ଓଡ଼ିଶାରେ ୟୁପି ଗ୍ୟାଙ୍ଗଷ୍ଟର ନିରୋଧ ଭଳି ଆଇନ ପାଇଁ ଦାବି
ମୁଖ୍ୟମନ୍ତ୍ରୀଙ୍କୁ ଉପବାଚସ୍ପତିଙ୍କ ପ୍ରସ୍ତାବ , ଓଡ଼ିଶାରେ ଆସୁ ଉତ୍ତର ପ୍ରଦେଶ ଷ୍ଟାଇଲ୍ ଆଇନ୍ । ସେ କହିଛନ୍ତି , ଅପରାଧୀଙ୍କୁ ଦମନ ପାଇଁ ଅଣ୍ଟା ଭିଡ଼ନ୍ତୁ ସରକାର । ରାଜ୍ୟରେ ବଢ଼ୁଛି ଅପରାଧ , ସାମ୍ନାକୁ ଆସୁଛି ଚୋରି, ନାରୀ ନିର୍ଯାତନା ମାମଲା । ଅପରାଧ ପ୍ରବଣର ଅପବାଦ ମୁଣ୍ଡାଇଲାଣି ଓଡ଼ିଶା ।ଅପରାଧୀଙ୍କୁ ଦମନ ପାଇଁ ପଦକ୍ଷେପ ନେବାକୁ ଆହ୍ବାନ । ଓଡ଼ିଶା ପାଇଁ ଆସୁ 'ଓଡ଼ିଶା ଗ୍ୟାଙ୍ଗଷ୍ଟର୍ସ ଓ ଅସାମାଜିକ ଗତିବିଧି ଆଇନ୍ ' । ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ପ୍ରସ୍ତାବ ଦେଇଛନ୍ତି ଉପବାଚସ୍ପତି ଭବାନୀ ଶଙ୍କର ଭୋଇ ।
ସେ ଆହୁରି ମଧ୍ୟ କହିଛନ୍ତି ଅପରାଧ ଦମନ ପ୍ରସ୍ତାବରେ କଡ଼ା ଦଣ୍ଡବିଧାନ ଓ ସମ୍ପତ୍ତି ଜବରଦଖଲର ଭୟ ରଖାଯାଉ । ବଡ଼ ବଡ଼ ନେତା, ଅର୍ଥ ଲଗାଉଥିବା ବ୍ୟକ୍ତିବିଶେଷଙ୍କୁ ଦମନ କରାଯାଉ ଅପରାଧଶ୍ରେଣୀୟ ଗୋଷ୍ଠୀଙ୍କ ଆର୍ଥିକ ମେରୁଦଣ୍ଡକୁ ଦୁର୍ବଳ କରିବାକୁ ନିୟମ ଆସୁ । ଏହା ସହ ସାଧାରଣ ଜନତାଙ୍କ ସୁରକ୍ଷା ପାଇଁ କଡ଼ା ଆଇନକାନୁନ୍ ଲାଗୁ ହେଉ ।
'ଓଡ଼ିଶା ଗ୍ୟାଙ୍ଗଷ୍ଟର୍ସ ଓ ଅସାମାଜିକ ଗତିବିଧି ଆଇନ୍'ରେ କ'ଣ ରହିବ ?
ସଂଗଠିତ ଅପରାଧୀ ଗୋଷ୍ଠୀର ଗଠନ ଓ ଆପରାଧିକ ଗତିବିଧି ଉପରେ ଲଗାଇବ ଲଗାମ
ଗ୍ୟାଙ୍ଗ୍ଷ୍ଟର ଓ ଗୁଣ୍ଡାଙ୍କ ପ୍ରଭାବଶାଳୀ ମକଦ୍ଦମା ଏବଂ ନିବାରଣ ସୁନିଶ୍ଚିତ କରିବା
ଏକ କେନ୍ଦ୍ରୀଭୂତ ଆଇନଗତ ଢାଞ୍ଚା ମାଧ୍ୟମରେ ଜନତାଙ୍କ ଶାନ୍ତି, ସୁରକ୍ଷା ଓ ସମ୍ପତ୍ତିକୁ ସୁନିଶ୍ଚିତ କରିବା
ସମ୍ପତ୍ତି ବାଜ୍ୟାପ୍ତି ସହ ତ୍ବରିତ ପ୍ରତିରୋଧମୂଳକ କାର୍ଯ୍ୟାନୁଷ୍ଠାନକୁ ସକ୍ଷମ କରିବା
ଗ୍ୟାଙ୍ଗ୍ ନେଟ୍ୱର୍କକୁ ଚିହ୍ନଟ କରି ନିଷ୍କ୍ରିୟ କରିବା ପାଇଁ ସ୍ବତନ୍ତ୍ର ଆଇନ୍ ଲାଗୁ କରିବା
Click it and Unblock the Notifications
Sign in with Google