ବ୍ରହ୍ମପୁରରେ "ହର୍ ଦିନ୍ ତ୍ରିରଙ୍ଗା"
ଓଡିଶାର ବ୍ରହ୍ମପୁର ସହରରେ ପାଳନ ହେଉଛି ହର୍ ଦିନ୍ ତ୍ରିରଙ୍ଗା । ନୂଆ କଥାଟି ଶୁଣି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ ନିଶ୍ଚୟ । ହେଲେ କଥାଟି ଏକମଦ ସତ । ଆସନ୍ତୁ ଜାଣିବା ପୁରା କାହାଣୀ...
ବ୍ରହ୍ମପୁର: ଦେଶ ସ୍ୱାଧୀନତାର 75 ବର୍ଷ ପୂରଣ କରିବାକୁ ଯାଉଛି । ସ୍ୱାଧୀନତାର ଅମୃତ ମହୋତ୍ସବ ପାଳନ କରୁଛି ଭାରତ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ୱାନ କ୍ରମେ ଦେଶବାସୀ ପାଳନ କରୁଛନ୍ତି ହର ଘର୍ ତ୍ରିରଙ୍ଗା କାର୍ଯ୍ୟକ୍ରମ । ତେବେ ଓଡିଶାର ବ୍ରହ୍ମପୁର ସହରରେ ପାଳନ ହେଉଛି ହର୍ ଦିନ୍ ତ୍ରିରଙ୍ଗା । ନୂଆ କଥାଟି ଶୁଣି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ ନିଶ୍ଚୟ । ହେଲେ କଥାଟି ଏକମଦ ସତ । ଆସନ୍ତୁ, ଜାଣିବା ପୁରା କାହାଣୀ...
ବ୍ରହ୍ମପୁର ସହରରେ କିଛି ଯୁବଗୋଷ୍ଟୀ ଗତ ଚାରି ବର୍ଷ ଧରି ପ୍ରତିଦିନ ଜାତୀୟ ପତାକା ଉତ୍ତୋଳନ କରି ଲୋକଙ୍କ ମଧ୍ୟରେ ଦେଶପ୍ରେମ ସୃଷ୍ଟି କରୁଛନ୍ତି । ନିଜ ନିଜ କାମକୁ ଯିବା ପୂର୍ବରୁ ସ୍ଥାନୀୟ କାମପାଲ୍ଲୀ ଅଞ୍ଚଳର ଜଗନ୍ନାଥ ମନ୍ଦିର ନିକଟରେ ପ୍ରତିଦିନ ସେମାନେ ସକାଳ ପ୍ରାୟ 8ଟା ବେଳେ ଏକତ୍ରିତ ହୋଇ ଜାତୀୟ ପତାକା ଉତ୍ତୋଳନ କରନ୍ତି । ତେବେ 2018 ଅଗଷ୍ଟ 15 ତାରିଖରୁ ସେମାନେ ଏପରି କରି ଆସୁଛନ୍ତି ।
ସ୍ଥାନୀୟ ବାସିନ୍ଦା ରାମ କୁମାର ପାତ୍ର ନାମକ ଜଣେ ବ୍ୟକ୍ତି ଏହି ପ୍ରଥା ଆରମ୍ଭ କରିଥିଲେ । ପରେ ପରେ ତାଙ୍କ ସହିତ ଅନେକ ଯୁବକ ଯୋଡି ହୋଇଥିଲେ । ବର୍ଷା ଏବଂ ଲକଡାଉନ୍ ଅବଧି ସତ୍ତ୍ୱେ ଏମିତି କୌଣସି ଦିନ ନାହିଁ, ଯେଉଁଦିନ ଆମେ ଜାତୀୟ ପତାକା ଉତ୍ତଳନ କରି ନାହୁଁ ବୋଲି ରାମ କହିଛନ୍ତି । ତେବେ ସହରବାସୀଙ୍କ ମନରେ ଦେଶପ୍ରେମ ବିଷୟରେ ସଚେତନତା ସୃଷ୍ଟି କରିବା ପାଇଁ ସେମାନେ ଏପରି କରୁଛନ୍ତି ବୋଲି ରାମ ପ୍ରକାଶ କରିଛନ୍ତି ।
"ଆମେ ପ୍ରତିଦିନ ସହରରୁ ଜଣେ ନୂତନ ବ୍ୟକ୍ତିଙ୍କୁ ପତାକା ଉତ୍ତୋଳନ ପାଇଁ ନିମନ୍ତ୍ରଣ କରୁ । ଯଦି କେହି ଉପଲବ୍ଧ ନ ହୁଅନ୍ତି, ତେବେ ଆମ ଗୋଷ୍ଠୀର କେହି, ଏପରିକି ନିକଟସ୍ଥ ମନ୍ଦିରର ପୁରୋହିତ ମଧ୍ୟ ପତାକା ଉତ୍ତୋଳନ କରି ଜାତୀୟ ସଂଗୀତ ଗାନ କରନ୍ତି । ଯେତେବେଳେ ଜାତୀୟ ସଂଗୀତ ଗାନ ହୁଏ । ରାସ୍ତାରେ ଯାଉଥିବା ଲୋକମାନେ ମଧ୍ୟ ଜାତୀୟ ପତାକାକୁ ସମ୍ମାନ ଦେବା ପାଇଁ ନିଜ ନିଜ ସ୍ଥାନରେ ଅଟକି ଯାଆନ୍ତି । " ବୋଲି ରାମ କହିଛନ୍ତି।
Click it and Unblock the Notifications
Sign in with Google