ମେ ୧୫ ଯାଏଁ ଧର୍ମାନୁଷ୍ଠାନରେ ଭକ୍ତଙ୍କ ପ୍ରବେଶ ମନା

ମେ ୧୫ ଯାଏଁ ଗଞ୍ଜାମ ଜିଲ୍ଲାର ଧର୍ମାନୁଷ୍ଠାନ ଗୁଡିକରେ ଭକ୍ତଙ୍କ ପ୍ରବେଶକୁ ମନା ହୋଇଛି । କୋଭିଡ୍ ସଂକ୍ରମଣ ବଢୁଥିବା ଦେଖି ଜିଲ୍ଲାର ସମସ୍ତ ମନ୍ଦିର, ମସଜିଦ, ଚର୍ଚ୍ଚ ଓ ଧାର୍ମିକ ପୀଠରେ ପ୍ରବେଶ ନିଷେଧ କରାଯାଇଛି ।

ଗଞ୍ଜାମ: ଜିଲ୍ଲାରେ ଧର୍ମୀୟ ଅନୁଷ୍ଠାନ ଉପରେ ଲାଗିଲା କଟକଣା । ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତି ନେଲା ଜିଲ୍ଲା ପ୍ରଶାସନ । ମେ ୧୫ ଯାଏଁ ଗଞ୍ଜାମ ଜିଲ୍ଲାର ଧର୍ମାନୁଷ୍ଠାନ ଗୁଡିକରେ ଭକ୍ତଙ୍କ ପ୍ରବେଶକୁ ମନା ହୋଇଛି ।

କୋଭିଡ୍ ସଂକ୍ରମଣ ବଢୁଥିବା ଦେଖି ଜିଲ୍ଲାର ସମସ୍ତ ମନ୍ଦିର, ମସଜିଦ, ଚର୍ଚ୍ଚ ଓ ଧାର୍ମିକ ପୀଠରେ ପ୍ରବେଶ ନିଷେଧ କରାଯାଇଛି । କେବଳ ମନ୍ଦିରର ପୂଜକମାନେ ପାରମ୍ପରିକ ରୀତିନୀତି ଅନୁଯାୟୀ ସେବା କରିପାରିବେ ବୋଲି ଗଞ୍ଜାମ ଜିଲ୍ଲାପାଳ ଟୁଇଟ୍ କରି ସୂଚନା ଦେଇଛନ୍ତି ।

ଜିଲ୍ଲାର ସମସ୍ତ ମନ୍ଦିର/ମସଜିଦ/ଚର୍ଚ୍ଚ ଏବଂ।ଅନ୍ୟ ଧର୍ମୀୟ ପୀଠ ମାନଙ୍କରେ ସୀମିତ ପୂଜକ ମାନେ ଯାଇ ପାରମ୍ପରିକ ରୀତିନୀତି ଅନୁଯାୟୀ ସେବା କରିପାରିବେ
୨୨/୦୪ ଠାରୁ ୧୫/୦୫/୨୧ ଯାଏଁ ସାଧାରଣ ଲୋକେ ଜିଲ୍ଲାର କୌଣସି ଜନ ଗହଳି ସ୍ଥାନ ଯେପରିକି ଧର୍ମୀୟ ଅନୁଷ୍ଠାନ/ ପାର୍କ/ସମୁଦ୍ର କୂଳ/ଖେଳ ପଡିଆ/ ହ୍ରଦ ଆଦି ସ୍ଥାନକୁ ପ୍ରବେଶ ନିଷେଧ କରାଯାଇଛି

— Collector & District Magistrate, Ganjam (@Ganjam_Admin) April 21, 2021

ଅନ୍ୟପଟେ କାଲିଠୁ ମେ ୧୫ ତାରିଖ ଯାଏଁ ସାଧାରଣ ଲୋକ ଜନଗହଳିପୂର୍ଣ୍ଣ ଅଞ୍ଚଳ ଯେପରିକି ଧାର୍ମିକ ଅନୁଷ୍ଠାନ, ପାର୍କ, ସମୁଦ୍ର କୂଳ, ଖେଳ ପଡିଆ ଓ ହ୍ରଦ ଆଦି ସ୍ଥାନକୁ ପ୍ରବେଶ ନିଷେଧ କରାଯାଇଛି ।

ସୂଚନାଥାଉ କି, ଗତକାଲି ଭୁବନେଶ୍ୱର ଓ କଟକରେ ମଧ୍ୟ ମନ୍ଦିର ଓ ଧର୍ମାନୁଷ୍ଠାନ ପ୍ରବେଶ ଉପରେ କଟକଣା ଲଗାଯାଇଥିଲା । ଟ୍ବିନ ସିଟିରେ ଭକ୍ତଙ୍କ ମନ୍ଦିର ପ୍ରବେଶକୁ ମନା କରାଯାଇଥିଲା । ଆଜି ଶ୍ରୀରାମ ନବମୀରେ ବି ଟ୍ବିନ ସିଟିର ସମସ୍ତ ରାମ ମନ୍ଦିର ଫାଙ୍କା ରହିଥିଲା ।

English summary

Devotees are denied to enter In religious institution at ganjam