ରାଜଧାନୀରେ କଙ୍ଗାରୁ କୋର୍ଟ, କମେଣ୍ଟମାରିଲେ ପିଲା, ଆଣ୍ଠେଇଲେ ବାପା, ବିଷ ପିଇଲେ ନାବାଳକ

Updated: Friday, December 9, 2022, 22:24 [IST]

ଭୁବନେଶ୍ୱର: ରାଜଧାନୀରେ ବସିଲା କଙ୍ଗାରୁ କୋର୍ଟ, ସେ ପୁଣି ପୋଲିସ ଉପସ୍ଥିତିରେ । କମେଣ୍ଟମରାକୁ ନେଇ ଭୁବନେଶ୍ୱର ବରମୁଣ୍ତାରେ ତୁମୁଳକାଣ୍ତ । କମେଣ୍ଟମରା ପାଇଁ ଦୁଇ ପିଲାଙ୍କ ସହ ରାସ୍ତାର ତାଙ୍କ ବାପାଙ୍କୁ ଆଣ୍ଠେଇଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।

ସୂଚନା ଅନୁସାରେ, ଏଭଳି ଘଟଣା ବରୁମୁଣ୍ତା ପାଲାମଣ୍ତପଠାରେ ଘଟିଛି । ସ୍କୁଲରେ କମେଣ୍ଟମରାକୁ ନେଇ ଗାଁ ମଝିରେ ଦୁଇ ଜଣ ନାବାଳକଙ୍କୁ ଗ୍ରାମବାସୀ ଆଣ୍ଠେଇଥିଲେ । ଏପରିକି ଗାଁରୁ ନିଆଁ ପାଣି ବାସନ୍ଦ କରିବା ପାଇଁ ମଧ୍ୟ ଖୋଲାଖୋଲି ଚେତାବନୀ ଦେଇଥିଲେ ଗାଁ ଲୋକେ । କମେଣ୍ଟ ମରାକୁ ନେଇ ଦୁଇ ପିଲାଙ୍କ ସହ ବାପାଙ୍କୁ ମଧ୍ୟ ରାସ୍ତାରେ ଆଣ୍ଠେଇବା ପାଇଁ ପଡିଥିଲା । ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଭିଡିଓ । ତେବେ ପରବର୍ତ୍ତୀ ସମୟରେ ଏହି ଘଟଣା ଏକ ଭିନ୍ନ ମୋଡ ନେଇଥିଲା । ଲୋକଲଜ୍ୱା ଭୟରେ ଜଣେ ନାବାଳକ ଆତ୍ମହତ୍ୟା କରିବା ପାଇଁ ଉଦ୍ୟମ କରିଛି । ତାଙ୍କୁ ତୁରନ୍ତ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ବର୍ତ୍ତମାନ ତାଙ୍କର ଚିକିତ୍ସା ଜାରି ରହିଛି । ଏହି ଘଟଣାରେ ବର୍ତ୍ତମାନ ପୋଲିସ ୨ ଜଣଙ୍କୁ ଅଟକ ରଖି ପଚରାଉଚରା କରୁଛି ।