ନିଷ୍ପତ୍ତି ବଦଳିଲା, ସ୍ୱାଧୀନତା ଦିବସରେ ସାମିଲ ହେବେ ଛାତ୍ରଛାତ୍ରୀ ,ସୂଚନା ଦେଲେ ଗଣଶିକ୍ଷା ମନ୍ତ୍ରୀ

Independence day 2022 : Odisha Govt Revises Decision Allows Students To Participate In Independence Day Celebrations ,ନିଷ୍ପତ୍ତି ବଦଳିଲା, ସ୍ୱାଧୀନତା ଦିବସରେ ସାମିଲ ହେବେ ଛାତ୍ରଛାତ୍ରୀ ,ସୂଚନା ଦେଲେ ଗଣଶିକ୍ଷା ମନ୍ତ୍ରୀ

ଭୁବନେଶ୍ୱର: ନିଷ୍ପତ୍ତି ବଦଳିଲା, ସ୍ୱାଧୀନତା ଦିବସ ଉତ୍ସବରେ ସାମିଲ ହେବେ ଛାତ୍ରଛାତ୍ରୀ । ସରକାରୀଙ୍କ ମାର୍ଗଦର୍ଶିକା ଅନୁସାରେ ବିଦ୍ୟାଳୟରେ ଅନୁଷ୍ଠିତ ସ୍ୱାଧୀନତା ଦିବସରେ ଶିକ୍ଷାର୍ଥୀ ଭାଗ ନେଇପାରିବେ । ଏ ନେଇ ସୂଚନା ଦେଇଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ । ଛାତ୍ରଛାତ୍ରୀ ସାମିଲ ହେବାକୁ ସରକାର ନିଷ୍ପତ୍ତି ନେଇଥିବା କହିଛନ୍ତି ମନ୍ତ୍ରୀ । ୭୬ ତମ ସ୍ୱାଧୀନତା ଦିବସ ରାଜ୍ୟ ସରକାରଙ୍କ ନିଷ୍ପତ୍ତି ଅନୁସାରେ ପାଳିତ ହେବ । ତେବେ ଗତକାଲି ସ୍ୱାଧୀନତା ଦିବସରେ ଛାତ୍ରଛାତ୍ରୀ ଭାଗ ନେବେ ନାହିଁ ବୋଲି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ ସୂଚନା ଦେଇଥିଲେ । ଆଜି ନିଷ୍ପତ୍ତି ବଦଳିବା ନେଇ ପୁଣି ସୂଚନା ଦେଇଛନ୍ତି ।

ତେବେ ସାରା ଦେଶ ଦୁଇ ବର୍ଷ ହେବ କୋଭିଡ ଆତଙ୍କ ଭିତରେ ରଖିଛି । ବର୍ତ୍ତମାନ ମଧ୍ୟ ରାଜ୍ୟରେ ଲାଗି ରହିଛି ଏହି ଭୟ । ଏଥିପାଇଁ ସ୍ବାଧୀନତା ଦିବସରେ ଲାଗିଥିଲା କଟକଣା । ଏଥର ସ୍ୱାଧୀନତା ଦିବସ ସମାରୋହରେ ସ୍କୁଲ ଯିବେନି ଛାତ୍ରଛାତ୍ରୀ କେବଳ ଶିକ୍ଷକ ଶିକ୍ଷୟିତ୍ରୀ ପତାକା ଉତ୍ତୋଳନ କରିବେ ବୋଲି ନିଷ୍ପତ୍ତି ନିଆଯାଇଥିଲା । ହେଲେ ଆଜି ପୁଣି ଏହି ନିଷ୍ପତ୍ତି ବଦଳିଛି । ସମଗ୍ର ଶିକ୍ଷାନୁଷ୍ଠାନରେ ପାଳନ ହେବାକୁ ଯାଉଥିବା ସ୍ୱାଧୀନତା ଦିବସ ୨୦୨୨ରେ ସ୍କୁଲ ଛାତ୍ରଛାତ୍ରୀ ମାନେ ଅଂଶଗ୍ରହଣ କରିପାରିବେ ।

English summary

Govt Revises Decision Allows Students To Participate In Independence Day Celebrations