ଅକ୍ଷୟ ତୃତୀୟା ଭେଟି: ଆଜି ମିଳିବ କାଳିଆ ଟଙ୍କା, ଚାଷୀଙ୍କ ପାଇଁ ୯ଟି ପ୍ରକଳ୍ପର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ

ଆଜି ପବିତ୍ର ଅକ୍ଷୟ ତୃତୀୟା ଅବସରରେ ଚାଷୀଙ୍କୁ ମିଳିବ କାଳିଆ ଟଙ୍କା । ୨୦୨୨ ଆର୍ଥିକ ବର୍ଷ ପାଇଁ କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ୨୦୦୦ ଟଙ୍କା ଲେଖାଏଁ କାଳିଆ ସହାୟତା ରାଶି ପ୍ରଦାନ କରିବେ ରାଜ୍ୟ ସରକାର ।

By Shreemaye Samapika

Updated: Tuesday, May 3, 2022, 13:38 [IST]

ଭୁବନେଶ୍ଵର: ଆଜି ପବିତ୍ର ଅକ୍ଷୟ ତୃତୀୟା ଅବସରରେ ଚାଷୀଙ୍କୁ ମିଳିବ କାଳିଆ ଟଙ୍କା । ୨୦୨୨ ଆର୍ଥିକ ବର୍ଷ ପାଇଁ କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ୨୦୦୦ ଟଙ୍କା ଲେଖାଏଁ କାଳିଆ ସହାୟତା ରାଶି ପ୍ରଦାନ କରିବେ ରାଜ୍ୟ ସରକାର । ଅପରାହ୍ଣରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚାଷୀଙ୍କୁ 'କାଳିଆ' ଟଙ୍କା ପ୍ରଦାନ କରିବେ । ଏଥିସହ ଚାଷୀଙ୍କ ପାଇଁ ୯ଟି ପ୍ରକଳ୍ପର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ।

ପଣସ ମିଶନ

ରାଜ୍ୟରେ ପ୍ରାୟ ୯ ଟି ଜିଲ୍ଲାର ପଣସ ଚାଷୀଙ୍କ ପାଇଁ ଓଡ଼ିଶା ପଣସ ଚାଷ ର ଆରମ୍ଭ କରାଯାଇଛି । ପଣସ ଚାଷକୁ ଲୋକପ୍ରିୟ କରିବା ଉପରେ ରାଜ୍ୟ ସରକାର ଗୁରୁତ୍ୱାରୋପ କରିଛନ୍ତି। ପଣସ ଚାଷ ପାଇଁ ଓଡିଶାର ଜଳବାୟୁ ଅତ୍ୟନ୍ତ ଅନୁକୂଳ । ଏହି ଫଳର ଗୁଣ ସମସ୍ତଙ୍କ ମଧ୍ୟରେ ପୁଷ୍ଟିକର ସୁରକ୍ଷାକୁ ଦୃଢ଼ କରିବାରେ ସହାୟକ ହୋଇଥାଏ । ଏହି ମିଶନ ନେଇ ୯୭କୋଟି ଟଙ୍କା ର ପ୍ରୋତ୍ସାହନ ଦିଆଯାଇଛି।

ପବିତ୍ର ଅକ୍ଷୟ ତୃତୀୟା ଅବସରରେ କୃଷକଙ୍କ ସଶକ୍ତିକରଣ ପାଇଁ ମୁଖ୍ୟମନ୍ତ୍ରୀ ଶ୍ରୀ @Naveen_Odisha କାଳିଆ ସହାୟତା ବଣ୍ଟନର ଶୁଭାରମ୍ଭ କରିବେ। ଏହି ଅବସରରେ ୮୦୦ କୋଟିରୁ ଅଧିକ ଟଙ୍କାର ସହାୟତା ବଣ୍ଟନ କରାଯିବ ଓ ପ୍ରାୟ ୪୧ ଲକ୍ଷ କ୍ଷୁଦ୍ର ଓ ନାମମାତ୍ର ଚାଷୀ ଏହାଦ୍ବାରା ଲାଭବାନ ହେବେ। #OdishaForFarmers #Kalia pic.twitter.com/hpbAWwKaRV
— CMO Odisha (@CMO_Odisha) May 3, 2022

କାଳିଆ ଯୋଜନା

୪୦ ଲକ୍ଷ ରୁ ଅଧିକ କ୍ଷୁଦ୍ର ଏବଂ ନାମମାତ୍ର ଚାଷୀ ଙ୍କ ପାଇଁ 804 କୋଟି ଟଙ୍କା ର କ୍କୃଷି ସହାୟତା ଘୋଷଣା । ବର୍ଷକୁ ଦୁଇଥର କାଲିଆ ଯୋଜନା ଅନ୍ତର୍ଗତ କୃଷକଙ୍କ ଆକାଉଣ୍ଟକୁ ଏହି ରାଶି ପ୍ରଦାନ ନେଇ ରିପୋର୍ଟରେ ଦର୍ଶାଯାଇଛି। ସୂଚନାଯୋଗ୍ୟ ଯେ, ଅକ୍ଷୟ ତୃତୀୟା ଅବସରରେ ଖରିଫ ଫସଲ ପାଇଁ ୯୨୦କୋଟି ଟଙ୍କା ଘୋଷଣା କରାଯାଇଛି ।

ଓଡ଼ିଶା ମିଲେଟ ମିଶନ

୨୦୧୭ ରେ ଆରମ୍ଭ ହୋଇଥିବା ଓଡିଶା ମିଲେଟସ୍ ମିଶନ୍ (ଓଏମ୍ଏମ୍) ବାଜ୍ରା ଚାଷକୁ ପ୍ରୋତ୍ସାହିତ କରିବା ପାଇଁ ପ୍ରଥମ କୃଷି ପଦକ୍ଷେପ । ମିଶନର ଉଦ୍ଦେଶ୍ୟ ହେଉଛି ଓଡ଼ିଶାର ଆଦିବାସୀମାନଙ୍କର ପାରମ୍ପାରିକ ଖାଦ୍ୟ ବାଜ୍ରାକୁ ପୂର୍ବ ଭଳି ଫେରାଇ ଆଣିବା। ଏନେଇ ରାଜ୍ୟର ୧୯ ଟି ଜିଲ୍ଲାର ୧୮୨ଚାଷୀଙ୍କ ପାଇଁ ୨୮୦୮କୋଟି ଟଙ୍କା ର ଅର୍ଥରାଶି ଘୋଷଣା କରାଯାଇଛି।

ରିୱର୍ଡ ଯୋଜନା

୨୦୨୧ ଏପ୍ରିଲ ମାସରେ ବିଜ୍ଞାନିକ ପ୍ରଣାଳୀରେ ଜଳସେଚନ ପରିଚାଳନା ଏହି ଯୋଜନା ପ୍ରସ୍ତୁତ କରାଯାଇଥିଲା । ଏଥିପାଇଁ ୫୦୦ କୋଟି ଟଙ୍କା ବ୍ୟୟବରାଦ କରିବାକୁ ଘୋଷଣା କରାଯାଇଛି । ଏଥିମଧ୍ୟରୁ ବିଶ୍ଵ ବ୍ୟାଙ୍କ ୩୫୦କୋଟି ଟଙ୍କା ଋଣ ସହାୟତା ପ୍ରଦାନ କରିବ। ସମୱନିତ କୃଷିର ପ୍ରୋତ୍ସାହନ ପାଇଁ କାର୍ଯ୍ୟକ୍ରମ ଏନେଇ ୮ ଟି ଜିଲ୍ଲା ର ୧.୮ ଲକ୍ଷ୍ୟ କୃଷକ ପରିବାର କୁ ସାମିଲ କରିବା ପାଇଁ ୨୩୯ କୋଟି ଟଙ୍କା ର ବ୍ୟୟ ବରାଦ କରାଯାଇଛି।

ଗୋ-ସୁଗମ

ଚାଷୀ ଏବଂ କୃଷି ଉଦ୍ୱୋଗୀଙ୍କ ପାଇଁ ସାରା ଭାରତ ରେ ପ୍ରଥମ ସିଙ୍ଗଲ ୱିଣ୍ଡୋ ପୋର୍ଟାଲ ର ଶୁଭାରମ୍ଭ କରାଯିବ । ଏଥି ସହ କୃଷକଙ୍କ ଖାଦ୍ୟ ଦ୍ଵି ଗୁଣିତ କରିବା ପାଇଁ ପୂର୍ବ ପ୍ରମାଣିତ ନୀତି ନିର୍ଦ୍ଧା ରଣ କରାଯିବ । ଏନେଇ ଆନ୍ତର୍ଜାତୀୟ ଖାଦ୍ୟ ନୀତି ଗବେଷଣା ପରିଷଦକୁ ବୁଝାମଣା ପତ୍ର ଦିଆଯାଇଛି। ଅନ୍ୟପଟେ ମୂଲ୍ୟ ଯୁକ୍ତ ଉତ୍ପାଦ ପ୍ରସ୍ତୁତି ଏବଂ ବିପଣନ ନିମନ୍ତେ କୃଷକ ଙ୍କ ସଶକ୍ତି କାରଣ କରାଯିବ। ଏନେଇ କୃଷକ ଉତ୍ପାଦନ ସଂଗଠନ ନିମନ୍ତେ ମାର୍ଗଦର୍ଶିକା ର ଶୁଭାରମ୍ଭ କରିଛନ୍ତି ରାଜ୍ୟ ସରକାର।