ସାବଧାନ ଗ୍ରାହକ: ରାଜଧାନୀରେ ବିକ୍ରି ହେଉଛି ନକଲି ମାଛ

ଘିଅ, ତେଲ, ସସ୍, ଆଚାର, ମସଲା ପରେ ଏବେ ମାର୍କେଟରେ ଦେଖିବାକୁ ମିଳିଛି ଆଉ ଏକ ନକଲି ଦବ୍ଯ । ଯାହା ଖୋଦ ରାଜଧାନୀର ମାର୍କେଟରେ ବ୍ରିକ୍ରି ହେଉଥିବା ଦେଖିବାକୁ ମିଳିଛି ।

Updated: Friday, January 22, 2021, 13:41 [IST]

ଭୁବନେଶ୍ବର: ରାଜଧାନୀରେ ବିକ୍ରି ହେଉଛି ନକଲି ମାଛ । ଘିଅ, ତେଲ, ସସ୍, ଆଚାର, ମସଲା ପରେ ଏବେ ମାର୍କେଟରେ ଦେଖିବାକୁ ମିଳିଛି ଆଉ ଏକ ନକଲି ଦବ୍ୟ । ଯାହା ଖୋଦ ରାଜଧାନୀର ମାର୍କେଟରେ ବ୍ରିକ୍ରି ହେଉଥିବା ଦେଖିବାକୁ ମିଳିଛି ।

ଅସଲି ପ୍ରଜାତିର ମାଛ ନାଁରେ ବିକ୍ରି ହେଉଛି ନକଲି ମାଛ । ଦାମୀ ପ୍ରଜାତିର ମାଛ ଭଳି ଦେଖାଯାଉଥିବା କମ୍ ଦାମୀ ପ୍ରଜାତିର ମାଛ ବଜାରରେ ବିକ୍ରି ହେଉଛି । ଆଉ ରାଜଧାନୀର ଆମିଷପ୍ରିୟ ଲୋକେ ସହଜରେ ଏହାକୁ ଜାଣି ପାରୁନାହାନ୍ତି ।

ପୋହଳା, ମାଗୁର, ମିରିକାଳି, ଖୁରାଣ୍ଟି ଭଳି ମାଛ ଆଉ ନଦୀ ପୋଖରୀରେ ବିଶେଷ ମିଳୁନାହିଁ । ଏହି ଦେଶୀ ମାଛଗୁଡ଼ିକର ପ୍ରବଳ ଚାହିଦା ଥିବା ବେଳେ ଏହା ବଜାରରେ ବିଶେଷ ନମିଳିବାରୁ ପୋହଳା ଭଳି ଦେଖାଯାଉଥିବା ମିରିକାଳି ଜାଁଳ ବିକ୍ରି କରାଯାଉଛି । ସେହିଭଳି ଡାହାଙ୍ଗିରି ଛୁଆକୁ ମଧ୍ୟ ପୋହଳା କହି ମାଛ ବେପାରୀ ବିକ୍ରି କରୁଛନ୍ତି । ଆଫ୍ରିକାନ୍ କ୍ୟାଟ୍ ଫିସ୍ କୁ ମାଗୁର ବୋଲି କହି ବେପାରୀ ବିକ୍ରି କରୁଛନ୍ତି ବୋଲି ଏକ ଗଣମାଧ୍ୟମରେ ପ୍ରକାଶିତ ରିପୋର୍ଟରେ କୁହାଯାଇଛି ।