ବଢୁଛି ଡାଇରିଆ; ରୋଗରୁ ବର୍ତ୍ତିବା ପାଇଁ କ'ଣ କରିବେ କ'ଣ ନାହିଁ ଜାଣନ୍ତୁ

ରାଉରକେଲାରେ ବଢୁଛି ଡାଇରିଆ । ଲୋକେ ହନ୍ତସନ୍ତ। ତରଳ ଝାଡା ଅନେକ ସମୟରେ ସଂକ୍ରମଣ ଖାଦ୍ୟ ଏବଂ ଦୂଷିତ ପାଣିରୁ ହୋଇଥାଏ। ଯେଉଁ ପାଣି ଆମେ ପିଉଛେ କିମ୍ବା ରୋଷେଇ କରୁଛେ ସେଇ ପାଣିଟି ଯଦି ଦୂଷିତ ଅଛି ତାହେଲେ ଡାଇରିଆ ହୋଇଥାଏ । ସେଥିପାଇଁ ଆମେ ସବୁବେଳେ ସଫା ପାଣି ବ୍ୟବହାର କରିବା ଉଚିତ । ଏହା ସହ ଆପଣଙ୍କ ପିଲା ଖାଉଥିବା ଖାଦ୍ୟ ଉପରେ ମଧ୍ୟ ଧ୍ୟାନ ଦେବା ଜରୁରୀ ।

ଡାଇରିଆ ଲକ୍ଷଣ:
ଦିନକୁ ୩ ଥର ବା ତା'ଠାରୁ ଅଧକ ପତଳା ଝାଡା ହେବା ।

ଦେହହାତ ଘୋଳାବିନ୍ଧା, ହାଲିଆ ଲାଗିବା ସହ ଜିଭ ଏବଂ ଓଠ ଶୁଖଯିବା ।

ଅଧିକ ଶୋଷ ଲାଗିବା ଓ ପରିସ୍ରା କମ୍‌ ହେବା ।
ତେବେ ଏପରି କ୍ଷେତ୍ରରେ ତୁରନ୍ତ ଆଶା କିମ୍ବା ସ୍ଵାସ୍ଥ୍ୟକର୍ମୀଙ୍କୁ ସୂଚନା ଦେବା ସହିତ ଓଆରଏସ୍‌ କିମ୍ବା ଘରେ ମିଳୁଥିବା ତୋରାଣି, ପଇଡ ପାଣି, ଚିନି ଲୁଣ ସର୍ବତ ଆଦି ଯଥେଷ୍ଟ ପରିମାଣରେ ପିଇଅନ୍ତୁ ।

ଡାଇରିଆ ପ୍ରତିରୋଧ:
କରନ୍ତୁ:
ବାହାରେ ଝାଡା ନଯାଇ କେବଳ ପାଇଖାନା ବ୍ୟବହାର କରନ୍ତୁ ।

ପାଇଖାନା ଯିବା ସମୟରେ ଚପଲ ବ୍ୟବହାର କରନ୍ତୁ ।

ଶୌଚ ପରେ, ଖାଦ୍ୟ ପରଷିବା କିମ୍ବା ଖାଇବା ପୂର୍ବରୁ ହାତକୁ ଭଲ ଭାବରେ ସାବୁନରେ ଧୁଅନ୍ତୁ ।

କେବଳ ଗଭୀର ନଳକୂଅ ପାଣି, ହାଲୋଜେନ ବଟିକା ପଡିଥିବା ପାଣି କିମ୍ବା ଫୁଟା ପାଣି ପିଅନ୍ତୁ ।

ତରଳ ଝାଡା ସମୟରେ ଜଳ ଶୁଷ୍କତାରୁ ରକ୍ଷା ପାଇବା ପାଇଁ ଓଆରଏସ୍‌ କିମ୍ବା ଘରେ ମିଳୁଥବା ତୋରାଣି, ପଇଡ ପାଣି, ଚିନି ଲୁଣ ସର୍ବତ ଆଦି ପିଅନ୍ତୁ ।

ପିଇବା ପାଣି ପାତ୍ରରେ ହାତ ନବୁଡାଇ ଡଙ୍କି ବ୍ୟବହାର କରନ୍ତୁ ।

ତଟକା ଓ ଗରମ ଖାଦ୍ୟ ଖାଆନ୍ତୁ ।

କରନ୍ତୁ ନାହିଁ :
ନଇ, ଝରଣା, ଚୂଆ ବା ପୋଖରୀ ଆଦି ପାଣି ପିଅନ୍ତୁ ନାହିଁ ।

କୃଅ, ନଳକୂଅ ପାଖରେ ବାସନକୁସନ ଧୁଅନ୍ତୁ ନାହିଁ କିମ୍ବା ଲୁଗାପଟା ସଫା କରନ୍ତୁ ନାହିଁ ।

ବାସି, ପଚାସଢ଼ା ବା ମାଛିବସା ଖାଦ୍ୟ ଖାଆନ୍ତୁ ନାହିଁ ।

ଝାଡା ରୋଗୀର ଅପରିଷ୍କାର ଲୁଗାପଟା ନଦୀ, ପୋଖରୀ ଆଦିରେ ଧୁଅନ୍ତୁ ନାହିଁ ।

English summary

Diarrhea symptoms and prevention know all details