ପୁଅ ପଛେ ପଛେ ଚାଲିଗଲେ ମା' : ଦିବଙ୍ଗତ କଂଗ୍ରେସ ନେତା ଅଜିତଙ୍କ ମା' କ୍ଷେତ୍ରମଣୀଙ୍କ ଦେହାନ୍ତ

କିଛି ଦିନ ତଳେ ପିପିଲି ଉପନିର୍ବାଚନରେ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ପରଲୋକ ହୋଇଥିବା ବେଳେ ଏବେ ତାଙ୍କ ମା କ୍ଷେତ୍ରମଣୀଙ୍କର ଦେହାନ୍ତ ହୋଇଛି

Published: Saturday, April 17, 2021, 11:42 [IST]

ଭୁବନେଶ୍ୱର : ଦିବଙ୍ଗତ କଂଗ୍ରେସ ନେତା ଅଜିତ ମଙ୍ଗରାଜଙ୍କ ପରିବାରରେ ଦୁଃଖର କଳା ବାଦଲ ଢାଙ୍କି ହୋଇ ରହିଛି । କିଛି ଦିନ ତଳେ ପିପିଲି ଉପନିର୍ବାଚନରେ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ପରଲୋକ ହୋଇଥିବା ବେଳେ ଏବେ ତାଙ୍କ ମା କ୍ଷେତ୍ରମଣୀଙ୍କର ଦେହାନ୍ତ ହୋଇଛି । ଗତ ଶୁକ୍ରବାର ରାତିରେ ଭୁବନେଶ୍ୱରର ଏକ ଘରୋଇ ବସ୍ପିଟାଲରେ ଚିକିତ୍ସିତ ହେଉଥିବା ବେଳେ କ୍ଷେତ୍ରମଣୀ ମଙ୍ଗରାଜଙ୍କର ବିୟୋଗ ହୋଇଛି । ମୃତ୍ୟୁ ବେଳକୁ ତାଙ୍କୁ 70 ବର୍ଷ ବୟସ ହୋଇଥିଲା । କ୍ଷେତ୍ରମଣୀ ମଧ୍ୟ କୋଭିଡ ପଜେଟିଭ୍ ଆକ୍ରାନ୍ତ ହୋଇଥିଲେ ।

କ୍ଷେତ୍ରମଣିଙ୍କ ନାତି କୁମାର ଆଦର୍ଶ ଗଣମାଧ୍ୟମକୁ କହିଛନ୍ତି, କ୍ଷେତ୍ରମଣିଙ୍କର ମୂଳରୁ ଶ୍ୱାସଜନିତ ସମସ୍ୟା ଥିଲା । କୋଭିଡ୍‌ରେ ଆକ୍ରାନ୍ତ ହେବା ପରେ ଜୋରରେ କାଶ ହେଉଥିଲା । ସଂକ୍ରମଣ ଅଧିକ ବ୍ୟାପୀ ଯାଇଥିଲା । ଫୁସ୍‌ଫୁସ୍ ଖରାପ ହୋଇଯାଇଥିଲା । ଶୁକ୍ରବାର ରାତିରେ ତାଙ୍କର ବିଭିନ୍ନ ଗୁରୁତ୍ୱପୂର୍ଣ୍ଣ ଅଙ୍ଗ ବି ଅଚଳ ହୋଇଯାଇଥିଲା । ଏହା ପରେ ରାତି ସାଢ଼େ 11ଟାରୁ 12ଟା ମଧ୍ୟରେ ତାଙ୍କର ପରଲୋକ ହୋଇଯାଇଥିଲା । ଏଠାରେ ସୂଚନାଥାଉକି, ଅଜିତଙ୍କ ପରଲୋକ ପରେ ଏବେ ପିପିଲି ଉପନିର୍ବାଚନକୁ ସ୍ଥଗିତ ରଖାଯାଇଛି ।

Published On April 17, 2021