ଗଜଲକ୍ଷ୍ମୀ ପୂଜା ପାଇଁ ଦୁଲୁକୁଛି ଢେଙ୍କାନାଳ, ୩୮ ପୂଜା ମଣ୍ଡପରେ ପୂଜା ପାଉଛନ୍ତି ଧନଦାତ୍ରୀ

ଗଜଲକ୍ଷ୍ମୀ ପୂଜା ପାଇଁ ଦୁଲୁକୁଛି ଢେଙ୍କାନାଳ ସହର । ଚଳିତଥର ୩୮ ପୂଜା ମଣ୍ଡପରେ ପୂଜା ପାଉଛନ୍ତି ଧନଦାତ୍ରୀ । ରବିବାର ଠାରୁ ଆରମ୍ଭ ହୋଇଯାଇଛି ଢେଙ୍କାନାଳ ପ୍ରସିଦ୍ଧ ଗଜଲକ୍ଷ୍ମୀ ପୂଜା ।

ଢେଙ୍କାନାଳ: ଗଜଲକ୍ଷ୍ମୀ ପୂଜା ପାଇଁ ଦୁଲୁକୁଛି ଢେଙ୍କାନାଳ ସହର । ଚଳିତଥର ୩୮ ପୂଜା ମଣ୍ଡପରେ ପୂଜା ପାଉଛନ୍ତି ଧନଦାତ୍ରୀ । ରବିବାର ଠାରୁ ଆରମ୍ଭ ହୋଇଯାଇଛି ଢେଙ୍କାନାଳ ପ୍ରସିଦ୍ଧ ଗଜଲକ୍ଷ୍ମୀ ପୂଜା । ଦୀର୍ଘ ଦୁଇ ବର୍ଷ ପରେ ବିନା କଟକଣାରେ ଆରମ୍ଭ ହୋଇଛି ଲକ୍ଷ୍ମୀ ପୂଜା । ଚଳିତ ବର୍ଷ ୧୧ଦିନ ଧରି ମଣ୍ଡପରେ ମାଙ୍କ ପୂଜାର୍ଚ୍ଚନା ଜାରି ରହିବ ।

ସେହିପରି ତୁଳସୀକ୍ଷେତ୍ର କେନ୍ଦ୍ରାପଡା ଜିଲ୍ଲା ବି ପ୍ରସିଦ୍ଧ ଗଣପର୍ବ ଗଜଲଷ୍ମୀ ପୂଜାରେ ପ୍ରକମ୍ପିତ ହେଉଛି । ଚଳିତ ବର୍ଷ କେନ୍ଦ୍ରାପଡା ସହରର ୬୮ ଗୋଟି ମଣ୍ଡପରେ ପୂଜା ଅନୁଷ୍ଠିତ ହେଉ ଅଛି । ସହର ଉପକଣ୍ଠ ଅଞ୍ଚଳରେ ଶତାଧିକ ମଣ୍ଡପରେ ଧନ ଧାତ୍ର ମା'ଙ୍କ ପୂଜା ଆରମ୍ଭ ହୋଇଛି । ଏହି ପୂଜା ୭ ଦିନ ଧରି ଚାଲିବ। ମଣ୍ଡପରେ ମା'ଙ୍କ ଦିବ୍ୟ ଦର୍ଶନ ପାଇଁ ସମାଗମ ଦେଖିବାର ମିଳିଛି । ବିଭିନ୍ନ ମଣ୍ଡପରେ ସୁଉଚ୍ଚ ତୋରଣ ଆଲୋକମାଳାରେ ଝଲସୁଛି ସାରା ସହର ।

ରୀତିନୀତି ଆନୁଯାୟୀ ରବିବାର ମଣ୍ଡପ ଗୁଡିକରେ ଅପରାହ୍ନ ସମୟରେ ମା'ଙ୍କୁ ଆବାହନ ପାଇଁ ଶୁଭ କଳସ ସ୍ଥାପନ ଓ ମଣ୍ଡପ ସଂସ୍ଥାପନ ପୂଜା କାର୍ଯ୍ୟ ଆରମ୍ଭ ହୋଇଥିଲା । ସନ୍ଧ୍ୟା ସମୟରେ ମଣ୍ଡପ ଗୁଡିକରେ ମା'ଙ୍କୁ ଅବାହାନ କରାଯାଇଥିଲା । ଜୀବ ଦାନ ଓ ଚକ୍ଷୁ ଦାନ ନୀତି କାନ୍ତି ରାତି ୧୨ ସୁଦ୍ଧା ଶେଷ ହୋଇଥିଲା । ସେହିପରି ଭୋର ୫ଟାରେ ମା'ଙ୍କ ମଙ୍ଗଳ ଆଳତି ଓ ମୁଖ ପଖାଳ ଏବଂ ସ୍ନାନଶୁଦ୍ଧି କର୍ମ ହୋଇଛି । ଏହାପରେ ସକାଳ ୭ଟା ରେ ସକାଳ ଧୂପ ଓ ଆଳତି କର୍ମ ହେବ । ଏହା ପରେ ୯ ଟା ଠାରୁ ଲଷ୍ମୀ ପୂରଣ ପାଠ ଓ ହୋମ ଯଜ୍ଞ ହୋଇଛି । ସବୁ ମଣ୍ଡପରେ ଶ୍ରଦ୍ଧାଳୁଙ୍କ ଭିଡ ପ୍ରଥମ ଦିନରୁ ଦେଖିବାକୁ ମିଳିଛି ।

English summary

Gaja Laxmi Puja at Dhenkanal and Kendrapara