର ଓ ପ୍ରକଳ୍ପ ସ୍ଥାନରେ ଥିବା ଯନ୍ତ୍ରାଂଶକୁ ବି ଭାଙ୍ଗିଦେଇଥିଲେ । ପ୍ରକଳ୍ପ ଅଂଚଳରେ ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ ହୋଇଛି ।

ଖରସ୍ରୋତାରୁ ଭଦ୍ରକକୁ ପାଣି ଦେବା ପାଇଁ ହେଉଥିବା ମେଗା ଜଳ ପ୍ରକଳ୍ପକୁ ଜୋରଦାର ବିରୋଧ । ପ୍ରଶାସନ ପକ୍ଷରୁ ଧାରା ୧୪୪ ଲାଗିଥିଲେ ମଧ୍ୟ ଆନ୍ଦୋଳନକୁ ଓହ୍ଲାଇଛନ୍ତି ସ୍ଥାନୀୟ ଲୋକେ । ମେଗା ଜଳ ପ୍ରକଳ୍ପର କାମକୁ ବିରୋଧ କରି କଟକ-ଚାନ୍ଦବାଲି ରାସ୍ତାକୁ ବନ୍ଦ କରିଛନ୍ତି ଆନ୍ଦୋଳନକାରୀ । କାମ ବନ୍ଦ କରିବାକୁ ଚେତାବନୀ ଦେଇଛନ୍ତି ଖରସ୍ରୋତା ସଂଗ୍ରାମ ସମିତି ।

Published On August 13, 2021