ଭୁବନେଶ୍ୱରରେ ରୋଡ୍ ସୋ' କରିବେ ଜେପି ନଡ୍ଡା

ଭୁବନେଶ୍ୱର: ରାଜ୍ୟରେ ଦ୍ୱିତୀୟ ପର୍ଯ୍ୟାୟ ନିର୍ବାଚନ ଲାଗି ଜୋରଦାର ପ୍ରଚାର କରୁଛନ୍ତି ପ୍ରମୁଖ ଦଳର ହେଭିୱେଟ । ସୋରଡାରେ ବିଶାଳ ଜନସଭାରେ ଯୋଗଦେବା ସହ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି ଅମିତ ଶାହା । ସୋରଡାରେ ସଭା ଶେଷ ହେବା ପରେ କଟକରେ ପହଞ୍ଚି ରୋଡ ସୋ' କରିବେ ଶାହା । ଗୋପବନ୍ଧୁ ବାଗ, ବକ୍ସି ବଜାର, ତିନିକୋଣିଆ ବଗିଚା, ଦରଘା ବଜାର, ଚୌଧୁରୀ ବଜାର, ନୟାସଡ଼କ, ବାଲୁବଜାର ହୋଇ ଚାନ୍ଦିନୀ ଚୌକରେ ପହଂଚିବ ରୋଡ୍ ସୋ' ।

ସେଥିପାଇଁ ରାଜ୍ୟ ବିଜେପି ପକ୍ଷରୁ ସବୁ ପ୍ରସ୍ତୁତି କରାଯାଇଛି । ଆଉ ଗତକାଲି ଭୁବନେଶ୍ୱରରେ ରୋଡ୍ ସୋ' କରିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ଆସନ୍ତାକାଲି ସକାଳୁ ମାଉସୀ ମାଆ ମନ୍ଦିରଠାରୁ ଲିଙ୍ଗରାଜ ମନ୍ଦିର ଯାଏଁ କରିବେ ରୋଡ୍ ସୋ' । ତେବେ ଖାଲି ସେତିକି ନୁହେଁ, ଆସନ୍ତାକାଲି ମଧ୍ୟ ରାଉରକେଲାରେ ନଡ୍ଡା ନିର୍ବାଚନୀ ସଭା କରିବେ । ଏନେଇ ଆଜି ସୂଚନା ଦେଇଛନ୍ତି ରାଜ୍ୟ ବିଜେପି ଉପସଭାପତି ଗୋଲକ ମହାପାତ୍ର ।

ସୂଚନା ମୁତାବକ, ଆଜିଠୁ ଦୁଇ ଦିନିଆ ଓଡିଶା ଗସ୍ତରେ ଆସୁଛନ୍ତି ନଡ୍ଡା । ଆଜି ସନ୍ଧ୍ୟାରେ ଭୁବନେଶ୍ୱରରେ ପହଞ୍ଚିବା ପରେ ପ୍ରଥମେ ଏକ ଦଳୀୟ କାର୍ଯ୍ୟକ୍ରମରେ ଯୋଗଦେବେ । ଏହାପରେ ଆସନ୍ତାକାଲି ଭୁବନେଶ୍ୱରରେ ରୋଡ୍ ସୋ' କରିବା ସହ ସେଠାରୁ ପଦ୍ମପୁର ଏବଂ ସୁନ୍ଦରଗଡ ସମାବେଶରେ ଯୋଗଦେବେ । ଅନ୍ୟପଟେ ମେ ୧୭ରେ ଓଡ଼ିଶା ଆସୁଛନ୍ତି ଅଭିନେତ୍ରୀ ହେମା ମାଳିନୀ । ସେ ରାଜ୍ୟର ୩ଟି ସ୍ଥାନରେ ସାଧାରଣ ସଭାରେ ଯୋଗଦେବେ ।

ଉତ୍ତର ଭୁବନେଶ୍ୱର, କଟକ କିଶନନଗରରେ ପ୍ରଚାର କରିବା ସହ ପିପିଲିରେ ରୋଡ ଶୋ କରିବେ ହେମା ମାଳିନୀ । ଏନେଇ ବିଜେପି ରାଜ୍ୟ ଉପସଭାପତି ଗୋଲକ ମହାପାତ୍ରଙ୍କ ସୂଚନା ଦେଇଛନ୍ତି । ସେହିପରି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ଆଜି ସୋରଡାରେ ସାଧାରଣ ସଭାରେ ଯୋଗ ଦେବା ସହ କଟକରେ ରୋଡ ଶୋ କରିବେ ।

English summary

JP Nadda to hold BJP roadshow in bhubaneswar ସୋରଡାରେ ବିଶାଳ ଜନସଭାରେ ଯୋଗଦେବା ସହ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି ଅମିତ ଶାହା ।