JEE Main 2021 : ଓଡ଼ିଆ ଭାଷାରେ ହେବ ଜେଇଇ ପରୀକ୍ଷା
ଆସନ୍ତା ବର୍ଷ ହେବାକୁ ଥିବା ଜେଇଇ ପରୀକ୍ଷା ଓଡ଼ିଆ ଭାଷାରେ ହେବ ।
ଭୁବନେଶ୍ୱର : ଆସନ୍ତା ବର୍ଷ ହେବାକୁ ଥିବା ଜେଇଇ ପରୀକ୍ଷା ଓଡ଼ିଆ ଭାଷାରେ ହେବ । ପ୍ରଥମଥର ପାଇଁ ଚାରୋଟି ପର୍ଯ୍ୟାୟରେ ହେବାକୁ ଥିବା ଜେଇଇ ପରୀକ୍ଷା ଓଡ଼ିଆରେ ହେବ । ଏସମ୍ପର୍କରେ ଟ୍ୱିଟ୍ କରି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସୂଚନା ଦେଇଛନ୍ତି । ଛାତ୍ର ଛାତ୍ରୀଙ୍କ ହିତକୁ ଅଗ୍ରାଧିକାର ଦେଇ ଜେଇଇ ପରୀକ୍ଷା ଓଡ଼ିଆ ଭାଷାରେ କରାଇବାକୁ ରାଜ୍ୟ ସରକାର କରିଥିବା ଅନୁରୋଧରେ ଡିଜି ଏନଟିଏ ସହମତି ପ୍ରକାଶ କରିଛନ୍ତି । ଫଳରେ ଜେଇଇର ପ୍ରଶ୍ନପତ୍ର ଓଡ଼ିଆ ଭାଷାରେ ଉପଲବ୍ଧ ହେବ ।
ଚଳିତ ବର୍ଷଠାରୁ ଜେଇଇ ପରୀକ୍ଷା ପ୍ରଶ୍ନପତ୍ର ବିଭିନ୍ନ ଭାରତୀୟ ଭାଷା ସମେତ ଓଡ଼ିଆ ଭାଷାରେ ମଧ୍ୟ ଉପଲବ୍ଧ ହେବ। ରାଜ୍ୟର ଛାତ୍ରଛାତ୍ରୀଙ୍କ ହିତକୁ ଅଗ୍ରାଧିକାର ଦେଇ ଜେଇଇ ପରୀକ୍ଷା ଓଡ଼ିଆ ଭାଷାରେ କରାଇବାକୁ ରାଜ୍ୟ ସରକାର କରିଥିବା ଅନୁରୋଧରେ @DG_NTA ସହମତି ପ୍ରକାଶ କରିଛନ୍ତି। #Odisha
— CMO Odisha (@CMO_Odisha) December 19, 2020
ଏବେ ଓଡ଼ିଆ ଭାଷା ମଧ୍ୟ ଏଥିରେ ଯୋଡ଼ି ହୋଇଛି । ଫଳରେ ଜେଇଇ ପରୀକ୍ଷା 14ଟି ଆଞ୍ଚଳିକ ଭାଷାରେ ଅନୁଷ୍ଠିତ ହେବ । ଫେବୃଆରୀ ପରେ ମାର୍ଚ୍ଚ, ଅପ୍ରେଲ ଓ ମେ ମାସରେ ପର୍ଯ୍ୟାୟ କ୍ରମେ ଜେଇଇ ପରୀକ୍ଷା ଅନୁଷ୍ଠିତ ହେବ । ପ୍ରଶ୍ନପତ୍ରରେ 90ଟି ପ୍ରଶ୍ନ ରହିବ, ଯେଉଁଥିରେ କେବଳ 75ଟି ପ୍ରଶ୍ନର ସମାଧାନ କରିବାକୁ ପଡିବ । 15ଟି ବିକଳ୍ପ ପ୍ରଶ୍ନର କୌଣସି ନକରାତ୍ମକ ମାର୍କିଂ ରହିବ ନାହିଁ । ସମସ୍ତ ଚାରୋଟି ପରୀକ୍ଷାରେ ସର୍ବୋତ୍ତମ ମାର୍କ ଆଧାରରେ ମେରିଟ୍ ତାଲିକା ପ୍ରସ୍ତୁତ କରାଯିବ ।
Click it and Unblock the Notifications
Sign in with Google