ଆଜି ବସିବ ଚାଷ କ୍ଷୟକ୍ଷତି ଆକଳନ ବୈଠକ
Odisha News: ଆଜି ବସିବ ଚାଷ କ୍ଷୟକ୍ଷତି ଆକଳନ ବୈଠକ । ଲୋକସେବା ଭବନରେ ଅପରାହ୍ନ ୧ ଟାରେ ବୈଠକ ବସିବା ନେଇ ସୂଚନା ରହିଛି । ଏହି ବୈଠକରେ ରାଜସ୍ୱ, କୃଷି ଓ ସମବାୟ ବିଭାଗର ମନ୍ତ୍ରୀ ଓ ଅଧିକାରୀ ରହିବେ । ଯେଉଁଥିରେ ଅଦିନିଆ ବର୍ଷାରେ ଚାଷ କ୍ଷୟକ୍ଷତିର ଆକଳନ ଓ ସମାଧାନ ନେଇ ଆଲୋଚନା ହେବ ।
ତେବେ ଅଦିନିଆ ବର୍ଷା ଚାଷୀଙ୍କ ଚିନ୍ତାର କାରଣ ସାଜିଛି । ବର୍ଷା ପାଇଁ କେଉଁଠି ଧାନରେ ଗଜା ହେଲାଣି ତ କେଉଁଠି ଧାନ ସଢି ଗଲାଣି । ଅନ୍ୟପକ୍ଷରେ ଯେଉଁ ଚାଷୀ ମାନେ ଫସଲ ବିମା କରିଛନ୍ତି ସେମାନେ ୧୪୪୭ ନମ୍ବରରେ ନିଜର କ୍ଷୟ କ୍ଷତି ବିଷୟରେ ଜଣାଇବା ପାଇଁ ସରକାରଙ୍କ ପକ୍ଷରୁ କୁହାଯାଇଛି । ତେବେ ବର୍ତ୍ତମାନ ଯେଉଁ ମାନେ ପଞ୍ଜୀକରଣ କରିଛନ୍ତି ସେନେଇ ତଦନ୍ତ ଜାରି ରହିଛି । ଏହାସହ ଚାଷୀ ମାନଙ୍କର ବ୍ୟାଙ୍କ ଖାତା, ଜମି ପଟା ସହିତ ଆଧାର କାର୍ଡ ମଧ୍ୟ ମଗାଯାଇଛି ।
Click it and Unblock the Notifications
Sign in with Google