Happy Birthday Anubhav Mohanty: ୪୩ ବର୍ଷରେ ପାଦ ଥାପିଲେ ଓଲିଉଡ ସୁପର ଷ୍ଟାର ଅନୁଭବ ମହାନ୍ତି, ଚରିଆଡୁ ଶୁଭେଚ୍ଛା

୪୩ ବର୍ଷରେ ପାଦ ଥାପିଲେ ଓଲିଉଡ ସୁପର ଷ୍ଟାର ଅନୁଭବ ମହାନ୍ତି । ୨୪ ଡିସେମ୍ବର ୧୯୮୧ରେ ଜନ୍ମ ହୋଇଥିଲେ ଅନୁଭବ ମହାନ୍ତି । ଜନ୍ମ ଦିନରେ ତାଙ୍କୁ ଚରିଆଡୁ ଶୁଭେଚ୍ଛା । ସୋସିଆଲ ମିଡ଼ିଆରେ ଫଟୋ ସେୟାର କରି ଫ୍ୟାନ ଅଭିନେତାଙ୍କୁ ଶୁଭେଚ୍ଛା ଜଣାଇଛନ୍ତି । ସେ ଜଣେ ଭାରତୀୟ ଅଭିନେତା, ଚଳଚ୍ଚିତ୍ର ନିର୍ମାତା, ଟେଲିଭିଜନ ବ୍ୟକ୍ତିତ୍ୱ ତଥା ରାଜନେତା, ଯିଏକି ଓଡ଼ିଆ ଚଳଚ୍ଚିତ୍ରରେ ସୁପରଷ୍ଟାର ଭାବରେ ବେଶ ଜଣାଶୁଣା । ତାଙ୍କୁ ଫ୍ୟାନ୍ସ ମାନେ ଭାଇଜାନ ବୋଲି ମଧ୍ୟ ଡାକନ୍ତି।

୨୦୦୪ ମସିହାରେ ନମ୍ରତା ଥାପାଙ୍କ ବିପକ୍ଷରେ ଚଳଚ୍ଚିତ୍ର ଆଇ ଲଭ୍ ୟୁରେ ଓଡିଆ ସିନେମାରେ ଡେବ୍ୟୁ କରିବା ପୂର୍ବରୁ ଅନୁଭବ ମହାନ୍ତି ପ୍ରଥମେ ଓଡିଆ ମ୍ୟୁଜିକ୍ ଭିଡିଓରେ ଅଭିନୟ କରି ନିଜର କ୍ୟାରିଅର୍ ଆରମ୍ଭ କରିଥିଲେ । ସେହି ବର୍ଷ ତାଙ୍କର ଅନ୍ୟ ଦୁଇଟି ସିନେମା ରିଲିଜ୍ ମଧ୍ୟ ହୋଇଥିଲା, ସାଥୀରେ ଏବଂ ବର୍ଷା ମାଇଁ ଡାର୍ଲିଂ । ଏହା ପରେ, ତାଙ୍କର ଅନେକ ଚଳଚ୍ଚିତ୍ର ଯେପରିକି ନେଇ ଯା'ରେ ମେଘ ମତେ (୨୦୦୮), ସୁନା ଚଢ଼େଇ ମୋ ରୂପା ଚଢେଇ (୨୦୦୯), ଆକାଶେ କି ରଙ୍ଗା ଲାଗିଲା (୨୦୦୯), ଅଭିମନ୍ୟୁ (୨୦୦୯), ଆମ ଭିତରେ କିଛି ଅଛି (୨୦୧୦), ଦିୱାନା (୨୦୧୦) , କିଏ ସେ ଡାକୁଛି କୋଉଠି ମତେ (୨୦୧୧), ବାଳୁଙ୍ଗା ଟୋକା (୨୦୧୧), ସମଥିଙ୍ଗ ସମଥିଙ୍ଗ(୨୦୧୨), ମାଟ୍ରିକ ଫେଲ (୨୦୧୨), ଏସିପି ରଣବୀର (୨୦୧୨), ମୋ ଦୁନିଆ ତୁ ହି ତୁ (୨୦୧୩), ହାତ ଧରି ଚାଲୁଥା (୨୦୧୩), କେହି ଜଣେ ଭଲା ଲାଗେରେ (୨୦୧୩), ସମାଥଙ୍ଗ ସମଥିଙ୍ଗ 2 (୨୦୧୪), ଗପ ହେଲେ ବି ସତ (୨୦୧୫), ଅଗସ୍ତ୍ୟ (୨୦୧୬), ଅଭୟ (୨୦୧୭), କାବୁଲା ବାରାବୁଲା (୨୦୧୭), ପ୍ରେମ କୁମାର: ସେଲ୍ସ ମ୍ୟାନ ଅଫ ଦ ୟିଅର୍ ୨୦୧୮ ) ଭଲ ବ୍ୟବସାୟିକ ଫିଲ୍ମ ଥିଲା ।

୨୦୧୨ ରେ, ବାଲୁଙ୍ଗା ଟୋକାରେ ସଫଳତା ପରେ ସେ ବିଷ୍ଣୁପ୍ରିୟା ଆର୍ଟ ଆଣ୍ଡ ଗ୍ରାଫିକ୍ସ ନାମକ ଏକ ପ୍ରଡକ୍ସନ୍ ହାଉସ୍ ତିଆରି କରିଥିଲେ । ସମଥିଙ୍ଗ ସମଥିଙ୍ଗ ୨୦୧୨ ର ସବୁଠାରୁ ବଡ ହିଟ୍ ଫିଲ୍ମ ଥିଲା। ଅନୁଭବ ରଚ୍ଚନା ବାନାର୍ଜୀଙ୍କ ବିପକ୍ଷରେ ସାଥି ଆମର ବଙ୍ଗଳା ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଡେବ୍ୟୁ କରିଥିଲେ। ୨୦୧୯ ଅନୁଭବ ବିଜୁ ବାବୁରେ ନୀଳ ମାଧବ ପଣ୍ଡାଙ୍କ ନିର୍ଦ୍ଦେଶନାରେ ଅଭିନୟ କରିଥିଲେ ।

ହେଲେ ରାଜନୈତିକ ବିବାଦ କାରଣରୁ ବକ୍ସ ଅଫିସରେ ଆଶା କରାଯାଉଥିବା ପରି ପ୍ରଦର୍ଶନ କରିନଥିଲା । ଦୀର୍ଘ ୫ ବର୍ଷର ବ୍ୟବଧାନ ପରେ ଅନୁଭବ ମହାନ୍ତି ସିନେମା ଜଗତକୁ ଫେରି ଲଣ୍ଡନରେ ଲଭ ନାମକ ଏକ ଚଳଚ୍ଚିତ୍ର ନିର୍ମାଣ କରିଥିଲେ । ଚଳଚ୍ଚିତ୍ରଟି ଏକ ବଡ଼ ହିଟ୍ ହେଲା। ତା'ପରେ, ୨୦୨୪ ରେ ଅନୁଭବ ମହାନ୍ତି କୁହୁଡିରେ ଏକ ଭିନ୍ନ କାହାଣୀ ଏବଂ ଚରିତ୍ର ସହିତ ଏକ ଚଳଚ୍ଚିତ୍ର କରିଥିଲେ, ଯାହାକୁ ଲୋକମାନେ ଭଲ ଭାବରେ ଗ୍ରହଣ କରିଥିଲେ । ଦଶହରାରେ ୨୦୨୪ ରେ କର୍ମ ଚଳଚ୍ଚିତ୍ରରେ ଅନୁଭବ ମହାନ୍ତି ନଜର ଆସିଥିଲେ ଯାହା ପୂର୍ବର ସମସ୍ତ ରେକର୍ଡ ଭାଙ୍ଗି ଏକ ନୂତନ ରେକର୍ଡ ସୃଷ୍ଟି କରିଥିଲା । ଏବେ ସମସ୍ତେ ଅନୁଭବ ମହାନ୍ତିଙ୍କ ଆଗାମୀ ଚଳଚ୍ଚିତ୍ର ଏବଂ ଓଡିଆ ଚଳଚ୍ଚିତ୍ର ଇଣ୍ଡଷ୍ଟ୍ରିର ବହୁ ପ୍ରତୀକ୍ଷିତ ଚଳଚ୍ଚିତ୍ର ରାବଣ ପାଇଁ ଉତ୍ସାହିତ ଅଛନ୍ତି ।

୨୭ ଏପ୍ରିଲ ୨୦୧୩ ରେ, ସେ ଆଞ୍ଚଳିକ ରାଜନୈତିକ ଦଳ ବିଜେଡିରେ ଯୋଗ ଦେଇଥିଲେ । ସେ ଜୁନ୍ ୨୦୧୪ ରେ ରାଜ୍ୟସଭାକୁ ନିର୍ବାଚିତ ହୋଇଥିଲେ ଏବଂ ସେ ରାଜ୍ୟସଭାର ସର୍ବକନିଷ୍ଠ ସାଂସଦ ଅଟନ୍ତି । ୨୩ ମେ ୨୦୧୯ ରେ, ସେ ପୂର୍ବରୁ ନିର୍ବାଚିତ ସାଂସଦ ବୈଜୟନ୍ତ ପଣ୍ଡାଙ୍କୁ ପରାସ୍ତ କରି କେନ୍ଦ୍ରାପଡା (ଲୋକସଭା ନିର୍ବାଚନମଣ୍ଡଳୀ)ରୁ ସାଂସଦ ଭାବରେ ନିର୍ବାଚିତ ହୋଇଥିଲେ।