ସାମାନ୍ୟ ବଚସାରୁ ସାଙ୍ଗର ଜୀବନ ନେଲା ସାଙ୍ଗ!
ଝାରୁସୁଗୁଡ଼ା:ସାମାନ୍ୟ ବଚସାରୁ ସାଙ୍ଗକୁ ବାଡ଼େଇ ବାଡ଼େଇ ମାରିଦେଲ ସାଙ୍ଗ । ସାଙ୍ଗ ମାନେ ଏକାଠି ହୋଇ ଭୋଜି କରୁଥିଲେ । କିନ୍ତୁ ଏହି ସମୟରେ କୌଣସି କଥାକୁ କେନ୍ଦ୍ର କରି ସେମାନଙ୍କ ମଧ୍ୟରେ ବଚସା ଆରମ୍ଭ ହୋଇଥିଲା । ଯାହାର ପରିଣାମ ହେଲା ଅତିଭୟଙ୍କର । ଆଉ ଆରମ୍ଭ ହୋଇଥିବା ଏହି ବଚସା ନେଇଗଲା ଜଣଙ୍କର ଜୀବନ ।
ଏଭଳି ଏକ ଅଭାବନୀୟ ଘଟଣା ଘଟିଛି ଝାରସୁଗୁଡ଼ା ଜିଲ୍ଲା ଲଇକେରା ଥାନା ଅନ୍ତର୍ଗତ ପତ୍ରାପାଲି ବଜାର ପଡ଼ାରେ । ଗତକାଲି ବିଳମ୍ବିତ ରାତିରେ ଗାଁ ଦାଣ୍ଡରେ ଜଣେ ଯୁବକଙ୍କୁ ପିଟି ପିଟି ହତ୍ୟା କରାଯାଇଛି । ପରେ ସୂଚନା ପାଇ ଘଟଣା ସ୍ଥଳରେ ପହଁଞ୍ଚିଥିଲା । ଆଉ ଏହି ଘଟଣାରେ ଲଇକେରା ପୁଲିସ୍ ଏକ ହତ୍ୟା ମାମଲା ରୁଜୁ କରି ୬ ଜଣଙ୍କୁ ଅଟକ ରଖିଛି । ସେପଟେ ସାଇନ୍ଟିଫିକ ଟିମ୍ ମଧ୍ୟ ଘଟଣସ୍ଥଳରେ ପହଞ୍ଚି ଛାନଭିନ ଆରମ୍ଭ କରିଛି ।
ମୃତକ ଜଣକ ହେଲେ ସେହି ଗାଁର ବିପିନ ଭୋଇ । ସୂଚନା ଅନୁସାରେ ଗ୍ରାମର ବିପିନ ଓ ତାଙ୍କ ସାଙ୍ଗମାନେ ଗତକାଲି ରାତିରେ ପାର୍ଟି କରୁଥିଲେ । ଏହି ସମୟରେ କୌଣସି କଥାକୁ କେନ୍ଦ୍ର କରି ବଚସା ହୋଇଥିଲା ଆଉ ଏହି ବଚସାରୁ ସାଙ୍ଗମାନେ ହିଁ ବିପିନଙ୍କୁ ପିଟି ପିଟି ମାରି ଦେଇଥିଲେ ।
Click it and Unblock the Notifications
Sign in with Google