ଆଖଣ୍ଡଳମଣୀ ଶିବଗଙ୍ଗା ପୋଖରୀରେ ବୁଡ଼ିଗଲେ ୪ ଯୁବକ, ଜଣେ ମୃତ

ଭଦ୍ରକ ଜିଲା ଆରଡ଼ି ପୀଠରେ ରବିବାର ଘଟିଛି ଏକ ଅଘଟଣ। ଆଖଣ୍ଡଳମଣୀ ଶିବଗଙ୍ଗା ପୁଷ୍କରିଣୀ ୪ ଜଣ ଯୁବକ ବୁଡ଼ିଯାଇଥିବାବେଳେ ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ଘଟିଛି। ମୃତ ଯୁବକଜଣକ ଧାମନଗର ଥାନା ଦୋବଲ ସୋହଡା ଶାସନର ଦେବବ୍ରତ ମିଶ୍ର ବୋଲି ଜଣାପଡ଼ିଛି।

ସୂଚନା ଅନୁସାରେ, ଚାରିଜଣ ସାଙ୍ଗ ଆଜି ସକାଳୁ ଭଦ୍ରକରୁ ଆରଡ଼ି ଆସିଥିଲେ। ଆରଡ଼ିରେ ପହଞ୍ଚିବା ପରେ ପୀଠରେ ଥିବା ଶିବଗଙ୍ଗା ପୁଷ୍କରଣୀରେ ଗାଧୋଇବା ସମୟରେ ୪ ଜଣ ସାଙ୍ଗ ପାଣିରେ ବୁଡ଼ି ଯାଇଥିଲେ। ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ। ଡାକ୍ତର ସେଠାରେ ଦେବବ୍ରତଙ୍କୁ ମୃତ ଘୋଷଣା କରିଥିଲେ।

English summary

Four youths drown in Akhandalamani Shivganga pond, one dead