ଏଥର ଜମିବ ଦୀପାବଳି, ଭୁବନେଶ୍ୱରର ୭ଟି ସ୍ଥାନରେ ବିକ୍ରି ହେବ ବାଣ

ଏଥର ଜମିବ ଦୀପାବଳି ! ଭୁବନେଶ୍ୱରର ୭ଟି ସ୍ଥାନରେ ବିକ୍ରି ହେବ ବାଣ

Updated: Sunday, October 16, 2022, 8:16 [IST]

ଭୁବନେଶ୍ୱର: ଆଉ ଦିନ କେଇଟା ପରେ ଆଲୋକର ପର୍ବ ଦୀପାବଳି । ଏଥର ବେଶ୍ ଧୂମଧାମରେ ପାଳିତ ହେବ ଆଲୋକର ପର୍ବ । ଦୀର୍ଘ ଦୁଇ ବର୍ଷ ପରେ ଏଥର ବିନା କଟକଣାରେ ଏହି ପର୍ବ ପାଳିବେ ରାଜ୍ୟବାସୀ । ଏନେଇ ଏବେଠୁ ଅନେକ ସ୍ଥାନରେ ବାଣ ପ୍ରସ୍ତୁତି ମଧ୍ୟ ଆରମ୍ଭ ହୋଇଗଲାଣି । ଚଳିତ ବର୍ଷ ରାଜଧାନୀ ଭୁବନେଶ୍ୱରର ୭ଟି ସ୍ଥାନରେ ବିକ୍ରି ହେବ ବାଣ । ଏନେଇ ପ୍ରଶାସନ ପକ୍ଷରୁ ଅନୁମତି ମଧ୍ୟ ମିଳିସାରିଛି ।

ସୂଚନା ଅନୁସାରେ, ଭୁବନେଶ୍ୱର ଗାଡ଼କଣ ଶବର ସାହି ମେଲଣ ପଡ଼ିଆ, ବମିଖାଲ ମୌଜାର ରସୁଲଗଡ଼ ଦୁର୍ଗାପୂଜା ମଣ୍ଡପ, ପାଣ୍ଡରା ମୌଜାର ପଳାଶୁଣି ବିଜୁପଟ୍ଟନାୟକ ପଡିଆ, ବାପୁଜୀ ନଗରର ୟୁନିଟ ୧ ହାଇସ୍କୁଲ ପଛପଟ ଓ ଲକ୍ଷ୍ମୀସାଗର ମେଳଣ ପଡ଼ିଆରେ ବାଣ ବିକ୍ରି ପାଇଁ ପ୍ରଶାସନ ପକ୍ଷରୁ ଅନୁମତି ମିଳିଛି। ସେହିପରି ବଡବଡ଼ର ମଧ୍ୟ ଦୁଇଟି ସ୍ଥାନରେ ବାଣ ବିକ୍ରି ନେଇ ପ୍ରଶାସନ ପକ୍ଷରୁ ଅନୁମତି ମିଳିଛି । ଲାଇସେନ୍ସ ପ୍ରାପ୍ତ ଦୋକାନୀ ବାଣ କିଣିବା ପାଇଁ ପ୍ରଶାସନ ପକ୍ଷରୁ କୁହାଯାଇଛି ।