ମୂର୍ତ୍ତି ଉଚ୍ଚତା ବିବାଦ: ୨ ଦିନ ଭିତରେ ସରକାର ନେବେ ନିଷ୍ପତ୍ତି

ଦୁର୍ଗା ପୂଜାରେ ମୂର୍ତ୍ତି ଉଚ୍ଚତା ବିବାଦ । ଆଜି ଲୋକସେବା ଭବନରେ ଆୟୋଜିତ ହୋଇଛି ଗୁରୁତ୍ୱପୂର୍ଣ୍ଣ ବୈଠକ।

ଭୁବନେଶ୍ୱର: ଦୁର୍ଗା ପୂଜାରେ ମୂର୍ତ୍ତି ଉଚ୍ଚତା ବିବାଦ । ଆଜି ଲୋକସେବା ଭବନରେ ଆୟୋଜିତ ହୋଇଛି ଗୁରୁତ୍ୱପୂର୍ଣ୍ଣ ବୈଠକ। କଟକର ଶାନ୍ତି କମିଟି ଓ ପୂଜା କମିଟି ସଦସ୍ୟ ଏବଂ ମୁଖ୍ୟ ଶାସନ ସଚିବ ଓ SRCଙ୍କ ମଧ୍ୟରେ ବୈଠକ ଅନୁଷ୍ଠିତ ହୋଇଥିଲା ।

ଆସନ୍ତା ୨ ଦିନ ମଧ୍ୟରେ ମୂର୍ତ୍ତିର ଉଚ୍ଚତା ନେଇ ନିଷ୍ପତ୍ତି ନିଆଯିବ ବୋଲି ବୈଠକରେ ଚୁଡାନ୍ତ ହୋଇଛି । ଏନେଇ ଆଲୋଚନା ପରେ ଗଣମାଧ୍ୟମକୁ ସୂଚନା ଦେଇଛନ୍ତି ମହାନଗର ଶାନ୍ତି କମିଟି ମୁଖ୍ୟ ପ୍ରଭାତ ରଞ୍ଜନ ତ୍ରିପାଠୀ ।

ସେହିପରି ଦୁର୍ଗାପୂଜାକୁ ଆହୁରି ଗୋଟିଏ ମାସରୁ ଅଧିକ ସମୟ ବାକି ରହିଛି । ତେଣୁ ସେହି ସମୟରେ କରୋନା ସ୍ଥିତିକୁ ଦୃଷ୍ଟିରେ ରଖି ଭକ୍ତଙ୍କ ଦର୍ଶନ ଉପରେ ସରକାର ନିଷ୍ପତ୍ତି ନେବେ । ସଂକ୍ରମଣ ସ୍ଥିତିକୁ ଦେଖି ଆବଦ୍ଧ ପୂଜା ଉପରେ ନିଷ୍ପତ୍ତି ନିଆଯିବ ବୋଲି ବୈଠକରେ ସ୍ଥିର ହୋଇଛି ।

ଦୁର୍ଗା ପୂଜାରେ ମା'ଙ୍କ ମୂର୍ତ୍ତିର ଉଚ୍ଚତା ୪ ଫୁଟ୍‌ ଉଚ୍ଚତାରେ ରହିବା ସହ ଆବଦ୍ଧ ପୂଜା ପାଇଁ ସରକାରଙ୍କ ଦ୍ୱାରା ଲାଗୁ କଟକଣାକୁ କଟକର ବିଭିନ୍ନ ପୂଜା ଅନୁଷ୍ଠାନ ପକ୍ଷରୁ ତୀବ୍ର ବିରୋଧ କରାଯାଇଥିଲା। ସରକାର ନିୟମ କୋହଳ ନ କଲେ ଆସନ୍ତା ୧୩ ତାରିଖରେ କଟକ ବନ୍ଦ ନିମନ୍ତେ ବିଜେପି ପକ୍ଷରୁ ଡାକରା ଦିଆଯାଇଛି।

English summary

Durga Idol Height Row: government will take a decision within two days