ଆସିଲା ବଡ ଖବର; ପ୍ରଶ୍ନ ପତ୍ର ଲିକ ମାମଲା ,୧୨ ଜଣ ଗିରଫ
ବରପାଲି ମହାବିଦ୍ୟାଳୟରେ ଯୁକ୍ତ ତିନି ଥାର୍ଡ ସେମିଷ୍ଟାର ପରୀକ୍ଷାର ପଲିଟିକାଲ ସାଇନ୍ସ ବିଷୟର ପ୍ରଶ୍ନପତ୍ର ଲିକ ହୋଇଥିବା ଘଟଣା ବରପାଲିରେ ଚାଞ୍ଚଲ୍ୟ ଖେଳାଇଛି । ଏ ନେଇ ବରପାଲି ମହାବିଦ୍ୟାଳୟ ଅଧ୍ୟକ୍ଷା ଥାନାରେ ଏତଲା ଦେବା ପରେ ପୁଲିସ ମାମଲା ରୁଜୁ କରି ୧୦ ଜଣ ଛାତ୍ର, ଜଣେ କିରାଣୀଙ୍କ ସମେତ ୧୨ଜଣଙ୍କୁ ଗିରଫ କରିଥିବା ବିଶ୍ୱସ୍ଥ ସୂତ୍ରରୁ ସୂଚନା ମିଳିଛି ।
ସେହିପରି ଏହି ମାମଲାରେ ଜଣେ କମ୍ପ୍ୟୁଟର ଦୋକାନୀ ସହ ଜଣେ କିରାଣୀ ମଧ୍ୟ ଗିରଫ ହୋଇଛନ୍ତି। ଗିରଫ କିରାଣୀ ନାକଟିଦେଉଳ ମହାବିଦ୍ୟାଳୟର ହୋଇଥିବା ସୂଚନା ରହିଛି। ମିଳିଥିବା ସୂଚନା ଅନୁସାରେ, ଏକ କମ୍ପ୍ୟୁଟର ଦୋକାନରେ ପ୍ରଶ୍ନପତ୍ର ଜେରକ୍ସ କରାଯାଇ ଲିକ କରାଯାଇଥିଲା । ସ୍ୱାର୍ଡ ଟିମ ଆସି ପରୀକ୍ଷା ସମୟରେ ଯାଞ୍ଚ କରିବା ପରେ କିଛି ଛାତ୍ର ଧରାପଡିଥିଲେ ।
ଏହି ଘଟଣାକୁ ନେଇ ଅଧ୍ୟକ୍ଷା ଜାଣିବା ପରେ ଥାନାରେ ଏତଲା ଦେଇଥିଲେ। ଏହାପରେ ପୋଲିସ ପକ୍ଷରୁ ଏକ ମାମଲା ରୁଜୁ କରାଯାଇଥିଲା। ସମ୍ବଲପୁର ଜିଲ୍ଲା ନାକଟିଦେଉଲରୁ ପ୍ରଶ୍ନପତ୍ର ଆସିଥିବା ପୋଲିସ ତଦନ୍ତରୁ ଜଣାପଡିଥିଲା। ଏହାପରେ ପୋଲିସ ଯେଉଁ ଛାତ୍ରମାନେ ପ୍ରଶ୍ନପତ୍ର କିଣିଥିଲେ ଓ ପ୍ରଶ୍ନପତ୍ର ବିକ୍ରି କରିଥିବା କିରାଣୀଙ୍କୁ ପୋଲିସ ଗିରଫ କରିଛି। ଏ ଦିଗରେ ବରପାଲି ପୋଲିସ ତଦନ୍ତ ଚଲାଇଛି।
Click it and Unblock the Notifications
Sign in with Google