ଯାତ୍ରାକୁ ନେଇ ମୁଁ ବଞ୍ଚିଛି, ମଞ୍ଚ ଛାଡ଼ିବିନି ବୋଲି କହିଲେ ପୀୟୁଷ ତ୍ରିପାଠୀ
ମଞ୍ଚ ମନା ପ୍ରସଙ୍ଗରେ ସ୍ପଷ୍ଟୀକରଣ ରଖିଲେ ଯାତ୍ରା ଅଭିନେତା ପୀୟୂଷ ତ୍ରିପାଠୀ । ସେ କହିଛନ୍ତି ମଞ୍ଚ ଛାଡିବିନି । ଯାତ୍ରା କରି ଭୁଲ ହୋଇଛି କିନ୍ତୁ ବଡ ଅପରାଧ କରିନି । କଳାକାରଙ୍କୁ ମଞ୍ଚଠୁ ଦୂରେଇ ରଖିବା ଠିକ୍ ନୁହେଁ ବୋଲି ସେ କହିଛନ୍ତି । ନ୍ୟାୟପାଳିକା ଉପରେ ମୋର ଭରସା ଅଛି, ଏଯାଏଁ କୋର୍ଟ ନୋଟିସ୍ ପାଇନି, ପାଇବା ପରେ କହିବି । ନୋଟିସକୁ ଅପେକ୍ଷା କରିଛି । ୬ମାସର ବ୍ୟବଧାନ ପରେ ଯାତ୍ରା ସିଂହବାହିନୀ ପକ୍ଷରୁ ଚଣ୍ଡିଖୋଲଠାରେ ଆୟୋଜିତ 'ତୁ ମୋ ବଜରଙ୍ଗୀ' ନାଟକ ମାଧ୍ୟମରେ ମଞ୍ଚକୁ ଓହ୍ଲାଇଛନ୍ତି ପୀୟୂଷ । ହେଲେ ଏହା ପରେ ଯାତ୍ରା ସୂର୍ଯ୍ୟ ମନ୍ଦିରର ମାଲିକ କୋର୍ଟଙ୍କ ଦ୍ୱାରସ୍ଥ ହୋଇଥିଲେ, ଏବଂ ଅଭିଯୋଗ କରିଥିଲେ ଯେ ପୀୟୂଷଙ୍କ ସହ ଜୁନ୍ ୨୦୨୬ ପର୍ଯ୍ୟନ୍ତ ଚୁକ୍ତି ଥିବା ସତ୍ତେ୍ୱ ସେ ଅନ୍ୟ ଏକ ପାର୍ଟିରେ ଅଭିନୟ କରିଛନ୍ତି । ଏହାକୁ ଆଧାର କରି କୋର୍ଟ ପରବର୍ତ୍ତୀ ଶୁଣାଣି ପର୍ଯ୍ୟନ୍ତ ପୀୟୂଷଙ୍କୁ ଯାତ୍ରା ମଞ୍ଚରେ ଅଭିନୟ ନକରିବାକୁ ନିର୍ଦ୍ଦେଶ ଦେଇଥିଲେ ।
Click it and Unblock the Notifications
Sign in with Google