ପର୍ଯ୍ୟଟକ ଓ ପ୍ରକୃତି ପ୍ରେମୀଙ୍କ ପାଇଁ ଖୁସି ଖବର, ଆଜିଠୁ ଖୋଲିଲା ଶିମିଳିପାଳ ଜାତୀୟ ଉଦ୍ୟାନ

Updated: Tuesday, November 1, 2022, 10:06 [IST]

ବାରିପଦା: ପର୍ଯ୍ୟଟକ ଓ ପ୍ରକୃତି ପ୍ରେମୀଙ୍କ ପାଇଁ ଖୁସି ଖବର । ଆଜିଠୁ ଖୋଲିଲା ଶିମିଳିପାଳ ଜାତୀୟ ଉଦ୍ୟାନ । ସକାଳ ୬ଟାରୁ ୯ଟା ପର୍ଯ୍ୟନ୍ତ ଖୋଲା ରହିବ । ଯଶିପୁର କାଳିଆଣି ଗେଟ୍ ଦେଇ ୩୫ଟି ଗାଡ଼ିକୁ ପ୍ରବେଶ ଅନୁମତି । ସେହିପରି ବାରିପଦା ଲୁଲୁଙ୍ଗ ପଟୁ ୨୫ଟି ଗାଡ଼ି ପ୍ରବେଶ ନେଇ ଅନୁମତି ମିଳିଥିବା ନେଇ ସୂଚନା । ପର୍ଯ୍ୟଟକଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଅଭୟାରଣ୍ୟକୁ ପ୍ରତିଦିନ ୬୦ଟି ଗାଡ଼ି ପ୍ରବେଶ କରିପାରିବ । ପର୍ଯ୍ୟଟକଙ୍କୁ ଡାକବଙ୍ଗଳାରେ ରାତ୍ରିଯାପନ କରିବା ପାଇଁ ଆଗୁଆ ଅନଲାଇନ୍ ବୁକିଂ କରିବାକୁ ପଡିବ ।

ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ଶିମିଳିପାଳ ଜାତୀୟ ଉଦ୍ୟାନ ଦୀର୍ଘ ଦିନ ପରେ ଖୋଲିବା ପରେ ପର୍ଯ୍ୟଟକଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଆଜି ସକାଳ ୬ଟାରୁ ସକାଳ ୯ଟା ମଧ୍ୟରେ ଜାତୀୟ ଉଦ୍ୟାନ ମଧ୍ୟକୁ ପ୍ରବେଶ କରିପାରିବେ ପର୍ଯ୍ୟଟକ । ତେବେ ଅଭୟାରଣ୍ୟ ଭିତରେ ପ୍ଲାଷ୍ଟିକ ଓ ପଲିଥିନକୁ ବ୍ୟାନ୍ କରାଯାଇଛି, ସେହିପରି ମାଦକ ଦ୍ରବ୍ୟ ନେବାରେ ମଧ୍ୟ କଟକଣା ଜାରି କରାଯାଇଛି