ଗୁଣ୍ଡିଚା ମନ୍ଦିରରେ ଗଜପତି: ଜଗମୋହନ ଓ ନାଟମଣ୍ଡପ ଫାଟର କଲେ ଅନୁଧ୍ୟାନ

ପୁରୀ ଗୁଣ୍ଡିଚା ମନ୍ଦିରରେ ଗଜପତି ମହାରାଜ । ଜଗମୋହନ ସହ ନାଟମଣ୍ଡପର କଲେ ସ୍ଥିତି ଅନୁଧ୍ୟାନ । ଗୁଣ୍ଡିଚା ମନ୍ଦିର ନାଟ ମଣ୍ଡପରେ ୪ଟି ବିମରୁ ୩ଟି କଲମ ଓ ବିମରେ ଫାଟ ସୃ୍ଷ୍ଟି ହୋଇଥିଲା ।

ପୁରୀ: ପୁରୀ ଗୁଣ୍ଡିଚା ମନ୍ଦିରରେ ଗଜପତି ମହାରାଜ । ଜଗମୋହନ ସହ ନାଟମଣ୍ଡପର କଲେ ସ୍ଥିତି ଅନୁଧ୍ୟାନ । ଗୁଣ୍ଡିଚା ମନ୍ଦିର ନାଟ ମଣ୍ଡପରେ ୪ଟି ବିମରୁ ୩ଟି କଲମ ଓ ବିମରେ ଫାଟ ସୃ୍ଷ୍ଟି ହୋଇଥିଲା । ଶ୍ରୀମନ୍ଦିର ପରିଚାଳନା କମିଟି ଅଧ୍ୟକ୍ଷ ତଥା ଗଜପତି ମହାରାଜା ଦିବ୍ୟସିଂହ ଦେବଙ୍କ ସହ ଶ୍ରୀମନ୍ଦିର ପ୍ରଶାସନର ବରିଷ୍ଠ ଅଧିକାରୀ ସାମିଲ ହୋଇଥିଲେ । ଏହାର କାମ ୨ ମାସ ମଧ୍ୟରେ ସାରିବା ପାଇଁ ନିଷ୍ପତି ହୋଇଥିଲା । କାର୍ଯ୍ୟକୁ କିଭଳି ତ୍ୱରାନ୍ୱିତ କରାଯିବ ତାହାର ଅନୁଧ୍ୟାନ କରିଛନ୍ତି ଶ୍ରୀମନ୍ଦିର ପରିଚାଳନା କମିଟି ସଭାପତି ଗଜପତି ମହାରାଜ ।

ଅନୁଧ୍ୟାନ ପରେ ଗଜପତି ମହାରାଜା କହିଛନ୍ତି, ନାଟମଣ୍ଡପ ୪ଟି ଖୁଣ୍ଟର ମରାମତି ଚାଲିଛି । ଏଥିପାଇଁ ଉଚ୍ଚସ୍ତରୀୟ ଟେକନିକାଲ କମିଟି ଗଠନ ହୋଇଛି । ଷ୍ଟେନଲେସ ଷ୍ଟିଲ ବିମ୍ ବସିବା ସହ ସିଲିଂ କାମ ମଧ୍ୟ କରାଯିବ । ମାର୍ଚ୍ଚ ଭିତରେ କାମ ସାରିବାକୁ ଲକ୍ଷ୍ୟ ରଖାଯାଇଛି । ଶ୍ରୀମନ୍ଦିର ପ୍ରଶାସନ ଦ୍ୱାରା ମରାମତି କାମ ହେବ । ଏଏସଆଇର ଭୂମିକା ନଥିଲେ ବି ପରାମର୍ଶ ନିଆଯିବ । ଶ୍ରୀଗୁଣ୍ଡିଚା ମନ୍ଦିର ୫ ଏକର ଜାଗାର ଉନ୍ନତିକରଣ ପାଇଁ ଯୋଜନା ହୋଇଛି ବୋଲି କହିଛନ୍ତି ଗଜପତି ମହାରାଜା ।

ପୂର୍ବରୁ ଶ୍ରୀଗୁଣ୍ଡିଚା ମନ୍ଦିର ନାଟମଣ୍ଡପ ବିପଦରେ ରହିଥିବା ସ୍ପଷ୍ଟ ହୋଇଥିଲା । ଚଳିତଥର ରଥଯାତ୍ରା ସମୟରେ ଏହି ଘଟଣା ନଜରକୁ ଆସିଥିଲା । ଏଥିରେ ଅସ୍ଥାୟୀ ଭାବେ କ୍ଲାମ୍ପ ଦିଆଯାଇ ମରାମତି କରାଯାଇଥିଲା ଯେଭଳି ମହାପ୍ରଭୁଙ୍କ ନୀତିରେ ବ୍ୟାଘାତ ନଘଟିବ।

English summary

Gajapati Dibyasingh Dev Reviews Puri Gundicha Temple