ତାତିରୁ ନାହିଁ ତ୍ରାହି: ଆସନ୍ତା ୨ ସପ୍ତାହ ଯାଏଁ ଜାରି ରହିବ ଗ୍ରୀଷ୍ମ ପ୍ରବାହ, ଆହୁରି ବଢିବ ତାପମାତ୍ରା

ଆଗାମୀ ଦୁଇ ସପ୍ତାହ ଯାଏ ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର ।

| Published: Monday, April 25, 2022, 18:11 [IST]

ଭୁବନେଶ୍ୱର: କଲବଲ କଲାଣି ତାତି । ଡହଡହ ଖରାରେ ସିଝୁଛି ସାରା ଓଡ଼ିଶା । ସାକାଳ ୧୦ ହେଲେ ଘରୁ ବାହାରିବା ମୁସ୍କିଲ ହୋଇପଡୁଛି। ରାଜ୍ୟର ଅଧିକାଂଶ ସହରର ତାପମାତ୍ରା ଏବେ ୪୦ଡିଗ୍ରୀ ଉପରେ । ଭୁବନେଶ୍ବରରେ ମଧ୍ୟ ଲଗାତାର ୪୦ଡିଗ୍ରୀ ପାର କରୁଛି ପାରଦ । ତେବେ ଆଗାମୀ ଦୁଇ ସପ୍ତାହ ଯାଏ ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର ।

ପାଣିପାଗ ବିଭାଗର ସୂଚନା ଅନୁଯାୟୀ, ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ୩ରୁ ୫ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇବ। ୨୮ ତାରିଖ ପର୍ଯ୍ୟନ୍ତ କିଛି ଜିଲ୍ଲାରେ ତାପମାତ୍ରା ବୃଦ୍ଧି ନେଇ ୱାର୍ଣ୍ଣିଂ ଜାରି କରାଯାଇଛି। ଆଜି ସୋନପୁରୁ, ବୌଦ୍ଧ ଓ ବଲାଙ୍ଗୀର ପାଇଁ ୟେଲୋ ଓ୍ୱାର୍ଣ୍ଣିଂ ଜାରି କରାଯାଇଛି। ଅପରପକ୍ଷରେ ୮ ସହରର ତାପମାତ୍ରା ୪୨ ଡିଗ୍ରି ଉପରେ ରହିଥିବା ବେଳେ ତାତିରେ କଲବଲ ହେଉଛି ସାରା ରାଜ୍ୟ ।

ଆଜି ଭୁବନେଶ୍ୱରରେ ସାଢେ ୨ଟା ସୁଦ୍ଧା ତାପମାତ୍ରା ୩୮.୬ ଡିଗ୍ରୀ ସେଲସିୟସ ରେକର୍ଡ କରାଯାଇଛି । ସେହିପରି ସାଢେ ୨ଟା ସୁଦ୍ଧାଝାରସୁଗୁଡ଼ାରେ ସର୍ବାଧିକ ୪୨.୬ ଡ଼ିଗ୍ରୀ ତାପମାତ୍ରା ରେକର୍ଡ଼ କରାଯାଇଛି । ସମ୍ବଲପୁରରେ ୪୨ ଦଶମିକ ୬, ହୀରାକୁଦରେ ୪୧ ଦଶମିକ ୨ ତାପମାତ୍ରା ରେକର୍ଡ଼ କରାଯାଇଛି । ଆଗାମୀ ଦୁଇ ସପ୍ତାହ ଯାଏ ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିବ ବୋଲି ସୂଚନା ଦେଇଛି ଭୁବନେଶ୍ୱର ଆଂଚଳିକ ପାଣିପାଗ କେନ୍ଦ୍ର ।

ଆମକୁ ଫୋଲୋ କରନ୍ତୁ