ହକି ବିଶ୍ୱକପ: ଚାଟାର୍ଡ ଫ୍ଲାଇଟରେ ଭୁବନେଶ୍ବରରୁ ରାଉରକେଲା ଯିବା ଆସିବା କରିବେ ଖେଳାଳୀ
ଜାନୁଆରୀ ୧୩ରୁ ଆରମ୍ଭ ହେବ ହକି ମହାକୁମ୍ଭ । ଭୁବନେଶ୍ବର ଓ ରାଉରକେଲାରେ ଖେଳାଯିବ ସମସ୍ତ ମ୍ୟାଚ୍। ହକି ମହାକୁମ୍ଭକୁ ଆୟୋଜନ ପାଇଁ ଏବେ ଓଡ଼ିଶା ପୂରା ପ୍ରସ୍ତୁତ ହୋଇଯାଇଛି ।
ଭୁବନେଶ୍ବର: ଜାନୁଆରୀ ୧୩ରୁ ଆରମ୍ଭ ହେବ ହକି ମହାକୁମ୍ଭ । ଭୁବନେଶ୍ବର ଓ ରାଉରକେଲାରେ ଖେଳାଯିବ ସମସ୍ତ ମ୍ୟାଚ୍। ହକି ମହାକୁମ୍ଭକୁ ଆୟୋଜନ ପାଇଁ ଏବେ ଓଡ଼ିଶା ପୂରା ପ୍ରସ୍ତୁତ ହୋଇଯାଇଛି । ଆଜି ବିଶ୍ୱକପ ହକି ଆୟୋଜନ ପ୍ରସ୍ତୁତିର ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର । ଯେଉଁ ବିଭାଗକୁ ଯେଉଁ କାର୍ଯ୍ୟ ଦିଆଯାଇଥିଲା ସେସବୁ କାର୍ଯ୍ୟ ଜୋରଦାରରେ ଆଗେଇ ଚାଲିଛି । ବିଶ୍ୱକପ ଆରମ୍ଭର ବହୁ ପୂର୍ବରୁ ଏହି କାମ ଶେଷ ହେବ ।
୧୩ ଜାନୁଆରୀରେ ରାଉରକେଲାରେ ଉଦଘାଟନୀ କାର୍ଯ୍ୟକ୍ରମ ଆୟୋଜିତ ହେବ । ସେହିପରି କଟକର ବାରବାଟୀ ଷ୍ଟାଡିୟମରେ ଜାନୁଆରୀ ୧୧ ତାରିଖରେ ହକି ବିଶ୍ୱକପ ପାଇଁ ଏକ ଭବ୍ୟ କାର୍ଯ୍ୟକ୍ରମ ପାଇଁ ସ୍ଥିର ହୋଇଛି । ଯେଉଁଠି ୪୦ ହଜାର ଦର୍ଶକ ଓ ଅତିଥି ଯୋଗ ଦେବେ । ଏହାସହ ରାଜ୍ୟର ସମସ୍ତ ପଞ୍ଚାୟତରେ ହକି ସହ ଅନ୍ୟ ଖେଳ ପ୍ରତି ଛାତ୍ରଛାତ୍ରୀଙ୍କୁ ଆକୃଷ୍ଟ କରିବା ସହ କ୍ରୀଡାର ମାହୋଲ ସୃଷ୍ଟି କରିବାକୁ ବିଭିନ୍ନ କାର୍ଯ୍ୟକ୍ରମ କରାଯିବ । ବିଶ୍ୱକପ୍ ଟ୍ରଫିକୁ ବିଭିନ୍ନ ଜିଲ୍ଲାକୁ ପ୍ରଦର୍ଶନ ପାଇଁ ପଠାଯିବ ।
ସେହିଭଳି ବିଶ୍ୱକପ୍ ପୂର୍ବରୁ ଏୟାରଷ୍ଟ୍ରିପ କାମ ଶେଷ ହୋଇଛି । ଏବେ ତାହାର ଅନୁଧ୍ୟାନ ଚାଲିଛି । ଅନୁଧ୍ୟାନ ଶେଷ ହେବା ପରେ ଲାଇସେନ୍ସ ମିଳିବ । ଆଉ ଏହାପରେ ବିମାନ ସେବା ଆରମ୍ଭ ହେବ । ସମସ୍ତ ହକି ଖେଳାଳୀଙ୍କୁ ଚାଟାର୍ଡ ଫ୍ଲାଇଟରେ ଭୁବନେଶ୍ୱର ଏବଂ ରାଉରକେଲାକୁ ନେବା ଆଣିବା କରାଯିବ । ସମସ୍ତ ପ୍ରସ୍ତୁତି ଏକପ୍ରକାର ଶେଷ ପର୍ଯ୍ୟାୟରେ ପହଞ୍ଚିଛି । ତେଣୁ ଚଳିତ ହକି ବିଶ୍ୱକପ୍ ବେଶ ଧୂମଧାମରେ ପାଳିତ ହେବ ବୋଲି କହିଛନ୍ତି ମୁଖ୍ୟ ଶାସନ ସଚିବ ।
ଉଲ୍ଲେଖଯୋଗ୍ୟ ଆସନ୍ତାମାସ ୧୩ ତାରିଖରୁ ଆରମ୍ଭ ହେଉଛି ପୁରୁଷ ହକି ବିଶ୍ୱକପ । ଏଥର ଭୁବନେଶ୍ୱରରେ ସମେତ ରାଉରକେଲାରେ ବି ଖେଳାଯିବ ବିଶ୍ୱକପର ମ୍ୟାଚ । ଏଥିପାଇଁ ରାଉରକେଲାରେ ଦେଶର ସର୍ବବୃହତ ହକି ଷ୍ଟାଡିୟମ ନିର୍ମାଣ କରାଯାଇଛି ।
Click it and Unblock the Notifications
Sign in with Google