ରାଜଧାନୀରେ ଭକ୍ତଙ୍କ ଗହଣରେ ହେବ ଗଣେଶ ପୂଜା, ସୂଚନା ଦେଲେ ବିଏମସି କମିଶନର
Ganesh Puja 2022:ରାଜଧାନୀରେ ଭକ୍ତଙ୍କ ଗହଣରେ ହେବ ଗଣେଶ ପୂଜା, ସୂଚନା ଦେଲେ ବିଏମସି କମିଶନର .Ganesh Puja In Bhubaneswar, Prepares 2 Temporary Ponds For Idol Immersion By BMC
ଭୁବନେଶ୍ୱର: ଏଥର ରାଜଧାନୀରେ ହେବ କଟକଣା ମୁକ୍ତ ଗଣେଶ ପୂଜା । ଆଉ ପରଦା ଆଢ଼ୁଆଳରେ ନୁହେଁ ଭକ୍ତ କରିବେ ସିଧାସଳଖ ଦର୍ଶନ । ତେବେ ଚଳିତ ବର୍ଷ ରାଜ୍ୟରେ କରୋନା ସ୍ଥିତି ନିୟନ୍ତ୍ରଣାଧିନ ରହିଛି । ଏପରିକି ସଂକ୍ରମଣ ସଂଖ୍ୟା ମଧ୍ୟ କମିବାରେ ଲାଗିଛି । ଯାହାକୁ ନଜରରେ ରଖି ଚଳିତ ବର୍ଷ ଗଣେଶ ପୂଜାରେ କୋଭିଡ୍ କଟକଣା ରହିବ ନାହିଁ ବୋଲି ସୂଚନା ଦେଇଛନ୍ତି ବିଏମସି କମିଶନର ବିଜୟ ଅମୃତ କୁଲାଙ୍ଗେ । ରାଜଧାନୀରେ ଏଥର ଶତାଧିକ ଲୋକ ଗଣେଶ ପୂଜାରେ ସାମିଲ ହୋଇପାରିବେ । ହେଲେ ମାସ୍କ୍ ଓ ସାନିଟାଇଜର ବ୍ୟବହାର କରିବାକୁ BMC କମିଶନର ପରାମର୍ଶ ଦେଇଛନ୍ତି ।
ସେହିପରି ମୂର୍ତ୍ତି ବିସର୍ଜନ ପାଇଁ ରାଜଧାନୀରେ କୂଆଖାଇ ଓ ଦୟାନଦୀ କୂଳରେ ୨ଟି ଅସ୍ଥାୟୀ ପୋଖରୀ ନିର୍ମାଣ କରାଯାଇଛି । ସେଥିରେ ହିଁ ସମସ୍ତ ମୂର୍ତ୍ତି ବିସର୍ଜନ କରିବା ପାଇଁ ଅପିଲ୍ କରିଛନ୍ତି ବିଏମସି କମିଶନର । ତେବେ ଚଳିତବର୍ଷ ଭୁବନେଶ୍ୱରରେ ୫୦ରୁ ଅଧିକ ମଣ୍ଡପରେ ଠାକୁର ପୂଜା ପାଇବେ । ତେବେ କରୋନା ପାଇଁ ଗତ ଦୁଇବର୍ଷ ଧରି ବିନା ଭକ୍ତରେ ପୂଜା ହେଉଥିଲା ।
Click it and Unblock the Notifications
Sign in with Google