ହୋଲି ପାଇଁ ଟ୍ୱିନ ସିଟିରେ ଲାଗିଲା କଟକଣା : ନିୟମ ନ ମାନିଲେ କାର୍ଯ୍ୟାନୁଷ୍ଠାନ ନେବ ପୁଲିସ

ଆଗାମୀ ଦିନରେ ପାଳନ ହେବାକୁ ଥିବା ହୋଲିରେ କଟକଣା ଲଗାଇଛି କମିଶନରେଟ୍ ପୁଲିସ

Published: Friday, March 26, 2021, 14:25 [IST]

ଭୁବନେଶ୍ୱର : ରାଜ୍ୟରେ କରୋନା ଗ୍ରାଫ୍ ପୁଣି ଉପରକୁ ଉଠିଛି । ଆଗାକୁ ପର୍ବପର୍ବାଣି ଥିବା ସମୟରେ ଜନଗହଳି ମଧ୍ୟ ବଢିପାରେ । ଫଳରେ ସଂକ୍ରମଣ ତାର କାୟା ବିସ୍ତାର କରିପାରେ ବୋଲି ଆଶଙ୍କା କରାଯାଉଛି । ଏହାକୁ ଦୃଷ୍ଟିରେ ରଖି ଆଗାମୀ ଦିନରେ ପାଳନ ହେବାକୁ ଥିବା ହୋଲିରେ କଟକଣା ଲଗାଇଛି କମିଶନରେଟ୍ ପୁଲିସ । ଟ୍ୱିନସିଟି ପାଇଁ ଏହି କଟକଣା ଲଗାଯାଇଛି ।

କଟକ ଓ ଭୁବନେଶ୍ଵରରେ ସାମୂହିକ ହୋଲି ଖେଳ ଉପରେ କଟକଣା ଲଗାଯାଇଛି । ଏଥର ହୋଲି ଅବସରରେ କୌଣସି ସାଂସ୍କୃତିକ କାର୍ଯ୍ୟକ୍ରମ ହୋଇପାରିବ ନାହିଁ ବୋଲି ପୋଲିସ କମିଶନର ସୌମ୍ୟନ୍ଦ୍ର ପ୍ରିୟଦର୍ଶୀ ସୂଚନା ଦେଇଛନ୍ତି । ସରକାରଙ୍କ ନିର୍ଦ୍ଦେଶ ଅନୁସାରେ ଘରେ ରହି ହୋଲି ଖେଳିବାକୁ ସେ ପରାମର୍ଶ ଦେଇଛନ୍ତି । ସେହିପରି ଦୋଳ ପୂର୍ଣ୍ଣିମାରେ ଅତି କମ୍ ସଂଖ୍ୟକ ଲୋକଙ୍କୁ ନେଇ ପରମ୍ପରା ବଜାୟ ରଖିବାକୁ କମିଶନରେଟ୍ ପୁଲିସ ପକ୍ଷରୁ ଟ୍ୱିନ୍ ସିଟି ଲୋକଙ୍କୁ ଅନୁରୋଧ କରାଯାଇଛି । ଏହା ସହ ଏହି ସମସ୍ତ ନିୟମ ନମାନିଲେ କଡା କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି ସୌମ୍ୟାନ୍ଦ୍ର ।

Published On March 26, 2021