ଆଜିଠୁ ଆରମ୍ଭ ଧର୍ମ ମାସ କାର୍ତ୍ତୀକ, ଶ୍ରୀକ୍ଷେତ୍ରରେ ହବିଷ୍ୟାଳୀଙ୍କ ଭିଡ
ଆଜି ଠାରୁ ଆରମ୍ଭ କାର୍ତ୍ତୀକ ସୋମବାର । ଏହି ମାସକୁ ଧର୍ମମାସ ବୋଲି ପ୍ରତ୍ୟେକ ଓଡିଆ ମାନିଥାନ୍ତି । ଆଜି କାର୍ତ୍ତିକ ମାସ ପ୍ରଥମ ସୋମବାର ହୋଇଥିବାରୁ ବ୍ରତ ଧରିଛନ୍ତି ବ୍ରତଧାରୀ
ଭୁବନେଶ୍ବର: ଆଜି ଠାରୁ ଆରମ୍ଭ କାର୍ତ୍ତୀକ ସୋମବାର । ଏହି ମାସକୁ ଧର୍ମମାସ ବୋଲି ପ୍ରତ୍ୟେକ ଓଡିଆ ମାନିଥାନ୍ତି । ଆଜି କାର୍ତ୍ତିକ ମାସ ପ୍ରଥମ ସୋମବାର ହୋଇଥିବାରୁ ବ୍ରତ ଧରିଛନ୍ତି ବ୍ରତଧାରୀ । ଶ୍ରୀକ୍ଷେତ୍ରରେ ରହି ହବିଷ୍ୟାଳିମାନେ ଆରମ୍ଭ କରିଛନ୍ତି ନିଜର ବ୍ରତ।
ଆଜି ବଡି ଭୋରୁ ସ୍ନାନାଦି କାମ ସାରି ଚଉରା ମୂଳରେ ସଂକଳ୍ପ ନେଇ କାର୍ତ୍ତିକ ବ୍ରତ ଆରମ୍ଭ କରିଛନ୍ତି । ଗୋଟିଏ ମାସ କାଳ ନିଷ୍ଠାର ସହିତ ମହାପ୍ରସାଦ ସେବନ କରି ବ୍ରତ ପାଳିବେ ବ୍ରତଧାରୀ । ଚଳିତ ବର୍ଷ ବିନା କଟକଣାରେ ହବିଷ୍ୟାଳୀ ମାନେ ବ୍ରତ ପାଳନ କରି ପାରିବେ । କାରଣ ଗତ ଦୁଇ ବର୍ଷ ହେବ କରୋନା ଯୋଗୁଁ ପୁରୀରେ ବ୍ରତ ପାଳନ ନେଇ ରୋକ ଲାଗିଥିଲା । କେବଳ ଶ୍ରୀକ୍ଷେତ୍ର ନୁହେଁ କାର୍ତ୍ତୀକ ମାସକୁ ପ୍ରତିଟଟି ଓଡିଆ ଅତି ନିଷ୍ଠାର ସହିତ ପାଳନ କରିଥାଏ ।
ଗ୍ରାମାଞ୍ଚଳରେ ଥିବା ମନ୍ଦିର ଓ ପ୍ରତ୍ୟେକ ଘରେ ଆଧ୍ୟାତ୍ମିକ ପରିବେଶ ରହିଥାଏ । ଧର୍ମର ମାସ ହୋଇଥିବାରୁ ଲୋକେ ପୂରା ମାସ ଆମିଷ ଖାଇ ନଥାନ୍ତି । ଆଉ କିଛି ଲୋକ ବିନା ପିଆଜ ରସୁଣରେ ନିଜର ଖାଦ୍ୟ ପ୍ରସ୍ତୁତ କରିଥାନ୍ତି । ମାସ ଶେଷ ସପ୍ତାହରେ ଗାଁମାନଙ୍କରେ କାର୍ତ୍ତିକେୟଙ୍କୁ ପୂଜା କରିବା ସହ ରାହାସ ପୂଜା ହୋଇଥାଏ । ଗାଁର ଝିଅମାନେ ବାଲୁକା ଆଦି ପୂଜିଥାନ୍ତି । ପୂଜାଚର୍ଚ୍ଚାନାରେ ଭକ୍ତିମୟ ପରିବେଶରେ ମହକି ଉଠିଥାଏ ପୁରପଲ୍ଲୀ । ମାସର ଶେଷ ଦିନରେ ପରମ୍ପରା ଅନୁସାରେ ପୂର୍ଣ୍ଣମୀ ତିଥିରେ ଡଙ୍ଗା ଭସାଇ ମାସ ଶେଷ କରିଥାନ୍ତି ଲୋକେ
Click it and Unblock the Notifications
Sign in with Google