ନବୀନ ନିବାସରେ କଳିକେଶ ସିଂହଦେଓ, ମିଳିପାରେ ବଡ଼ ଦାୟିତ୍ଵ?

ବିଜେଡିର ଭବିଷ୍ୟତ ଓ ନବୀନ ପଟ୍ଟନାୟକଙ୍କ ଉତ୍ତରାଧିକାରୀ ନେଇ ପୁଣିଥରେ ରାଜ୍ୟ ରାଜନୀତିରେ ଆରମ୍ଭ ହୋଇଛି ଚର୍ଚ୍ଚା। ଆଜି ନବୀନ ନିବାସରେ ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂହଦେଓ ପହଞ୍ଚିବା ପରେ ବିଜେଡିରେ ଝଡ଼ ସୃଷ୍ଟି ହୋଇଛି । ପୂର୍ବରୁ ନବୀନ ନିବାସରେ ପ୍ରତାପ ଜେନା ଓ ଦେବୀ ମିଶ୍ର ମଧ୍ୟ ଉପସ୍ଥିତ ଅଛନ୍ତି।

ତେବେ କଳିକେଶଙ୍କୁ ବଡ଼ ଦାୟିତ୍ୱ ମିଳିବା ନେଇ ଚର୍ଚ୍ଚା ଜୋର ଧରିଛି । ପୂର୍ବରୁ ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂହଦେଓଙ୍କୁ ନେତୃତ୍ୱ ଦେବା ସପକ୍ଷରେ ଜୁନାଗଡ଼ ବିଧାୟକ କ୍ୟାପଟେନ ଦିବ୍ୟଶଙ୍କର ମିଶ୍ର ଯୁକ୍ତି ବାଢ଼ିଥିଲେ । କଳିକେଶଙ୍କୁ ନେତୃତ୍ୱ ଦେବାକୁ ଦେବେଶ ଆଚାର୍ଯ୍ୟ ମଧ୍ୟ ଖୋଲା ମଞ୍ଚରେ କହିଥିଲେ ।

ଆପଣଙ୍କୁ ଜଣାଇ ଦେଉଛୁ ଯେ, ଗତ ୨୩ ତାରିଖରେ କଳିକେଶଙ୍କ ବାପା ଏ.ୟୁ. ସିଂହଦେଓ ନବୀନ ନିବାସ ଯାଇଥିଲେ । ଦିବ୍ୟଶଙ୍କର ମୀଶ୍ର ଓ ଦେବେଶ ଆଚାର୍ଯ୍ୟଙ୍କ ସୁପାରିସ ପରେ ଗତ ଦୁଇ ଦିନ ଧରି କଳିକେଶଙ୍କୁ ନେତୃତ୍ୱ ଦେବା ପାଇଁ ଜୋରଦାର ଚର୍ଚ୍ଚା ହେଉଛି ।

English summary

Kalikesh Singhdeo at Naveen's residence, big responsibility in Malirpa?