ଶ୍ରୀକ୍ଷେତ୍ରରେ ଆଜି ହେବ ନାହିଁ ଗୋଷାଣୀ ଯାତ୍ରା

Updated: Thursday, October 6, 2022, 18:43 [IST]

ପୁରୀ: ଲଗାଣ ବର୍ଷା ପାଇଁ ପୁରୀରେ ଆଜି ହେବାକୁ ଥିବା ଗୋଷାଣୀ ଯାତ୍ରା ସ୍ଥଗିତ ରହିଛି । ପରମ୍ପରା ଅନୁସାରେ ସିଂହଦ୍ଵାର ପାଖରେ ସାତ ସାହି ୪୨ କନ୍ଦିର ପ୍ରାୟ ୬୦ଟି ମେଢ଼ ଏକାଠି ହେବା ପାଇଁ ଆୟୋଜନ ହୋଇଥିଲା । କିନ୍ତୁ ବର୍ଷା ପାଇଁ ଗୁରୁବାର ତାହା ସ୍ଥଗିତ ରହିଛି । ଆସନ୍ତାକାଲି ପାଗ ଶୁଖିଲା ରହିଲେ ଏହି ଗୋଷାଣୀ ଯାତ୍ରା ଆୟୋଜନ କରାଯିବା ନେଇ ସୂଚନା ରହିଛି । ସାହି କମିଟି ସହ ଆଲୋଚନା ପରେ ଜିଲ୍ଲା ପ୍ରଶାସନ ପକ୍ଷରୁ ଏପରି ନିଷ୍ପତ୍ତି ନିଆଯାଇଛି ।

ତେବେ ଗତ ଦୁଇବର୍ଷ ହେବ କରୋନା ଯୋଗୁଁ ଗୋଷାଣୀ ଯାତ୍ରା ଫିକା ପଡିଥିବା ବେଳେ ଚଳିବ ବର୍ଷ ପ୍ରବଳ ବର୍ଷା ପାଇଁ ଗୋଷାଣି ଯାତ୍ରା ସ୍ଥଗିତ ରଖାଯାଇଛି । ବଡଦାଣ୍ଡର ଆକର୍ଷଣୀୟ ଆଲୋକ ମାଳା ସହ ଗୋଶାଣୀଙ୍କ ପାଇଁ ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।

ପରମ୍ପରା ଅନୁସାରେ ଗୋଷାଣୀ ଦେବୀ ମାନଙ୍କର ବଡଦାଣ୍ଡରେ ଦେବସଭା ହୋଇଥାଏ । ସବୁ ଗୋଷାଣୀ ମେଢ ବଡଦାଣ୍ଡକୁ ଆସି ବଡ ଏକାଦଶୀରେ ଶ୍ରୀମନ୍ଦିରର ମହାଦୀପ ଉଠିବା ପରେ ଦେବସଭା ଭାଙ୍ଗିଥାଏ । ମହାଦୀପ ଦର୍ଶନ କରିବା ପରେ ମଙ୍ଗଳାଘାଟରେ ନିର୍ମିତ ଏକ କୁତ୍ରିମ ପୁଷ୍କରିଣୀରେ ଜଳ ବିସର୍ଜନ କରାଯାଏ । ଏହା ପରେ ସନ୍ଧ୍ୟାରେ ଜହ୍ନିଖାଇ, ବାରବାଟୀ, ଶୂନ୍ଯଗୋଷାଣୀ, ବେଲବାଇ, ଗେଲବାଇ, ବୁଢାବୁଢୀ, ଚମ୍ପାଥି, ନାଗା ଆଦି ଚାଳିଶିରୁ ଉର୍ଦ୍ଧ୍ବ ଗୋଷାଣୀ ଦେବୀ ମାନେ ବିରାଟ ପଟୁଆରରେ ଆସି ଦେବସଭାରେ ସାମିଲ ହୋଇଥାନ୍ତି ।