ଏସସିବିରେ ଆରମ୍ଭ ହେବାକୁ ଯାଉଛି ମାଗଣା ଲିଭର ଟ୍ରାନସପ୍ଲାଣ୍ଟ

ଏସସିବିରେ ଆରମ୍ଭ ହେବାକୁ ଯାଉଛି ଲିଭର ଟ୍ରାନସପ୍ଲାଣ୍ଟ । ସ୍ୱାସ୍ଥ୍ୟ ମନ୍ତ୍ରୀ ନବକିଶୋର ଦାସ ଆଜି ଏହାର ଉଦଘାଟନ କରିଛନ୍ତି।

Published: Monday, October 25, 2021, 22:12 [IST]

କଟକ: ଚିକିତ୍ସା କ୍ଷେତ୍ରରେ କଟକ ଏସସିବି ମେଡିକାଲ କଲେଜ ଓ ହସ୍ପିଟାଲରେ ଯୋଡ଼ି ହେବାକୁ ଯାଉଛି ନୂଆ ଫର୍ଦ। ଏସସିବିରେ ଆରମ୍ଭ ହେବାକୁ ଯାଉଛି ଲିଭର ଟ୍ରାନସପ୍ଲାଣ୍ଟ । ସ୍ୱାସ୍ଥ୍ୟ ମନ୍ତ୍ରୀ ନବକିଶୋର ଦାସ ଆଜି ଏହାର ଉଦଘାଟନ କରିଛନ୍ତି। ଏବେ ଆଉ ସାଧାରଣ ରୋଗୀଙ୍କୁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ଲିଭର ଟ୍ରାନ୍ସପ୍ଲାଣ୍ଟ କରିବାକୁ ପଡ଼ିବ ନାହିଁ। କାରଣ ଏସସିବି ମେଡିକାଲରେ ଏହି ସେବା ଏବେ ମାଗଣାରେ ଉପଲବ୍ଧ ହେବ।

ହେପାଟୋଲୋଜି ଓ ଗ୍ୟାଷ୍ଟ୍ରୋସର୍ଜରୀ ବିଭାଗ ମିଳିତ ସହଯୋଗରେ ଟ୍ରାନ୍‌ସପ୍ଲାଣ୍ଟ ହେବ। ଏହା ସହ ଶିଶୁରୋଗ ବିଭାଗରେ ଶିଶୁ ଆଲର୍ଜି, ଶ୍ୱାସରୋଗ ଓ ଫୁସଫୁସ ବିଭାଗ ବର୍ହିବିଭାଗକୁ ମଧ୍ୟ ଉଦ୍‌ଘାଟନ କରିଛନ୍ତି ସ୍ୱାସ୍ଥ୍ୟମନ୍ତ୍ରୀ। ଏହାସହ ପେଡିଏଟିକ ଆଲର୍ଜି ଓ ଆଜ୍ମାର ଏକ OPDକୁ ମଧ୍ୟ ଉଡଘାଟନ କରିଛନ୍ତି ସ୍ୱାସ୍ଥ୍ୟ ମନ୍ତ୍ରୀ । ଆଜି କାର୍ଯ୍ୟକ୍ରମରେ ସ୍ୱାସ୍ଥ୍ୟମନ୍ତ୍ରୀଙ୍କ ସମତେ ଏସସିବି ବଡ଼ ମେଡ଼ିକାଲର ସୁପରିଟେଣ୍ଡେଣ୍ଟ ଡା ଲୁସି ଦାସ, ଏସସିବି ମେଡ଼ିକାଲ କଲେଜର ପ୍ରିନ୍ସିପାଲ(ଡେନ)ଡାକ୍ତର ଦତେଶ୍ୱର ହୋତା, ଏସସିବି ଜରୁରୀକାଳୀନ ଅଧିକାରୀ ଭୁବନାନନ୍ଦ ମହାରଣା,କଟକ ଜିଲ୍ଲାପାଳ ଭବାନୀ ଶଙ୍କର ଚୟନୀ, ସିଏମସି କମିଶନର ଅନନ୍ୟା ଦାସ ,ଚୌଦ୍ୱାର କଟକ ବିଧାୟକ ସ୍ୱଭିକ ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ।

ହେପାଟୋଲୋଜି ଓ ଗ୍ୟାଷ୍ଟୋସର୍ଜରୀ ବିଭାଗର ମିଳିତ ସହଯୋଗ ରେ ଏହି ଅପରେସନ କରାଯିବ। ଏହି ଟ୍ରାନସପ୍ଲାଣ୍ଟ ପାଇଁ ସାଧାରଣତଃ ୨୫ରୁ ୩୦ ଲକ୍ଷ ଟଙ୍କା ଆବଶ୍ୟକ ହେଉଥିବା ବେଳେ ଏବେ ଏସସିବି ରେ ମାଗଣାରେ ଉପଲବ୍ଧ ହେବ। ଆଜି କିଛି ରୋଗୀ ଙ୍କ ଓପିଡିରେ ନାମ ପଞ୍ଜିକରଣ କରାଯାଇଅଛି। କିଛି ମାସ ପରେ ଏହି ପ୍ରକ୍ରିୟା ଆରମ୍ଭ ହେବ। ତେବେ ଭାରତ ବର୍ଷରେ ଏହି ବିରଳ ପ୍ରତିରୋପଣ ଚିକିତ୍ସା ଏବେ କଟକରେ ମାଗଣାରେ ମିଳିବାକୁ ଥିବାରୁ ରୋଗୀଙ୍କ ମନରେ ନୂଆ ଆଶା ସଞ୍ଚାର ହୋଇଛି।

Published On October 25, 2021