କାଲିଠୁ ସାରା ରାଜ୍ୟରେ ପାଗ ଶୁଖିଲା !
କମିଲା ବର୍ଷା । ବଦଳିଲା ପାଗ । ଆସନ୍ତାକାଲିଠୁ ରାଜ୍ୟରେ କ୍ରମଶଃ ଶୁଖିଲା ପାଗ ରହିବ ବୋଲି ଆକଳନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।
ଭୁବନେଶ୍ବର: କମିଲା ବର୍ଷା । ବଦଳିଲା ପାଗ । ଆସନ୍ତାକାଲିଠୁ ରାଜ୍ୟରେ କ୍ରମଶଃ ଶୁଖିଲା ପାଗ ରହିବ ବୋଲି ଆକଳନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ମୌସୁମୀ ନିମ୍ନ-ଚାପ ରେଖା ଉତ୍ତର ମୁହାଁ ହେଉଥିବାରୁ ଆଜି (ବୁଧବାର) ରାଜ୍ୟରେ ଅଧିକାଂଶ ସ୍ଥାନରେ ପାଗ ଶୁଖିଲା ଥିବା ଦେଖିବାକୁ ମିଳିଛି ।
ଆସନ୍ତାକାଲି ମଧ୍ୟ ରାଜ୍ୟରେ ଶୁଖିଲା ପାଗ ଜାରି ରହିବ । ତେବେ ଶୁକ୍ରବାର କିଛି ସ୍ଥାନରେ ହାଲୁକାରୁ ମଧ୍ୟମ ବର୍ଷା ସମ୍ଭାବନା ଥିବା କହିଛି ପାଣିପାଗ କେନ୍ଦ୍ର । ବାଲେଶ୍ୱର ଉପର ଦେଇ ପୂର୍ବ-ପୂର୍ବ ଦିଗରେ ଏବଂ ପରେ ଉତ୍ତର-ପୂର୍ବ ଦିଗରେ ବଙ୍ଗୋପସାଗର ଦେଇ ଗତି କରୁଛି ମୌସୁମୀ ଟ୍ରଫ୍ ଲାଇନ୍ । ଏହା ସମୁଦ୍ର ପତନଠାରୁ ୦.୯ କିଲୋମିଟର ଉଚ୍ଚତାରେ ଲମ୍ବିଛି। ଏହାର ପ୍ରଭାବରେ ଆଭ୍ୟନ୍ତରୀଣ ଓଡିଶାର ଜିଲ୍ଲାଗୁଡ଼ିକରେ ଅଧିକାଂଶ ସ୍ଥାନରେ ହାଲୁକାରୁ ମଧ୍ୟମ ବର୍ଷା କିମ୍ବା ବଜ୍ରପାତ ହେବାର ସମ୍ଭାବନା ରହିଛି ।
ବରଗଡ, ସୁନ୍ଦରଗଡ଼, ଝାରସୁଗୁଡ଼ା, କେନ୍ଦୁଝର, ମୟୂରଭଞ୍ଜ, ବାଲେଶ୍ୱର, ଭଦ୍ରକ, ମାଲକାନଗିରି, କୋରାପୁଟ, ନବରଙ୍ଗପୁର, ନୂଆପଡ଼ା, ରାୟଗଡ଼ା ଓ ଗଜପତି ପ୍ରଭୃତି ଜିଲ୍ଲାଗୁଡ଼ିକର କିଛି ସ୍ଥାନରେ ହାଲୁକାରୁ ମଧ୍ୟମ ବର୍ଷା କିମ୍ବା ବଜ୍ରପାତ ହେବାର ସମ୍ଭାବନା ରହିଛି ବୋଲି କହିଛି ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ।
ଆସନ୍ତା ୨୮ ଓ ୩୧ରେ ରାଜ୍ୟରେ ବର୍ଷା ପାଇଁ କୌଣସି ସତର୍କ ସୂଚନା ଜାରି କରିନି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ମଙ୍ଗଳବାର ରାଜ୍ୟର କିଛି ସ୍ଥାନରେ ବର୍ଷା ହୋଇଛି । ଢେଙ୍କାନାଳରେ ୪୪.୭ ମିଲିମିଟର, କଟକରେ ୨୦.୨, ଭୁବନେଶ୍ୱରରେ ୧୯, ତାଳଚେରରେ ୧୦, ଅନୁଗୁଳରେ ୧୦.୬, ଦାରିଙ୍ଗିବାଡିରେ ୮ ଓ କେନ୍ଦ୍ରାପଡ଼ାରେ ୮.୩ ମିମି ବର୍ଷା ରେକର୍ଡ ହୋଇଛି ।
Click it and Unblock the Notifications
Sign in with Google