ଆରମ୍ଭ ହେଲା ମା' ମାଣିକେଶ୍ୱରୀଙ୍କ ପ୍ରସିଦ୍ଧ ଛତର ଯାତ୍ରା, ଉତ୍ସବମୁଖର କଳାହାଣ୍ତି ଜିଲ୍ଲା
ଆରମ୍ଭ ହେଲା ମା' ମାଣିକେଶ୍ୱରୀଙ୍କ ପ୍ରସିଦ୍ଧ ଛତର ଯାତ୍ରା, ଉତ୍ସବମୁଖର କଳାହାଣ୍ତି ଜିଲ୍ଲା
ଭବାନୀପାଟଣା: ଆରମ୍ଭ ହେଲା କଳାହାଣ୍ଡି ଜିଲ୍ଲାର ଅଧିଷ୍ଠାତ୍ରୀ ଦେବୀ ମାଁ ମାଣିକେଶ୍ୱରୀଙ୍କ ପ୍ରସିଦ୍ଧ ଛତର ଯାତ୍ରା । ଭବାନୀପାଟଣା ସହର ପଶ୍ଚିମ ଉପକଣ୍ଠରେ ଥିବା ଫାଶୀ ଡଙ୍ଗର ଜେନା ଖାଲରୁ ମନ୍ଦିର ଅଭିମୁଖେ ବାହାରିଲା ମାଁ ମାଣିକେଶ୍ୱରୀଙ୍କ ବିଜୟ ପ୍ରତିମା ଛତର । ଜେନା ବାଦ୍ୟ ଓ ବିର ବାଦ୍ୟ ଘୁମୁରା ତାଳେ ତାଳେ ମାଙ୍କୁ ପାଛୋଟି ନେଉଛନ୍ତି ଶ୍ରଦ୍ଧାଳୁ । ଛତରକୁ ସ୍ୱାଗତ କରିବା ପାଇଁ ଝୋଟି, ରଙ୍ଗୋଲିରେ ଚିତ୍ରିତ ହୋଇଛି ରାସ୍ତାଘାଟ । ହଟିଛି ୨ ବର୍ଷର କରୋନା କଟକାଣା, ମାଆଙ୍କ ପ୍ରସିଦ୍ଧ ଛତର ଯାତ୍ରା ଦେଖିବା ପାଇଁ ଶ୍ରଦ୍ଧାଳୁଙ୍କ ଭିଡ଼ ଜମିଛି ।
ମାଆ ମାଣିକେଶ୍ୱରୀଙ୍କ ପ୍ରସିଦ୍ଧ ଯାତ୍ରାରେ ମାଙ୍କ ଦର୍ଶନ ନିମନ୍ତେ ଲକ୍ଷାଧିକ ଭକ୍ତଙ୍କ ସମାଗମ ହୋଇଛି । ମାନସିକତ ଧାରୀ ନିଜ ନିଜ ମାନସିକ ଅନୁଯାୟୀ ଭବାନୀପାଟଣା ସହରର ବିଭିନ୍ନ ପଡ଼ାରେ ପଶୁ ପକ୍ଷୀ ବଳି ଦେଇଥିଲେ । ରକ୍ତ ରଞ୍ଜିତ ହୋଇ ଉଠିଛି ଜେନା ଖାଲ ଠାରୁ ମନ୍ଦିର ପର୍ଯ୍ୟନ୍ତ ୩ କିଲୋମିଟର ବ୍ୟାପି ରାସ୍ତା । ସେପଟେ ପୋଲିସ ବିଭାଗ ପକ୍ଷରୁ ସୁରକ୍ଷା ବ୍ୟବସ୍ଥାକୁ ମଧ୍ୟ କଡାକଡି କରାଯାଇଛି । ଭକ୍ତଙ୍କ ଭିଡକୁ ନଜରରେ ରଖି ୨୦ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି ।