ୱାକଫ୍ ବିଲ୍ ନେଇ ନବୀନ ନିବାସରେ ଶେଷ ହେଲା ଆଲୋଚନା,ସମଦୂରତ୍ୱ ଏବଂ ଧର୍ମନିରପେକ୍ଷତା କାଏମ୍

Odisha News: ୱାକଫ୍ ବିଲ୍ ନେଇ ଆଲୋଚନା ପରେ ନବୀନ ନିବାସରୁ ବାହାରିଲେ ବରିଷ୍ଠ ବିଜେଡି ନେତା । ବିଜେଡିର ପରାମର୍ଶଦାତା କମିଟି ଦଳର ସୁପ୍ରିମୋଙ୍କୁ ଭେଟି ବିସ୍ତୃତ ଆଲୋଚନା କରିଛନ୍ତି । ପରାମର୍ଶଦାତା କମିଟିର ଅଧ୍ୟକ୍ଷ ପ୍ରସନ୍ନ ଆଚାର୍ଯ୍ୟ କହିଛନ୍ତି, ଦିନରେ ଯାହା ଆଲୋଚନା ହୋଇଥିଲା ସେନେଇ ଦଳର ସଭାପତିଙ୍କୁ ଜଣାଇଲୁ । ସେହିପରି ଅନେକ ଦଳୀୟ ପ୍ରସଙ୍ଗ ବିଷୟରେ ମଧ୍ୟ ଆଲୋଚନା ହୋଇଥିଲା ।

ପ୍ରସନ୍ନ ଆଚାର୍ଯ୍ୟ କହିଛନ୍ତି, ବିଜେଡି ଧର୍ମ ନିରପେକ୍ଷ ଦଳ ଥିଲା,ରହିଛି ଆଉ ଭବିଷ୍ୟତରେ ମଧ୍ୟ ରହିବ । ୱାକଫ୍ ବିଲ୍ ନେଇ ବିଜେଡି ସାଂସଦଙ୍କ ସମର୍ଥନ ବିଷୟରେ ନବୀନ ବାବୁଙ୍କୁ ଅବଗତ କରାଇଥିଲୁ । ସେ ଆହୁରି କହିଛନ୍ତି, ନବୀନ ବାବୁଙ୍କୁ ରାଜ୍ୟସଭା ସଦସ୍ୟମାନେ ନିଜ ନିଜ ମତ ଜଣାଇଛନ୍ତି ।