ଭୁବନେଶ୍ୱରରୁ ଜାମସେଦପୁରକୁ ଉଡିଲା ବିମାନ
ଆଜିଠୁ ରାଜଧାନୀ ଭୁବନେଶ୍ବର ଜାମସେଦପୁରକୁ ଉଡିଲା ବିମାନ । ସକାଳ ୭ଟା ୩୦ରେ ଉଡିଲା ପ୍ରଥମ ବିମାନ । ଉଡାଣ ସ୍କିମରେ ଇଣ୍ଡିଆ ୱାନ ଏୟାର ପକ୍ଷରୁ ବିମାନ ଉଡାଣ ଆରମ୍ଭ ହୋଇଛି ।
ଭୁବନେଶ୍ବର: ଆଜିଠୁ ରାଜଧାନୀ ଭୁବନେଶ୍ବର ଜାମସେଦପୁରକୁ ଉଡିଲା ବିମାନ । ସକାଳ ୭ଟା ୩୦ରେ ଉଡିଲା ପ୍ରଥମ ବିମାନ। ଉଡାଣ ସ୍କିମରେ ଇଣ୍ଡିଆ ୱାନ ଏୟାର ପକ୍ଷରୁ ବିମାନ ଉଡାଣ ଆରମ୍ଭ ହୋଇଛି । ଖୁବଶୀଘ୍ର ୨ଟି ମାର୍ଗକୁ ଯୋଗ କରି ଭୁବନେଶ୍ୱରରୁ ଜାମସେଦପୁର ଓ ଅନ୍ୟଟି ଜାମସେଦପୁରରୁ କୋଲକାତା ଏହି ବିମାନ ଉଡ଼ିବ ।
ବର୍ତ୍ତମାନ ଭୁବନେଶ୍ୱର-ଜାମସେଦପୁର-କୋଲକାତା ପାଇଁ ବୁକିଂ ଆରମ୍ଭ ହୋଇ ଯାଇଛି । ପ୍ରଥମ ଦିନ ବିମାନ ଭୁବନେଶ୍ୱରରୁ ସକାଳ ସାଢ଼େ ୭ଟାରେ ବାହାରିଥିଲା । ମାତ୍ର ଆଗକୁ ପ୍ରତିଦିନ ଏହା ଭୁବନେଶ୍ୱରରୁ ସକାଳ ସାଢ଼େ ୬ଟାରେ ବାହାରି ଜାମସେଦପୁରରେ ୭ଟା ୫୦ରେ ପହଞ୍ଚିବ । ଜାମସେଦପୁରରୁ ୮ଟା ୧୫ରେ ଛାଡ଼ି କୋଲକାତାରେ ୯ଟା ୨୦ରେ ପହଞ୍ଚିବ । ସେହିପରି କୋଲକାତାରୁ ୧୦ଟା ୧୦ରେ ବାହାରି ଜାମସେଦପୁରରେ ୧୧ଟା ୧୫ ଓ ଜାମସେଦପୁରରୁ ଅପରାହ୍ନ ୧୨ଟା ୧୫ରେ ବାହାରି ଭୁବନେଶ୍ୱରରେ ଅପରାହ୍ନ ୨ଟା ୫ରେ ପହଞ୍ଚିବ ।
ଭୁବନେଶ୍ୱର ରୁ ଜାମସେଦପୁର କୁ ୧ ଘଣ୍ଟା ୨୦ ମିନିଟ ଲାଗୁଥିବା ବେଳେ ଜାମସେଦପୁର ରୁ କଲିକତା ୧ ଘଣ୍ଟା ୫ ମିନିଟ ଲାଗିବ। ପ୍ରଥମ ବିମାନରେ ଜାମସେଦପୁରକୁ ୫ ଜଣ ଜାମସେଦପୁରରୁ କୋଲକାତା ୭ ଜଣ ଯାତ୍ରୀ ଯାଇଛନ୍ତିବୋଲି ଇଣ୍ଡିଆ ୱାନ ଏୟାର ପକ୍ଷରୁ ସୂଚନା ମିଳିଛି।
Click it and Unblock the Notifications
Sign in with Google