ଶକ୍ତିପୀଠରେ ମା'ଙ୍କ ମହାଷ୍ଟମୀ ପୂଜା, ମହିଷାମର୍ଦ୍ଦିନୀଙ୍କ ବେଶରେ ଦର୍ଶନ ଦେଉଛନ୍ତି ମା'

ଶକ୍ତିପୀଠରେ ମା'ମହାଷ୍ଟମୀ ପୂଜା,ମହିଷାମର୍ଦ୍ଦିନୀଙ୍କ ବେଶରେ ଦର୍ଶନ ଦେଉଛନ୍ତି ମା'

Updated: Sunday, October 2, 2022, 10:25 [IST]

Navaratri 2022: ମା'ଙ୍କ ଆଗମନରେ ଉତ୍ସବମୁଖର ପୁରପଲ୍ଲୀ । ଆଜି ଜଗଦ୍‌ଜନନୀ ଦେବୀ ଦୁର୍ଗାଙ୍କ ମହାସପ୍ତମୀ ପୂଜା। ପୀଠରେ ଚାଲିଛି ମାଆଙ୍କ ମହାଷ୍ଟମୀ ପୂଜା । ଚଳଚଞ୍ଚଳ ସମସ୍ତ ଶକ୍ତିପୀଠ । ପୀଠରେ ମାଆଙ୍କ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଭିଡ଼ ।

ପୀଠରେ ଆଜି ମାଆଙ୍କ ଅଷ୍ଟମୀ ପୂଜା ।
ପୁରୀ ସ୍ଥିତ ଜହ୍ନିଖାଇ ଠାକୁରାଣୀଙ୍କ ନିକଟରେ ଆଜି ଅଷ୍ଟମୀ ପୂଜାର୍ଚ୍ଚନା କରାଯାଉଛି । ଶ୍ରୀମନ୍ଦିର ବିମଳାଙ୍କ ରୀତିନୀତି ସହ ମା' ଜହ୍ନିଖାଇଙ୍କ ମନ୍ଦିର ଜଡିତ । ମାଆଙ୍କ ପାଖେରେ ଷୋଳଶ ଦିନାତ୍ମକ ପୂଜା କରାଯାଏ । ପ୍ରତ୍ୟକ ଦିନ ଚଣ୍ତୀପାଠ କରାଯାଇ ମାଆ ଦୁର୍ଗାଙ୍କର ଆରାଧନା କରାଯାଇଥାଏ । ଶ୍ରୀମନ୍ଦିର ଦ୍ୱାର ଫିଟାଯିବା ପରେ ମା'ଙ୍କ ଦ୍ୱାର ଖୋଲାଯାଇଥାଏ । ମଙ୍ଗଳ ଆଳତୀ, ମଇଲମ, ଅବକାଶ,ଚନ୍ଦନଲାଗି, ବାଳଭୋଗ, ଆଳତୀ, ଶୀତଳଭୋଗ, ସଂକୁଡି ଭୋଗ, କର୍ପୂର ଆଳତୀ ଓ ମହାପ୍ରସାଦ ସମର୍ପଣ ନୀତି ହୋଇଥାଏ । ମହାସପ୍ତମୀ ଠାରୁ ନବମୀ ପର୍ଯ୍ୟନ୍ତ ମା'ଙ୍କ ପାଖରେ ସ୍ୱତନ୍ତ୍ର ପୂଜାର୍ଚ୍ଚନା କରାଯାଏ । ମହାଷ୍ଟମୀରେ ଜହ୍ନିଖାଇ ଠାକୁରାଣୀଙ୍କ ଦର୍ଶନ ପାଇଁ ଭକ୍ତଙ୍କ ଭିଡ଼ ଲାଗିଛି ।

.ବାଙ୍କୀର ଅଧିଷ୍ଠାତ୍ରୀ ଦେବୀ ମା' ଚର୍ଚ୍ଚିକାଙ୍କ ପାଖରେ ଚାଲିଛି ଷୋଡଶ ଉପଚାର ପୂଜା । ଆଜି ମାଆ ମହିଷାମର୍ଦ୍ଦିନୀଙ୍କ ବେଶରେ ଦେଉଛନ୍ତି ଦର୍ଶନ । ସକାଳ ଆଳତୀ ସରିବା ପରେ ମା'ଙ୍କ ଦର୍ଶନ ପାଇଁ ଲାଗିଛି ଶ୍ରଦ୍ଧାଳୁଙ୍କ ଭିଡ଼ । ସେହିଭଳି ନବଦିନାତ୍ମକ ପୂଜାରେ ମାଆଙ୍କ ପାଖରେ ରାମାୟଣ ସହିତ ଚଣ୍ଡୀପାଠ କରାଯାଉଛି ।

.ସେପଟେ ମାଆ ଶାରଳାଙ୍କ ପୀଠରେ ବଢିବାରେ ଲାଗିଛି ଭକ୍ତଙ୍କ ଭିଡ଼ । ଆଜି 'ମହାଷ୍ଟମୀରେ ମାଆ ମହିଷାମର୍ଦ୍ଧିନୀ ବେଶରେ ସୁସଜ୍ଜିତ ହୋଇ ଦେଉଛନ୍ତି ଦର୍ଶନ । ଆଜି ମଧ୍ୟରାତ୍ରିରେ ମା'ଙ୍କ ନିକଟରେ ୧୦୮ ହାଣ୍ଡି ପଣା, ବଳି ପ୍ରଦାନ ସହିତ ସନ୍ଧି ପୂଜା କରାଯିବ । ଆଜି ମାଆଙ୍କ ପାଖରେ ନୂଆ ଚୁଡା ଲାଗି କରାଯିବା ସହ ଚଳିତ ବର୍ଷ ଭଲ ଫସଲ ହେବା ପାଇଁ ପାର୍ଥନା କରି ଥାନ୍ତି ଶ୍ରଦ୍ଧାଳୁ ।