ଇକୋ ରିଟ୍ରିଟରେ ଅଗ୍ନିକାଣ୍ଡ: ଜଳିଗଲା ୩ଟି କଟେଜ୍, ଅଳ୍ପକେ ବର୍ତ୍ତିଲେ ଆଇପିଏସ୍
ସାତକେୋଶିଆ ଇକୋ ରିଟ୍ରିଟରେ ଭୟାବହ ଅଗ୍ନିକାଣ୍ଡ । ଚାହୁଁ ଚାହୁଁ ଜଳିଗଲା ୩ଟି କଟେଜ୍ । ଭୋର 5ରୁ ଏହି ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି ।
କଟକ: ସାତକେୋଶିଆ ଇକୋ ରିଟ୍ରିଟରେ ଭୟାବହ ଅଗ୍ନିକାଣ୍ଡ । ଚାହୁଁ ଚାହୁଁ ଜଳିଗଲା ୩ଟି କଟେଜ୍ । ଭୋର 5ରୁ ଏହି ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି । ଅଗ୍ନିକାଣ୍ଡରୁ ଅଳ୍ପକେ ବର୍ତ୍ତିଛନ୍ତି ଆଇପିଏସ୍ ସଞ୍ଜୀବ ପଣ୍ଡା ଓ ତାଙ୍କ ସହଯୋଗୀ । ସୋସିଆଲ ମିଡିଆରେ ପୋଷ୍ଟ କରି ଏହା ଜଣାଇଛନ୍ତି ସଞ୍ଜୀବ । କାହାରି କୌଣସି କ୍ଷତି ହୋଇନଥିବା ବେଳେ ସୁରକ୍ଷିତ ଭାବେ ବାହାରିଥିବା ସେ କହିଛନ୍ତି ।
ତେବେ ସଟସର୍କିଟରୁ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି । ଇକୋ ରିଟ୍ରିଟରେ ୨୭ ଟି ଟେଣ୍ଟ ହାଉସ ଥିବାବେଳେ ସେଥିରୁ ୩ଟି ଡିଲକ୍ସ କଟେଜ୍ ଥିଲା । ଅନ୍ୟ ୨୪ ଟି ଟେଣ୍ଟରେ ୪୦ ଜଣ ପର୍ଯ୍ୟଟକ ଥିବା ବେଳେ ଏହି ୩ ଟି ଡିଲକ୍ସ ଟେଣ୍ଟରେ କେହି ପର୍ଯ୍ୟଟକ ନଥିଲେ ।
ଖବର ପାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ସ୍ଥାନୀୟ ବିଧାୟକ ଦେବୀପ୍ରସାଦ ମିଶ୍ର ଏବଂ ନରସିଂହପୁର ତହସିଲଦାର ଆଲୋକ କୁମାର ଦେହୁରୀ ଇକୋ ରିଟ୍ରିଟ ଠାରେ ପହଞ୍ଚି ଘଟଣା ସମ୍ପର୍କରେ ବୁଝିଥିଲେ ଏବଂ ଘଟଣାସ୍ଥଳ ବୁଲି ଦେଖିଥିଲେ।
Click it and Unblock the Notifications
Sign in with Google