ସୁନା ବ୍ୟବସାୟୀଙ୍କ ମୃତ୍ୟୁ: ଆଜି ୧୨ ଘଣ୍ଟିଆ ଜୟପୁର ବନ୍ଦ ଡାକରା

Jaipur News: ହୃଦଘାତରେ ସୁନା ବ୍ୟବସାୟୀଙ୍କ ମୃତ୍ୟୁ ପରେ ଆଜି ୧୨ ଘଣ୍ଟିଆ ଜୟପୁର ବନ୍ଦ ଡାକରା ଦିଆଯାଇଛି । ଜୟପୁର ଚାମ୍ବର୍ ଅଫ୍ କମର୍ସ ପକ୍ଷରୁ ଏହଂ ବନ୍ଦ ଡାକରା ଦିଆଯାଇଛି। ଜିଏସଟି ରେଡର ୨ ଦିନ ପରେ ସୁନା ବ୍ୟବସାୟୀ ହରପ୍ରସାଦ ରାଓଙ୍କ ମୃତ୍ୟୁ ହୋଇଛି । ତେବେ ସିଟି ଓ ଜିଏସଟି ଟିମର ଚଢ଼ାଉ ପାଇଁ ତାଙ୍କର ହୃଦଘାତ ହୋଇଥିବା ନେଇ ସନ୍ଦେହ କରାଯାଉଛି । ଯାହା ପ୍ରତିବାଦରେ ଆଜି ଜୟପୁର ଚାମ୍ବର୍ ଅଫ୍ କମର୍ସ ପକ୍ଷରୁ ବନ୍ଦ ଡାକରା ଦିଆଯାଇଛି ।

ଆଜି ପାଳିତ ହେଉଥିବା ଏହି ବନ୍ଦ ଡାକରାର ପାଇଁ ସ୍କୁଲ, କଲେଜ ସହିତ ସମସ୍ତ ସରକାରୀ, ବେସରକାରୀ ଅନୁଷ୍ଠାନ ଏବଂ ଔଷଧ ଦୋକାନଗୁଡ଼ିକୁ ଖୋଲା ରହିବ । ସେହିପରି ଗାଡ଼ି ଚଳାଚଳ ମଧ୍ୟ କରିବ । ହେଲେ ବ୍ୟବସାୟିକ ପ୍ରତିଷ୍ଠାନଗୁଡ଼ିକୁ ବନ୍ଦ କରିବାକୁ ଜୟପୁର ଚାମ୍ବର୍ ଅଫ୍ କମର୍ସର ଅଧ୍ୟକ୍ଷଙ୍କ ପକ୍ଷରୁ ସୂଚନା ଜାରି କରାଯାଇଛି ।

ସୂଚନାଥାଉ ଯେ, ମଙ୍ଗଳବାର ଦିନ ହରପ୍ରସାଦଙ୍କ ଜୁଏଲାରୀରେ ରେଡ୍ କରିଥିଲା ସିଟି-ଜିଏସଟି ବିଭାଗ। ଯେଉଁଥି ପାଇଁ ସେ ଚାପଗ୍ରସ୍ତ ଥିବା ନେଇ ଦାବି କରାଯାଉଛି । ଏନେଇ ତାଙ୍କ ଭାଇ ଅଭିଯୋଗ ଆଣିଛନ୍ତି ଯେ, ପୂଜା ପାର୍ବଣ ଦିନ ଜୁଏଲାରୀ ଦୋକାନରେ ରେଡ୍ ତାଙ୍କୁ ଆଘାତ ଦେଇଥିଲା। ବାରମ୍ବାର ଭାଇଙ୍କ ଦୋକାନରେ ସର୍ଚ୍ଚ କରାଯିବାରୁ ସେ ଚିନ୍ତାରେ ରହୁଥିଲେ।