ଭୁବନେଶ୍ବରରୁ ଏସବୁ ସହରକୁ ଉଡିବ ସିଧାସଳଖ ବିମାନ: କେଉଁ ସହରକୁ ସିଧାସଳଖ ବିମାନ ?
ବିମାନଯାତ୍ରୀଙ୍କ ପାଇଁ ଖୁସି ଖବର । ଏଣିକି ଭୁବନେଶ୍ବରରୁ ଇନ୍ଦୋର, ଡେରାଡୁନ୍, କୋଚି, ଜୟପୁର, ଲକ୍ଷ୍ନୌ ଭଳି ସହରକୁ ସିଧାସଳଖ ଉଡିବ ବିମାନ । ଏନେଇ CMO ପକ୍ଷରୁ ଟ୍ବିଟ ଯୋଗେ ସୂଚନା ଦିଆଯାଇଛି । ଏସବୁ ସହରକୁ ବିଜୁ ପଟ୍ଟନାୟକ ବିମାନ ବନ୍ଦରରୁ ସିଧାସଳଖ ଉଡିବ ବିମାନ ।
ଭୁବନେଶ୍ୱରରୁ କେଉଁ ସହରକୁ ସିଧାସଳଖ ବିମାନ:
ଭୁବନେଶ୍ବର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନ ବନ୍ଦରରୁ ଦେଶର ବଡ଼ ବଡ଼ ସହରକୁ ଉଡ଼ିବ ବିମାନ । ଯେପରିକି ଇନ୍ଦୋର, ଡେରାଡୁନ୍, କୋଚି, ଜୟପୁର, ଲକ୍ଷ୍ନୌ ଆଦି ସହରକୁ ଉଡିବ ।

ଝାରସୁଗୁଡା ବୀର ସୁରେନ୍ଦ୍ର ସାଏ ବିମାନ ବନ୍ଦରରୁ ହାଇଦ୍ରାବାଦ୍, ରାୟପୁର, ଲକ୍ଷ୍ନୌ, ମୁମ୍ବାଇକୁ ସିଧାସଳଖ ବିମାନ ସେବା ଆରମ୍ଭ ହେବ। ଏହା ଦ୍ବାରା ରାଜ୍ୟର ଅର୍ଥନୈତିକ ବିକାଶକୁ ନୂଆ ଦିଗ ଦେବ ।
ବଦଳିବ ଭୁବନେଶ୍ବର ବିମାନ ବନ୍ଦର ରୂପରେଖ:
ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ନିର୍ମାଣ ହେବ ନୂଆ ଟର୍ମିନାଲ । ନିର୍ମାଣ ହେବା ପାଇଁ ଦୁଇ ବର୍ଷ ଲାଗିବ । ଏହାରି ମଧ୍ୟରେ ୮୦ ଲକ୍ଷ କ୍ଷମତା ବିଶିଷ୍ଟ ନୂଆ ଟର୍ମିନାଲ ନିର୍ମାଣ ହେବ । ଯାହାକୁ ନେଇ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ କେ.ରାମମୋହନ ନାଇଡୁ ଓଡ଼ିଶା ଗସ୍ତର ଆସିଥିବା ବେଳେ ସୂଚନା ଦେଇଥିଲେ । ସେ କହିଥିଲେ ଯେ, ଏବେ ଦେଶର ୨୦ଟି ସହର ସହ ବିଦେଶର ୪ଟି ସ୍ଥାନକୁ ଭୁବନେଶ୍ବର ଏୟାରପୋର୍ଟ ସଂଯୋଗ କରୁଛି । ଡବଲ ଇଞ୍ଜିନ ସରକାରରେ ବେସାମରିକ ବିମାନ ଚଳାଚଳ କ୍ଷେତ୍ରରେ ବ୍ୟାପକ ଆଗକୁ ଯିବ । ଭୁବନେଶ୍ବରରେ ଏବେ ଯେଉଁ ଟର୍ମିନାଲ ଅଛି ସେଥିରେ ୪୦ ରୁ ୫୦ ଲକ୍ଷ ଲୋକସଂଖ୍ୟା କ୍ଷମତା ରହିଛି । ଏହାକୁ ବୃଦ୍ଧି କରାଯିବ । ଆସନ୍ତା ବର୍ଷେ ମଧ୍ୟରେ ଏହାକୁ ୮୦ ଲକ୍ଷ କରାଯିବ ।
ଡ଼ିଜି ଯାତ୍ରାରେ ସାମିଲ ହୋଇଛି ଭୁବନେଶ୍ୱର ବିମାନ ବନ୍ଦର:
ଡିଜିଯାତ୍ରା ବିମାନବନ୍ଦରରେ ଯାତ୍ରୀମାନଙ୍କ ପାଇଁ ବାୟୋମେଟ୍ରିକ ଭିତ୍ତିକ ଡିଜିଟାଲ ପ୍ରକ୍ରିୟା । ଏହା ଦ୍ବାରା ଜଣେ ଯାତ୍ରୀ ସିଧାସଳଖ ବିମାନ ବନ୍ଦର ପ୍ରବେଶ ପଥ ଇ-ଗେଟକୁ ଯାଇ ଟିକେଟ୍ ଅବା ବୋଡିଂ ପାସର ବାରକୋର୍ଡ ବା କ୍ୟୁଆର କୋର୍ଡକୁ ସ୍କାନ କରିପାରିବେ । ଯାତ୍ରୀଙ୍କ ମୁହଁର ଫଟୋ ଏକ କ୍ୟାମେରା ଉତ୍ତୋଳନ କରି ଡିଜିଯାତ୍ରା ଆଇଡିରେ ଥିବା ଫଟୋ ସହ ତୁଳନା କରିବ । ଯାତ୍ରା ବିବରଣୀ ଏବଂ ମୁହଁ ଫଟୋ ସମାଞ୍ଜସ୍ୟ ଆସିବା ପରେ ଆପେ ଆପେ ଇ-ଗେଟ ଖୋଲିଯିବ । ଏହା ସହ ଏକ ଟୋକେନ ମିଳିବ ଯାହାକି ଟିକେଟ PNRରେ ଫଟୋ ସଂଯୁକ୍ତ କରିଥିବ ଏବଂ ପରବର୍ତ୍ତୀ ଚେକ ପଏଣ୍ଟ ଗୁଡ଼ିକରେ ମୁହଁ ଭେରିଫିକେସନ ସହଜରେ ହୋଇପାରିବ । ଏଣ୍ଟ୍ରି ପଏଣ୍ଟ ଚେକ୍, ସିକ୍ୟୁରିଟି ଚେକରେ ଏଣ୍ଟ୍ରି, ଏୟାରକ୍ରାଫ୍ଟ ବୋର୍ଡିଂ, ଅତିରିକ୍ତ ଭାବରେ ଏହା ସେଲ୍ଫ- ବ୍ୟାଗ୍ ଡ୍ରପ୍ ଏବଂ ଚେକ୍ ଇନ୍ ମଧ୍ୟ ସୁବିଧା କରିବ, ପ୍ୟାକ୍ସ ଏବଂ ଡାଟା ପୁନ ପ୍ରତ୍ୟାବର୍ତ୍ତନ ପାଇଁ ମୁଖ ଚିହ୍ନଟରେ ବ୍ୟବହାର କରିବ । ଯାହାକୁ ନେଇ ଭୁବନେଶ୍ବର ବିମାନ ବନ୍ଦରରେ କାର୍ଯ୍ୟକାରୀ କରାଯାଇଛି ।
ରାଜ୍ୟରେ ଅଛି ଅନେକ ବିମାନ ବନ୍ଦର:
ରାଜ୍ୟରେ ଗୋଟିଏ ମାତ୍ର ଅନ୍ତର୍ଜାତୀୟ ବିମାନ ବନ୍ଦରକୁ ବାଦ ଦେଲେ ଝାରସୁଗୁଡ଼ା ବିମାନ ବନ୍ଦର, ଜୟପୁର ବିମାନ ବନ୍ଦର ରାଉରକେଲା ବିମାନ ବନ୍ଦର, ଉତ୍କେଲା ଏୟାର ଷ୍ଟ୍ରିପ ସହିତ ରଙ୍ଗେଇଲୁଣ୍ଡା ଆଦି ଏୟାର ଷ୍ଟ୍ରିପ ରହିଛି।
-
ଅଲୀ ଲାରିଜାନୀ ନିହତ, ଆମେରିକା-ଇସ୍ରାଏଲର ବଡ ଦାବି -
ରିଲ୍ସ ନିଶା, ବୃଦ୍ଧ ବାପାଙ୍କୁ ବସ୍ତାରେ ବାନ୍ଧି କୋରିଅର୍ରେ ପାର୍ସଲ କଲା ଝିଅ -
ଯଦି ଶାସନ ପରିବର୍ତ୍ତନ ଲକ୍ଷ୍ୟ ନୁହେଁ, ତେବେ ଉତ୍ତର କୋରିଆରେ କାହିଁକି ହୁଏ ନିର୍ବାଚନ ? ଜାଣନ୍ତୁ... -
ବିଧାନସଭାରେ ଆମ ସଂଖ୍ୟା ୯୩;ସନ୍ତୋଷ ଖଟୁଆ -
ଆଜିଠୁ ମାଟ୍ରିକ୍ ଖାତାଦେଖା, ମେରେ ରେଜଲ୍ଟ -
୧୮ ଦିନରେ ଇରାନ ଇସ୍ରାଏଲ ଓ ଆମେରିକା ଯୁଦ୍ଧ, ବନ୍ଦ ହେବାରେ ଆଶା କ୍ଷଣ -
ରେଢ଼ାଖୋଲରେରେ ଦୁର୍ଦ୍ଦାନ୍ତ ଅପରାଧୀକୁ ଏନକାଉଣ୍ଟର, ମେଡିକାଲରେ ଭର୍ତ୍ତି -
ଡମଣା ଓ ଭିଏସ୍ଏସ୍ ନଗର ହାଟ ହେବ ପ୍ଲାଷ୍ଟିକ ଫ୍ରି ମାର୍କେଟ, ଆରମ୍ଭ ହେଲେ ପ୍ରକ୍ରିୟା -
ପୁଣି SCB ମେଡିକାଲରେ ଅଘଟଣ -
ସଂସଦୀୟ କମିଟି କଲା ସୁପାରିଶ , ଇପିଏଫଓ ପେନସନ ପରିମାଣ ତିନି ଗୁଣ ବୃଦ୍ଧି କରିବାକୁ ଯାଉଛନ୍ତି ସରକାର -
ବିଧାନସଭାରେ ଅଚଳାବସ୍ଥା ଜାରି; ଅପରାହ୍ନ ୪ଟା ଯାଏଁ ଗୃହ ମୁଲତବି -
ଆମେରିକାକୁ ସାହାର୍ଯ୍ୟ କରିବ ଫ୍ରାନ୍ସ, ଯୋଜନା କହିଲେ ମାକ୍ରନ












Click it and Unblock the Notifications