ବିବାଦରେ 'ଦୀଘା ଜଗନ୍ନାଥ ଧାମ'

Digha Jagannath Temple: ମୁଖ୍ୟମନ୍ତ୍ରୀ ମମତା ବାନାର୍ଜୀ ସମୁଦ୍ରକୂଳ ପର୍ଯ୍ୟଟନ ସ୍ଥଳ ଦୀଘାରେ ଜଗନ୍ନାଥ ମନ୍ଦିରର ଉଦଘାଟନ କରିଛନ୍ତି । ଯାହାକୁ ନେଇ ବର୍ତ୍ତମାନ ବିବାଦ ସୃଷ୍ଟି ହୋଇଛି । ତେବେ ଏହି ମନ୍ଦିରକୁ ଜଗନ୍ନାଥଧାମର ନାମକରଣ କରାଯିବା ପରେ ସେବାୟତମାନେ ବିରୋଧ କରିବା ଆରମ୍ଭ କରିଛନ୍ତି । ସେହିପରି ବ୍ରହ୍ମ ସ୍ଥାପନକୁ ନେଇ ମଧ୍ୟ ବିରୋଧ କରାଯାଉଛି ।

ପୁରୀ ସେବାୟତମାନେ ତୀବ୍ର ବିରୋଧ କରିବା ସହ କହିଛନ୍ତି ଯେ, ଭାରତର ଚାରି ଧାମ ମଧ୍ୟରୁ ଅନ୍ୟତମ ତଥା ଶ୍ରେଷ୍ଠ ଧାମ ହେଉଛି ଶ୍ରୀକ୍ଷେତ୍ର ବା ଜଗନ୍ନାଥ ଧାମ। ପୁରୀ ମନ୍ଦିରରେ ଦାରୁ ବ୍ରହ୍ମ ପୂଜା ପାଉଛନ୍ତି କିନ୍ତୁ ଜଗନ୍ନାଥଧାମ ଓ ବ୍ରହ୍ମ ସ୍ଥାପନାକୁ ଅଗ୍ରହଣୀୟ ବୋଲି ସେବାୟତ ପ୍ରତିକ୍ରିୟା ରଖିଛନ୍ତି ।

ସେହିପରି ଦୀଘାରେ ପ୍ରତିଷ୍ଠା ହୋଇଥିବା ମନ୍ଦିର ଏକ ଦର୍ଶନୀୟ ସ୍ଥାନ ହୋଇପାରେ ହେଲେ ଏହାକୁ ଜଗନ୍ନାଥଧାମର ନାଁ ଦିଆଯାଇ ପାରିବ ନାହିଁ ବୋଲି ମଧ୍ୟ ଦାବି କରାଯାଉଛି । ସେହିପରି ପୁରୀ ଦଇତାପତି ସେବାୟତ ମାନେ ପ୍ରତିଷ୍ଠା ଉତ୍ସବରେ ସାମିଲ ହେବା ଘଟଣାକୁ ନେଇ ମଧ୍ୟ ବିବାଦ ଆରମ୍ଭ ହୋଇଯାଇଛି ।