ଆଜି ଚଣ୍ଡିଖୋଲରେ 'ମହାପଞ୍ଚାୟତ', ଓଡ଼ିଶା ଦେଖିବ ଚାଷୀ ଶୋ’

ଭୁବନେଶ୍ବର: ଦିଲ୍ଲୀରୁ ଓଡିଶାର ପୁରପଲ୍ଲୀ । ଦେଶର ରାଜଧାନୀ ଦିଲ୍ଲୀରୁ ଆସି ଓଡିଶାରେ ପହଞ୍ଚିଛି କୃଷକ ଆନ୍ଦୋଳନ । କୃଷି ଆଇନ ପ୍ରତିହାର ଦାବିରେ ଦିଲ୍ଲୀ ସୀମାରେ ଦୀର୍ଘ 100 ଦିନରୁ ଉର୍ଦ୍ଧ୍ବ ଜାରି ରହିଥିବା କୃଷକ ଆନ୍ଦୋଳନ ଏବେ ଓଡିଶାରେ ପହଞ୍ଚିଛି । ଆଜି ଯାଜପୁର ଜିଲ୍ଲା ଚଣ୍ଡିଖୋଲ ନିକଟ ସୁଙ୍ଗୁଡ଼ା ଖେଳ ପଡ଼ିଆରେ କୃଷକଙ୍କ ମହାପଞ୍ଚାୟତ ଅନୁଷ୍ଠିତ ହେବ ।

ତେବେ ଶୁକ୍ରବାର (ଆଜି) ହେବାକୁ ଥିବା ଏହି ମହାପଞ୍ଚାୟତରେ ସଂଯୁକ୍ତ କିଶାନ ମୋର୍ଚ୍ଚା ବଲବୀର ସିଂ ରାଜଓ୍ବଲ, ରାକେଶ ଟିକାୟତ, ଗୁରନାମ ସିଂ ଚଣ୍ଡୁନି ଏବଂ ଯୁଧବୀର ସିଂହଙ୍କ ସମେତ ଦେଶର ୧୦ରୁ ଅଧିକ ନେତୃତ୍ବ ଏହି ମହାପଞ୍ଚାୟତରେ ଯୋଗଦେବେ । ଭୁବନେଶ୍ୱରରୁ ଚଣ୍ଡିଖୋଲ ଯାଏଁ ବାଇକ ଓ କାରରେ ଶୋଭାଯାତ୍ରା ଅନୁଷ୍ଠିତ ହେବ ।

ରାକେଶ ଟିକାୟତ ଭୁବନେଶ୍ୱର ବିମାନବନ୍ଦରରେ ପହଞ୍ଚିବା ପରେ ଏକ ବିଶାଳ ରାଲିରେ ଯାଇ ଚଣ୍ଡିଖୋଲ ପହଞ୍ଚିବାର କାର୍ଯ୍ୟକ୍ରମ ରହିଛି । ସମାବେଶରେ ୨୦ ହଜାରରୁ ଅଧିକ ଚାଷୀ ସାମିଲ ହେବେ ବୋଲି କହିଛନ୍ତି ନବନିର୍ମାଣ କୃଷକ ସଂଗଠନର ରାଷ୍ଟ୍ରୀୟ ଅଧକ୍ଷ ଅକ୍ଷୟ କୁମାର ।

English summary

Farmers Protest in Odisha: 'Mahapanchayat' to be held today in Chandikhol