ଘର ଭାଙ୍ଗି ୮ ବର୍ଷର ନାବାଳିକାକୁ ଦଳିଦେଲା ହାତୀ
ସୋର:ସିଙ୍ଗୁଖୁଣ୍ଟା ଚିତ୍ରାଶୁଳ ଗାଁରେ ହାତୀ ଆତଙ୍କ । ଘର ଭାଙ୍ଗି ନାବାଳିକାକୁ ଦଳି ଦେଲା ହାତୀ । ବିଳମ୍ବିତ ରାତିରେ ଗାଁରେ ପଶିଥିଲେ ୮ ଟିକିଆ ହାତୀପଲ । ବାଡ଼ିରେ ହାତୀ ଦେଖି ଲୋକେ ଘଉଡ଼ାଇବାକୁ ଉଦ୍ୟମ କରିଥିଲେ । ଘଉଡାଇବା ବେଳେ ହାତୀ ଘର ଭାଙ୍ଗି ନାବାଳିକାକୁ ଦଳି ଦେଇଥିଲା ।
ସୂଚନା ଅନୁସାରେ, ବାଲେଶ୍ୱର ଜିଲ୍ଲା ସୋର ଥାନା ଅନ୍ତର୍ଗତ ସରଳିଆ ଚିତ୍ରାଶୁଳା ଗାଁର ନିଶିକାନ୍ତ ଦେହୁରୀଙ୍କ ବାଡ଼ିରେ ପ୍ରାୟ ୮ ରୁ ୯ଟି ହାତୀ ପଶି ଗଛ ପତ୍ର ନଷ୍ଟ କରୁଥିବା ବେଳେ ଲୋକେ ଉଠି ହାତୀକୁ ଘଉଡାଇବା ପାଇଁ ଚେଷ୍ଟା କରିଥିଲେ । ସେହି ସମୟରେ ହାତୀ ଘର ଭାଙ୍ଗି ୮ ବର୍ଷ ଝିଅ ପରି ଦେହୁରୀ ଶୋଇଥିବା ଘର ଭାଙ୍ଗି ପସିଆସିଥିଲା ।
ଅନ୍ଧାରରେ ହାତୀଟି କୁନି ଝିଅର ମୁଣ୍ତକୁ ଦଳି ଦେଇଥିଲା । ତାଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଡାକ୍ତରଖାନାକୁ ନିଆଯାଇଥିଲା ହେଲେ ସେଠାରେ ଡାକ୍ତର ପରି ଦେହୁରୀଙ୍କୁ ମୃତ ଘୋଷଣା କରିଥିଲେ ।
ଖବର ପାଇ ସୋର ପୋଲିସ ଘଟଣାସ୍ଥଳରେ ପହଁଞ୍ଚି ମୃତ ଦେହକୁ ବ୍ୟବଚ୍ଛେଦ ପାଇଁ ପଠାଇଛି । ୮ ବର୍ଷ ନାବାଳିକାର ମୃତ୍ୟୁରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
Click it and Unblock the Notifications
Sign in with Google