ଗାଡିରେ ଲାଗିଛି ତ ହାଇ ସିକ୍ୟୁରିଟି ନମ୍ବର ପ୍ଲେଟ୍ ? ଅକ୍ଟୋବର ପହିଲାରୁ ଗଣିବେ ଏତେ ଜରିମାନା...
ଆପଣଙ୍କ ଗାଡିରେ ହାଇ ସିକ୍ୟୁରିଟି ନମ୍ବର ପ୍ଲେଟ୍ (ଏଚଏସଆରପି) ଅଛି ତ ? ନଚେତ୍ ଅକ୍ଟୋବର ପହିଲାରୁ ଗଣିବେ ଜରିମାନା । ଅକ୍ଟୋବର ୧ରୁ ନିମୟ କଡାକଡି ପାଳନ ପାଇଁ ପରିବହନ ବିଭାଗ ସୂଚନା ଦେଇଛି ।
ଭୁବନେଶ୍ୱର: ଆପଣଙ୍କ ଗାଡିରେ ହାଇ ସିକ୍ୟୁରିଟି ନମ୍ବର ପ୍ଲେଟ୍ (ଏଚଏସଆରପି) ଅଛି ତ ? ନଚେତ୍ ଅକ୍ଟୋବର ପହିଲାରୁ ଗଣିବେ ଜରିମାନା । ଅକ୍ଟୋବର ୧ରୁ ନିମୟ କଡାକଡି ପାଳନ ପାଇଁ ପରିବହନ ବିଭାଗ ସୂଚନା ଦେଇଛି ।
ଉଲ୍ଲେଖଥାଉ କି, ୨୦୧୯ ଏପ୍ରିଲ ପହିଲା ପୂର୍ବରୁ ପଞ୍ଜୀକୃତ ହୋଇଥିବା ପୁରୁଣା ଗାଡିର ନମ୍ବର ଯାହାକି ୧, ୨, ୩ ଏବଂ ୪ ସହିତ ଶେଷ ହୋଇଥିବ, ସେମାନଙ୍କର ହାଇ ସିକ୍ୟୁରିଟି ରେଜିଷ୍ଟ୍ରେସନ୍ ପ୍ଲେଟ୍ (ଏଚଏସଆରପି) ର ସମୟସୀମା ସେପ୍ଟେମ୍ବର ୩୦ ରେ ଶେଷ ହେବ । ଅକ୍ଟୋବର ୧ତାରିଖରୁ କଡ଼ାକଡ଼ି ହେବ ଯାଞ୍ଚ । ବିଭିନ୍ନ ନମ୍ବର ସିରିଜ ପାଇ ଦିଆଯାଇଥିବା ଶେଷ ତାରିଖ ଅନୁସାରେ ଚାଲାଣ ଜାରି କରାଯିବ।
କେଉଁ ଗାଡି ପାଇଁ ଶେଷ ତାରିଖ କେତେ ?
- ଗାଡିର ନମ୍ବର ପ୍ଲେଟ୍ ୧ , ୨ , ୩, ୪ରେ ଶେଷ ହେଉଥିଲେ, ସେହି ଗାଡିରେ ନୂଆ ନମ୍ବର ପ୍ଲେଟ୍ ଲଗାଇବାର ଶେଷ ତାରିଖ ରହିଛି ସେପ୍ଟେମ୍ବର ୩୦ ତାରିଖ ।
- ଯେଉଁ ଗାଡିର ନମ୍ବର ପ୍ଲେଟ୍ ୫ ଓ ୬ରେ ଶେଷ ହେଉଛି , ସେହି ଗାଡି ପାଇଁ ଶେଷ ତାରିଖ ରହିଛି ଅକ୍ଟୋବର ୩୧ ତାରିଖ ।
- ଯେଉଁ ଗାଡିର ନମ୍ବର ୭ ଓ ୮ରେ ଶେଷ ହେଉଛି ସେମାନେ, ନଭେମ୍ବର ୩୦ ସୁଦ୍ଧା ଗାଡିରେ ନୂଆ ନମ୍ବର ପ୍ଲେଟ୍ ଲଗାଇବେ ।
- ସେହିପରି ୯ ଓ ୦ରେ ଶେଷ ହେଉଥିବା ଗାଡି ନମ୍ବର ଡିସେମ୍ବର ୩୧ ସୁଦ୍ଧା ଗାଡିରେ ନୂଆ ନମ୍ବର ପ୍ଲେଟ୍ ଲଗାଇବେ ।
ଯୁଗ୍ମ ପରିବହନ କମିଶନର ଦୀପ୍ତିରଞ୍ଜନ ପାତ୍ରଙ୍କ ସୂଚନା ଅନୁସାରେ ସେପ୍ଚେମ୍ବର ୧୩ତାରିଖ ସୁଦ୍ଧା ୧୦ଲକ୍ଷ ୬୫ହଜାର ୩୧୨ଟି ଗାଡ଼ି ପାଇଁ ସ୍ଲଟ୍ ବୁକିଂ ହୋଇଛି ।ଏଥିରୁ ୫ଲକ୍ଷ ୯୩ହଜାର ୭୧୭ଟି ଗାଡ଼ିରେ ଲାଗିଛି ହାଇ ସିକ୍ୟୁରିଟି ରେଜିଷ୍ଟ୍ରେସନ ନମ୍ବରପ୍ଲେଟ । ନିର୍ଦ୍ଧାରିତ ତାରିଖ ମଧ୍ୟରେ ଗାଡ଼ି ହାଇ ସିକ୍ୟୁରିଟି ରେଜିଷ୍ଟ୍ରେସନ ନମ୍ବରପ୍ଲେଟ ସହ ସଂଯୋଗ ନହେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ସଂପୃକ୍ତ ଗାଡ଼ି ବିରୋଧରେ ଇ-ଚାଲାଣ ଜାରି କରାଯିବ । ୫ରୁ ୧୦ ହଜାର ପର୍ଯ୍ୟନ୍ତ ଜୋରିମାନା ଆଦାୟ କରାଯିବ ।
କମିଶନର କହିଛନ୍ତି, ଯେ ପୁରୁଣା ନମ୍ବର ପ୍ଲେଟ ଗୁଡିକ ସହଜରେ ଚୋରମାନେ ଏହାର ଅପବ୍ୟବହାର କରିପାରିବେ । ହେଲେ ଏଚଏସଆରପି ପ୍ଲେଟଗୁଡିକ ବାହାର କରିବା ବା ବଦଳାଇବା କଷ୍ଟକର । ଏହି ପ୍ଲେଟଗୁଡିକ ଟ୍ୟାମ୍ପର-ପ୍ରୁଫ୍ ଏବଂ ଦୁଇଟି ପୁନ-ବ୍ୟବହାର ଯୋଗ୍ୟ ଲକ୍ ସହିତ ଆସିଥାଏ ବୋଲି ସେ କହିଛନ୍ତି ।
Click it and Unblock the Notifications
Sign in with Google