ରଥଯାତ୍ରା ପୂର୍ବରୁ ଗଡିବ 'ଜଗନ୍ନାଥ ଏକ୍ସପ୍ରେସ୍‌', ଖୁବ୍ ଶୀଘ୍ର ଆସିବ 'ବନ୍ଦେ ଭାରତ ଏକ୍କପ୍ରେସ୍'

Updated: Saturday, November 26, 2022, 18:45 [IST]

ଭୁବନେଶ୍ୱର: ଆସନ୍ତା ବର୍ଷ ରଥଯାତ୍ରା ପୂର୍ବରୁ ଗଡିବ 'ଜଗନ୍ନାଥ ଏକ୍ସପ୍ରେସ୍‌' । ଭୁବନେଶ୍ୱର ଗସ୍ତରେ ଆସିଥିବା ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ଶନିବାର ଅର୍ଥାତ ଆଜି ଘୋଷଣା କରିଛନ୍ତି । ରେଳ ମନ୍ତ୍ରୀ କହିଛନ୍ତି 'ଜଗନ୍ନାଥ ସଂସ୍କୃତି ଓ ପରମ୍ପରା ପ୍ରଚାର ପ୍ରସାର ପାଇଁ ଖୁବ୍ ଶୀଘ୍ର ଆରମ୍ଭ ହେବ 'ଜଗନ୍ନାଥ ଏକ୍ସପ୍ରେସ୍‌' । ତେବେ ଏହି ଟ୍ରେନର ଡିଜାଇନ୍ ଓ ରୂପରେଖ ଫାଇନାଲ ହୋଇ ସାରିଛି । ଜଗନ୍ନାଥ ସଂସ୍କୃତି ଓ ପରମ୍ପରାର ପ୍ରଚାର ପ୍ରସାର କରିବ ଏହି ଏକ୍ସପ୍ରେସ । ଏହି ସ୍ପେସାଲ ଟ୍ରେନ ରାଜ୍ୟର କେଉଁ ଅଞ୍ଚଳରୁ କେଉଁ ଅଞ୍ଚଳକୁ ଗଡ଼ିବ ସେ ନେଇ ବର୍ତ୍ତମାନ କୌଣସି ସୂଚନା ଦିଆଯାଇ ନାହିଁ ।

ସେହିପରି ରେଳ ମନ୍ତ୍ରୀ ଆଉ ଏକ ବଡ଼ ଘୋଷଣା କରିଛନ୍ତି । ରାଜ୍ୟରେ ଖୁବ୍ ଶୀଘ୍ର ଗଡିବ 'ବନ୍ଦେ ଭାରତ ଏକ୍କପ୍ରେସ୍' । ମାସକୁ ୨ଟି 'ବନ୍ଦେ ଭାରତ ଏକ୍କପ୍ରେସ'ର ନିର୍ମାଣ କରାଯାଉଛି । ଆସନ୍ତା ବର୍ଷ ଜାନୁଆରୀ ଫେବ୍ରୁଆରୀ ସୁଦ୍ଧା ୪ ରୁ ୫ଟି ଟ୍ରେନ୍ ନିର୍ମାଣ କରାଯିବା ବୋଲି ସେ କହିଛନ୍ତି । ଅନ୍ୟପକ୍ଷରେ ରାଜ୍ୟ ସରକାର ଯଦି ପ୍ରସ୍ତାବ ଦେଲେ ତେବେ ଖୁବ ଶୀଘ୍ର ମେଟ୍ରୋ ଟ୍ରେନ୍‌ ସୁବିଧା ମଧ୍ୟ ଆରମ୍ଭ କରାଯିବ ବୋଲି କହିଛନ୍ତି ରେଳ ମନ୍ତ୍ରୀ । ଏହା ସହ ଓଡ଼ିଶା ଇଲେକ୍ଟ୍ରୋନିକ୍ସ ମ୍ୟାନୁଫାକ୍ଚରିଂ କ୍ୟାପିଟାଲ ହୋଇ ପାରିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ।