ଓଡିଶାରେ ନକଲି ମେଡିସିନ: ବିହାର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ରାଜ୍ୟ ସ୍ୱାସ୍ଥ୍ୟ ସଚିବ
ନକଲି ମେଡ଼ିସିନ ନେଇ ତନାଘନା ଜାରି ରହିଥିବା ବିହାର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଛନ୍ତି ରାଜ୍ୟ ସ୍ୱାସ୍ଥ୍ୟ ସଚିବ ନିକୁଞ୍ଜ ବିହାରୀ ଧଳ ।
ଭୁବନେଶ୍ୱର: ନକଲି ମେଡ଼ିସିନ ନେଇ ତନାଘନା ଜାରି ରହିଥିବା ବିହାର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଛନ୍ତି ରାଜ୍ୟ ସ୍ୱାସ୍ଥ୍ୟ ସଚିବ ନିକୁଞ୍ଜ ବିହାରୀ ଧଳ । ଓଡ଼ିଶାରେ ଜବତ ହୋଇଥିବା ନକଲି ମେଡ଼ିସିନ ଟେଲମା-୪୦ , ଟେଲମା-ଏମ ବିହାରର ଗୟାରୁ ଗ୍ଲେନମାର୍କ କମ୍ପାନୀର ଫ୍ୟାକ୍ଟ୍ରିରୁ ଆସୁଛି । ବିହାର ଡ୍ରଗ୍ସ କଣ୍ଟ୍ରୋଲରଙ୍କୁ ଏ ନେଇ ଅବଗତ କରାଯାଇଥିଲେ ମଧ୍ୟ କୌଣସି ପ୍ରତିକ୍ରିୟା ଆସିନାହିଁ ବୋଲି ଚିଠି ଦ୍ୱାରା ଜଣାଇଛନ୍ତି ଓଡ଼ିଶା ସ୍ୱାସ୍ଥ୍ୟ ସଚିବ ।
ତେବେ ତଦନ୍ତ ପାଇଁ ଓଡିଶା ଡ୍ରଗ୍ସ କଣ୍ଟ୍ରୋଲର ସହ ୨ ଜଣ ପୋଲିସ ଅଧିକାରୀ ବିହାର ଯାଇଛନ୍ତି । ସେମାନଙ୍କୁ ତଦନ୍ତରେ ସହ ଯୋଗ କରିବାକୁ ସ୍ୱାସ୍ଥ୍ୟ ସଚିବ ବିହାର ସ୍ୱାସ୍ଥ୍ୟ ବିଭାଗକୁ ଅନୁରୋଧ କରିଛନ୍ତି ।
ଏହାପୂର୍ବରୁ ନକଲି ଟେଲମା-୪୦ ଔଷଧ କାରବାରରେ ବିହାରର ଲିଙ୍କ ସାମ୍ନାକୁ ଆସିବା ପରେ ବିହାର ଡ୍ରଗ୍ସ କଣ୍ଟ୍ରୋଲରକୁ ଚିଠି ଦିଆ ଯାଇଥିଲା । ହେଲେ ବିହାର ଡ୍ରଗ୍ସ କଣ୍ଟ୍ରୋଲର ପକ୍ଷରୁ ଏଯାଏଁ କୌଣସି ଉତ୍ତର ଆସିନାହିଁ । ତେଣୁ ନକଲି ଔଷଧ କାରବାର ମାମଲାର ତଦନ୍ତରେ ସହ ଯୋଗ କରିବାକୁ ବିହାର ସ୍ୱାସ୍ଥ୍ୟ ବିଭାଗକୁ ଚିଠି ଲେଖିଛନ୍ତି ରାଜ୍ୟ ସ୍ୱାସ୍ଥ୍ୟ ସଚିବ ।
Click it and Unblock the Notifications
Sign in with Google