ବାତ୍ୟା ସମୟରେ କଟିବ ନାହିଁ ନେଟୱାର୍କ

Cyclone Dana: ବାତ୍ୟା 'ଦାନା'କୁ ନେଇ ରାଜ୍ୟ ସରକାରଙ୍କ ପକ୍ଷରୁ ସମସ୍ତ ପ୍ରସ୍ତୁତି କରାଯାଇଛି । ଆଜି ରାତି ୩ଟାରୁ ଭୋର୍ ସମୟରେ ଲ୍ୟାଣ୍ତଫଲ୍ ପ୍ରକ୍ରିୟା ଆରମ୍ଭ ହେବାର ସମ୍ଭାବନ ରହିଛି । ତେବେ ଭିତରକନିକା ଓ ଧାମରା ନିକଟରେ ସ୍ଥଳଭାଗ ଛୁଇଁବ ବାତ୍ୟା । ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା ଏବଂ ଜଗତସିଂହପୁରରେ ଏହାକ ଅଧିକ ପ୍ରଭାବ ଦେଖିବା ପାଇଁ ମିଳିବ । ଏହି ସମୟରେ ୧୦୦ରୁ ୧୨୦ କିମି ବେଗରେ ପବନ ବହିବା ସହ ପ୍ରତି ପ୍ରବଳ ବର୍ଷା ହେବ ।

ବାତ୍ୟା ସମୟରେ କଟିବ ନାହିଁ ନେଟୱାର୍କ । ରାଜ୍ୟର ଆଇଟି ମନ୍ତ୍ରୀ ମୁକେଶ ମହାଲିଙ୍ଗଙ୍କ ସୂଚନା ଅନୁସାରେ ବାତ୍ୟା 'ଦାନା' ପାଇଁ ଟେଲିକମ ବିଭାଗ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ଜିଓ, ଏୟାରଟେଲ, ବିଏସଏନଏଲ , ଭୋଡାଫୋନ ଅଫିସରଙ୍କ ସହ ବୈଠକ ରାଜ୍ୟ ସରକାରଙ୍କର ବୈଠକ କରାଯାଇଛି । ଯଦି ବାତ୍ୟା ସମୟରେ କୌଣସି ସ୍ଥାନରେ ନେଟୱାର୍କ ଡ୍ରପ ହୁଏ, ତୁରନ୍ତ ଅନ୍ୟ ନେଟୱର୍କରେ କନେକ୍ଟ କରାଯିବ ବୋଲି ମନ୍ତ୍ରୀ କହିଛନ୍ତି । ଏଥିସହ ଟାୱାର ଖରାପ ହେଲେ ଟେଲିକମ କମ୍ପାନୀର ଟେକ୍ନିକାଲ ଟିମ ମଧ୍ୟ ପ୍ରସ୍ତୁତ ଅଛନ୍ତି ।