ବିଧାନସଭାରେ ଉଠିଲା ଜାଲ୍ ସାର୍ଟିଫିକେଟ ପ୍ରସଙ୍ଗ: କଂଗ୍ରେସ ବିଧାୟକ କହିଲେ, ଶାସକ ଦଳ ନେତାଙ୍କର ରହିଛି ସମ୍ପୃକ୍ତି

Published: Tuesday, March 28, 2023, 18:21 [IST]

ଭୁବନେଶ୍ୱର: ବିଧାନସଭାରେ ଉଠିଲା ଜାଲ୍ ସାର୍ଟିଫିକେଟ ପ୍ରସଙ୍ଗ । ବଲାଙ୍ଗୀର କଣ୍ଟାବାଞ୍ଝି ବିଧାୟକ ବିଧାନସଭାରେ ଏହି ପ୍ରସଙ୍ଗ ଉଠାଇଛି । ଶାସକ ଦଳର ବିଧାୟକଙ୍କର ଏହି ରାକେଟରେ ସମ୍ପୃକ୍ତି ରହିଥିବା ସନ୍ତୋଷ ସିଂ ସାଲୁଜା ଅଭିଯୋଗ କରିଛନ୍ତି । ଫେକ୍ ସାର୍ଟିଫିକେଟ ରାକେଟ ରାଜ୍ୟରେ ଛାତ୍ରଛାତ୍ରୀଙ୍କ ଭବିଷ୍ୟତ ଅନ୍ଧାର ହୋଇଛି ବୋଲି ବିଧାୟକ ଦାବି କରିଛନ୍ତି ।

ସାଲୁଜା କହିଛନ୍ତି ଯେ, ବଲାଙ୍ଗିରରେ ନକଲି ସାର୍ଟିଫିକେଟ୍ ରାକେଟ୍ ଚାଲିଛି । ମନୋଜ ମିଶ୍ର ଓ ଅଶୋକ ଉଦଗୋତାଙ୍କ ସମେତ ୧୯ଜଣ ଗିରଫ ହୋଇଛନ୍ତି । ସହସ୍ରାଧିକ ଛାତ୍ରଛାତ୍ରୀଙ୍କୁ ନକଲି ସାର୍ଟିଫିକେଟ୍ ଦେଇଛନ୍ତି । ସେହି ଛାତ୍ରଛାତ୍ରୀମାନେ ବିଭିନ୍ନ ବିଭାଗରେ ଚାକିରି କରୁଛନ୍ତି । ବିଭିନ୍ନ ଜିଲ୍ଲାରେ ରାକେଟ୍ ଚାଲିଛି ଏବଂ ଏଥିରେ ବିଜେଡି ନେତାଙ୍କ ସମ୍ପୃକ୍ତି ରହିଛି । ବିଜେଡି ଆଇଟି ସେଲର ସଦସ୍ୟ ଗିରଫ ହୋଇଛନ୍ତି । ଏନଏସଏରେ ବୁକ ପାଇଁ ବାଚସ୍ପତି ରୁଲିଂ ଦିଅନ୍ତୁ ।

ମନୋଜଙ୍କ କୋଚିଂ ସେଣ୍ଟର ହିଁ ନକଲି ସାର୍ଟିଫିକେଟ୍ ତିଆରିର ମୁଖ୍ୟ କେନ୍ଦ୍ର ଥିଲା । ଗୋଟିଏ କି ଦୁଇଟି ଅନୁଷ୍ଠାନ ନୁହେଁ ସାରା ଦେଶର ନାମୀଦାମୀ ୪୦ଟି ବିଶ୍ୱବିଦ୍ୟାଳୟର ନକଲି ସାର୍ଟିଫିକେଟ୍ ପ୍ରସ୍ତୁତ ହେଉଥିଲା । ଏହି ସାର୍ଟିଫିକେଟ୍ ଲକ୍ଷ ଲକ୍ଷ ଟଙ୍କାରେ ଚକିରି ଆଶାୟୀ ମାନଙ୍କୁ ବିକ୍ରି ହେଉଥିଲା । ଦେଶବ୍ୟପାୀ ଏହି ଚେର ଲମ୍ବିଥିବା ଜଣାପଡ଼ିବା ପରେ ଏକ ପୋଲିସ ଟିମ୍ ରାଜ୍ୟ ବାହାରକୁ ଅଧିକ ତଦନ୍ତ ପାଇଁ ଯିବାକୁ ପ୍ରସ୍ତୁତ ହେଉଛି । ଚଢାଉ ବେଳେ କୋଚିଂ ସେଂଟରରୁ ପ୍ରାୟ ହଜାରେ ନକଲି ସାର୍ଟିଫିକେଟ୍ ଜବତ ହୋଇଛି । ଏକ ଡାରୀ ମଧ୍ୟ ମିଳିଛି, ଏଥିରେ ଲମ୍ବା ତାଲିକା ରହିଥିବା ଜଣାପଡ଼ିଛି ।

Published On March 28, 2023