ପୁଣି ଭୂମିକମ୍ପ ଝଟକାରେ ଥରିଲା ଏହି ଦେଶ

Earthquake In Tajikistan: ତାଜିକିସ୍ତାନରେ ପୁଣି ଭୂମିକମ୍ପ ଝଟକା ଅନୁଭୂତ ହୋଇଥିଲା। ନ୍ୟାସନାଲ ସେଣ୍ଟର ଫର୍ ସିସମୋଲୋଜି (NCS) ଅନୁଯାୟୀ, ରିକ୍ଟର ସ୍କେଲରେ ଏହାର ତୀବ୍ରତା ୪.୧ ରେକର୍ଡ କରାଯାଇଛି। ଏହା ପୂର୍ବରୁ ସମାନ ଅଞ୍ଚଳରେ ତିନିଥର ଭୂମିକମ୍ପ ଝଟକା ଅନୁଭୂତ ହୋଇଥିଲା। ତାଜିକିସ୍ତାନ ଏକ ପାର୍ବତ୍ୟମୟ ଦେଶ, ଯାହା ଜଳବାୟୁ ସମ୍ବନ୍ଧୀୟ ବିପଦ ପ୍ରତି ଅଧିକ ସମ୍ବେଦନଶୀଳ। ଏହି ଅଞ୍ଚଳରେ ଭୂମିକମ୍ପ, ବନ୍ୟା, ମରୁଡ଼ି, ହିମସ୍ଖଳନ ଏବଂ ଭୂସ୍ଖଳନର ଉଚ୍ଚ ବିପଦ ରହିଛି।

NCS ରିପୋର୍ଟ ଅନୁସାରେ ଭୂମିକମ୍ପର କେନ୍ଦ୍ରସ୍ଥଳ ଭୂମିର ୧୦ କିଲୋମିଟର ଗଭୀରରେ ଥିଲା। ଶନିବାର ଏହି ଅଞ୍ଚଳରେ ୪.୨ ତୀବ୍ରତାର ଏକ ଭୂମିକମ୍ପ ହୋଇଥିଲା। ଶନିବାର ଦିନ ୧୨:୧୭ ସମୟରେ ଆଫଗାନିସ୍ତାନରେ ରିକ୍ଟର ସ୍କେଲରେ ୫.୮ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା। ନ୍ୟାସନାଲ ସେଣ୍ଟର ଫର୍ ସିସମୋଲୋଜି (NCS) ସୋସିଆଲ ମିଡିଆ ପ୍ଲାଟଫର୍ମ X ରେ ଭୂମିକମ୍ପର ସୂଚନା ଦେଇଛି। ଭୂମିକମ୍ପର କେନ୍ଦ୍ରସ୍ଥଳ ୩୬.୧୦ ଡିଗ୍ରୀ ଉତ୍ତର ଅକ୍ଷାଂଶ ଏବଂ ୭୧.୨୦ ଡିଗ୍ରୀ ପୂର୍ବ ଦ୍ରାଘିମାରେ ୧୩୦ କିଲୋମିଟର ଗଭୀରତାରେ ଅବସ୍ଥିତ ଥିଲା।